• Название:

    молитвослов церковнослов'янська мова київський ізвод молитовник українською ц сл


  • Размер: 0.11 Мб
  • Формат: ODT
  • Сообщить о нарушении / Abuse

    Осталось ждать: 20 сек.

Установите безопасный браузер



Православний молитвослов. Видання екзарха всiєї України, митрополита Київського i Галицького. — К., 1968. — 432 с. (Перевидання: Л., 1986. — 416 с.; К., 1990. — 416 с.).

На славу і честь Єдиносущної,
Животворящої і Нероздільної Тройці —
Отця і Сина і Святого Духа

З благословення Святішого
Патріарха Московського і всієї Русі
ПИМЕНА
і благословення Високопреосвященного
Екзарха України
ФІЛАРЕТА
Митрополита Київського і Галицького

видано цей православний молитвослов
на духовну користь православно-віруючих
людей

Мовні особливості видання
У тексті трапляються розбіжності в написанні певних слів (наслідок заборон і підпільного існування нашої традиційної богослужбової мови); не вжито апострофу (апостроф незмінно вимовляли з давніх давен, але майже до кінця ХХ століття у транслітерованих виданнях його не позначали). У порівнянні з молитовниками Греко-Католицької Церкви 1930–40-х рр. розбіжності незначні, обумовлені транслітеруванням з уживаних в РПЦ богослужбових текстів або російським впливом на вимову певних слів: «приідіте, милості, христіан, чинми» замість «прийдіте, милости, христіян, чиньми» тощо. Загалом цей молитвослов опрацьований ретельніше за греко-католицькі видання.

Початок звичайний

Во ім’я Отца і Сина і Святого Духа. Амінь (тричі).

Молитвами святих отец наших, Господи Ісусе Христе, Боже наш, помилуй нас. Амінь.

Слава Тебі, Боже наш, слава Тебі.

Царю небесний, Утішителю, Душе істини, іже везді сий і вся ісполняяй, Сокровище благих і жизні Подателю, приіди і вселися в ни, і очисти ни от всякія скверни, і спаси, Блаже, душі наша.

Святий Боже, святий Кріпкий, святий Безсмертний, помилуй нас (тричі).

Слава Отцу і Сину і Святому Духу, і нині, і присно, і во віки віков. Амінь.

Пресвятая Тройце, помилуй нас: Господи, очисти гріхи наша; Владико, прости беззаконія наша; Святий, посіти і ісціли немощі наша, імене Твоего ради. Господи, помилуй (тричі). Слава Отцу і Сину і Святому Духу, і нині і присно і во віки віков. Амінь.

Отче наш, Іже єси на небесіх, да святится ім’я Твоє, да приідет царствіє Твое, да будет воля Твоя, яко на небесі і на землі. Хліб наш насущний даждь нам днесь, і остави нам долги наша, якоже і ми оставляєм должником нашим, і не введи нас во іскушеніє, но ізбави нас от лукаваго.

Господи, помилуй (12 разів).

Слава Отцу і Сину і Святому Духу, і нині і присно, і во віки віков. Амінь.

Приідіте, поклонімся Цареві нашему Богу.

Приідіте, поклонімся Христу, Цареві, нашему Богу.

Приідіте, поклонімся і припадем Самому Христу, Цареві і Богу нашему.

Псалом п'ятдесятий

Помилуй мя, Боже, по велицій милості Твоєй і по множеству щедрот Твоїх очисти беззаконіє моє.

Найпаче омий мя от беззаконія моего і от гріха моего очисти мя.

Яко беззаконіє моє аз знаю, і гріх мой предо мною єсть вину.

Тебі единому согріших і лукавое пред Тобою сотворих, яко да оправдишися во словесіх Твоїх і побідити, внегда судити Ти.

Се бо в беззаконіїх зачат єсм і во грісіх роди мя мати моя.

Се бо істину возлюбил єси, безвістная і тайная премудрости Твоєя явил ми єси.

Окропити мя іссопом, і очищуся, омиєши мя, і паче сніга убілюся.

Слуху моєму даси радость і веселіє, возрадуются кості смиренния.

Отврати лице Твоє от гріх моїх і вся беззаконія моя очисти.

Сердце чисто созижди во мні, Боже, і дух прав обнови во утробі моєй.

Не отвержи мене от лица Твоєго і Духа Твоего Святаго не отими от мене.

Воздаждь ми радость спасенія Твоєго і Духом владичним утверди мя.

Научу беззаконния путем Твоїм, і нечестивії к Тебі обратятся.

Ізбави мя от кровей, Боже, Боже спасенія моєго, возрадуєтся язик мой правді Твоєй.

Господи, устні мої отверзеши, і уста моя возвістят хвалу Твою.

Яко аще би восхотіл єси жертви, дал бих убо, всесожженія не благоволиши.

Жертва Богу дух сокрушен, сердце сокрушенно і смиренно Бог не уничижит.

Ублажи, Господи, благоволенієм Твоїм Сіона, і да созиждутся стіни Єрусалимскія.

Тогда благоволиши жертву Правди, возношеніє і всесожегаємая, тогда возложат на олтар Твой телци.

Символ віри

Вірую во єдинаго Бога Отца, Вседержителя, Творца небу і землі, видимим же всім і невидимим.

І во єдиного Господа Ісуса Христа, Сина Божія, єдинороднаго, іже от Отца рожденнаго прежде всіх вік. Світа от Світа, Бога істинна от Бога істинна, рожденна, не сотворенна, єдиносущна Отцу, імже вся биша.

Нас ради человік і нашего ради спасенія сшедшаго с небес, і воплотившагося от Духа Свята і Марії Діви, і вочеловічшася.

Распятаго же за ни при Понтійстім Пілаті, і страдавша, і погребенна.

І воскресшаго в третій день по Писанієм. І возшедшаго на небеса, і сідяща одесную Отца, і паки грядущаго со славою судити живим і мертвим, Єгоже царствію не будет конца.

І в Духа Святаго, Господа, животворящего, іже от Отца ісходящаго, іже со Отцем і Сином спокланяєма і сславима, глаголавшаго пророки.

Во єдину святую, соборную і апостольскую Церков.

Ісповідую єдино крещеніє, во оставленіе гріхов.

Чаю воскресенія мертвих,

І жизні будущаго віка. Амінь;

Молитва покаянна

Ослаби, остави, прости, Боже, прегрішенія наша, вольная і невольная, яже в слові і в ділі, яже в відінії і невідінії, яже в умі і в помишленії, яже во дні і в нощи, вся нам прости, яко благ і человіколюбец.

Молитви до Пресвятої Богородиці

Богородице Діво, радуйся, благодатная Маріє, Господь с Тобою, благословенна Ти в женах і благословен плод чрева Твоего, яко Спаса родила єси душ наших.

Достойно есть яко воістину блажити Тя Богородицу, присноблаженную і пренепорочную і Матер Бога нашего. Честнійшую херувим і славнійшую без сравненія серафим, без істлінія Бога Слова рождшую, сущую Богородицу Тя величаєм.

Под Твою милость прибігаєм, Богородице Діво, моленій наших не презри в скорбіх, но от бід ізбави нас, едина чистая і благословенная. Преславная Приснодіво, Мати Христа, Бога нашего, принеси нашу молитву Сину Твоєму і Богу нашему, да спасет Тобою душі наша.

Молитва до святих Ангелів

Вся небесния сили, святії Ангели і Архангели, моліте Бога о нас грішних.

Молитва до всіх святих

Святії славнії і всехвальнії Апостоли, Пророци, Мученици і всі святії, моліте Бога о нас грішних.

Молитва до Пресвятої Тройці

Упованіє моє Отец, прибіжище моє Син, покров мой Дух Святий; Тройце Святая, слава Тебі.

Боже, милостив буди мні, грішному.

Боже, очисти гріхи моя і помилуй мя.

Без числа согріших, Господи, прости мя.

Во імя Отца і Сина і Святого Духа.

Амінь (тричі).

Молитви ранішні

Вставши від сну, раніше усякого іншого діла, стань благоговійно, уявляючи себе перед Всевидющим Богом, і, знаменуючи себе святим хрестом, промовляй:

Во імя Отца і Сина і Святого Духа. Амінь (тричі).

Потім трохи почекай, щоб усі почуття твої втишилися і думки твої залишили все земне, а тоді промовляй ці молитви без поспіху, з увагою сердечною:

Боже, милостив буди мні грішному.

Господи, Ісусе Христе, Сине Божий, молитв ради Пречистия Твоєя Матере, і всіх святих, помилуй нас. Амінь.

Слава Тебі, Боже, наш, слава Тебі.

Царю небесний, Утішителю, Душе істини, іже везді сий і вся ісполняяй, сокровище благих і жизні Подателю, приіди і вселися в ни і очисти ни от всякія скверни, і спаси, Блаже, душі наша.

Святий Боже, святий Кріпкий, святий Безсмертний, помилуй нас (тричі).

Слава Отцу і Сину і Святому Духу, і нині і присно і во віки віков. Амінь.

Пресвятая Тройце, помилуй нас: Господи, очисти гріхи наша; Владико, прости беззаконія наша, Святий, посіти і ісціли немощі наша, імене Твоєго ради.

Господи, помилуй (тричі).

Слава: і нині:

Отче наш, іже еси на небесіх, да святится імя Твоє, да приідет царствіє Твоє, да будет воля Твоя, яко на небесі і на землі. Хліб наш насущний даждь нам днесь, і остави нам долги наша, якоже і ми оставляєм должником нашим, і не введи нас во іскушеніє, но ізбави нас от лукаваго.

Тропарі троїчні

Воставше от сна, припадаєм Ти, Блаже, і ангельскую піснь вопієм Ти, Сильне: Свят, Свят, Свят єси, Боже, Богородицею помилуй нас.

Слава:

От одра і сна воздвигл мя єси, Господи, ум мой просвіти і сердце, і устні мої отверзи, во єже піти Тя, Святая Тройце: Свят, Свят, Свят еси, Боже, Богородицею помилуй нас.

І нині:

Внезапу Судія приідет, і коєгождо діянія обнажатся, но страхом зовем в полунощі: Свят, Свят, Свят єси, Боже, Богородицею помилуй нас.

Господи, помилуй (12 разів).

Молитва

От сна востав, благодарю Тя, Святая Тройце, яко многія ради Твоєя благости і долготерпінія, не прогнівался єси на мя ліниваго і грішнаго, ніже погубил мя єси со беззаконьми моїми: но человіколюбствовал єси обично, і в нечаянії лежащаго воздвигл мя єси, во єже утреневати і славословити державу Твою: і нині просвіти мої очі мисленния, отверзи моя уста, поучатися словесем Твоїм і разуміти заповіді Твоя, і творити волю Твою, і славити Тя во ісповіданії сердечнім, і воспівати всесвятоє імя Твоє, Отца і Сина і Святаго Духа, нині і присно і во віки віков. Амінь.

Приідіте, поклонімся Цареві нашему Богу.

Приідіте, поклонімся і припадем Христу, Цареві нашему Богу.

Приідіте, поклонімся і припадем Самому Христу, Цареві і Богу нашему.

Псалом 50

Помилуй мя, Боже, по велицій милості Твоєй і по множеству щедрот Твоїх очисти беззаконіє моє.

Найпаче омий мя от беззаконія моего і от гріха моего очисти мя.

Яко беззаконіє моє аз знаю, і гріх мой предо мною єсть вину.

Тебі единому согріших і лукавое пред Тобою сотворих, яко да оправдишися во словесіх Твоїх і побідити, внегда судити Ти.

Се бо в беззаконіїх зачат єсм і во грісіх роди мя мати моя.

Се бо істину возлюбил єси, безвістная і тайная премудрости Твоєя явил ми єси.

Окропити мя іссопом, і очищуся, омиєши мя, і паче сніга убілюся.

Слуху моєму даси радость і веселіє, возрадуются кості смиренния.

Отврати лице Твоє от гріх моїх і вся беззаконія моя очисти.

Сердце чисто созижди во мні, Боже, і дух прав обнови во утробі моєй.

Не отвержи мене от лица Твоєго і Духа Твоего Святаго не отими от мене.

Воздаждь ми радость спасенія Твоєго і Духом владичним утверди мя.

Научу беззаконния путем Твоїм, і нечестивії к Тебі обратятся.

Ізбави мя от кровей, Боже, Боже спасенія моєго, возрадуєтся язик мой правді Твоєй.

Господи, устні мої отверзеши, і уста моя возвістят хвалу Твою.

Яко аще би восхотіл єси жертви, дал бих убо, всесожженія не благоволиши.

Жертва Богу дух сокрушен, сердце сокрушенно і смиренно Бог не уничижит.

Ублажи, Господи, благоволенієм Твоїм Сіона, і да созиждутся стіни Єрусалимскія.

Тогда благоволиши жертву Правди, возношеніє і всесожегаємая, тогда возложат на олтар Твой телци.

Символ віри

Вірую во єдинаго Бога Отца, Вседержителя, Творца небу і землі, видимим же всім і невидимим.

І во єдиного Господа Ісуса Христа, Сина Божія, єдинороднаго, іже от Отца рожденнаго прежде всіх вік. Світа от Світа, Бога істинна от Бога істинна, рожденна, не сотворенна, єдиносущна Отцу, імже вся биша.

Нас ради человік і нашего ради спасенія сшедшаго с небес, і воплотившагося от Духа Свята і Марії Діви, і вочеловічшася.

Распятаго же за ни при Понтійстім Пілаті, і страдавша, і погребенна.

І воскресшаго в третій день по Писанієм. І возшедшаго на небеса, і сідяща одесную Отца, і паки грядущаго со славою судити живим і мертвим, Єгоже царствію не будет конца.

І в Духа Святаго, Господа, животворящего, іже от Отца ісходящаго, іже со Отцем і Сином спокланяєма і сславима, глаголавшаго пророки.

Во єдину святую, соборную і апостольскую Церков.

Ісповідую єдино крещеніє, во оставленіе гріхов.

Чаю воскресенія мертвих,

І жизні будущаго віка. Амінь;

Молитви св. Макарія Великого

1. Боже, очисти мя грішнаго, яко ніколиже сотворих благоє пред Тобою, но ізбави мя от лукаваго, і да будет во мні воля Твоя: да неосужденно отверзу уста моя недостойная і восхвалю імя Твоє святоє, Отца і Сина і Святаго Духа, нині і присно і во віки віков. Амінь.

2. От сна востав, полунощную піснь приношу Ти, Спасе, і припадая, вопію Ти: не даждь ми уснути во гріховній смерті, но ущедри мя, распнийся волею, і лежащаго мя в ліності ускорив, возстави, і спаси мя в предстоянії і молитві: і по сні нощнім возсіяй ми день безгрішен, Христе Боже, і спаси мя.

3. К Тебі, Владико человіколюбче, от сна востав, прибігаю, і на діла Твоя подвизаюся милосердієм Твоїм і молюся Тебі: помози ми на всякоє время, во всякой вещи, і ізбави мя от всякія мірскія злия вещи і діавольскаго поспішенія, і спаси мя, і введи в царство Твоє вічноє. Ти бо єси мой Сотворитель і всякому благу Промисленник і Податель, о Тебі же все упованіє моє, і Тебі славу возсилаю, нині і присно і во віки віков. Амінь.

4. Господи, іже многою Твоєю благостію рабу Твоєму, мимошедшеє время нощи сея без напасти прейти от всякаго зла противна; Ти Сам, Владико, всяческих Творче, сподоби мя істинним Твоїм світом і просвіщенним сердцем творити волю Твою, нині і присно і во віки віков. Амінь.

Молитва св. Василія Великого

Господи Вседержителю, Боже сил і всякія плоти, в вишніх живий і на смиренния призираяй, сердца же і утроби іспитуяй і сокровенная человіков яві предвідий, Безначальний і Присносущний Світе, у Него же ність преміненіє, іли преложенія осіненіє: Сам, Безсмертний Царю, приіми моленія наша, яже в настоящее время, на множество Твоїх щедрот дерзающе, от скверних к Тебі устен творим, і остави нам прегрішенія наша, яже ділом і словом і мислію, відінієм іли невідінієм согрішенная нами: і очисти ни от всякія скверни плоти і духа. І даруй нам бодренним сердцем і трезвенною мислію всю настоящаго житія нощ преіти, ожидающим пришествія світлаго і явленнаго дне Єдинороднаго Твоєго Сина, Господа і Бога і Спаса нашего Ісуса Христа, в оньже со славою Судія всіх приідет, коємуждо отдати по ділом єго: да не падше і облінившеся, но бодрствующе і воздвижені в діланіє, обрящемся готові, в радость і Божественний чертог слави Єго совнидем, ідіже празднуюших глас непрестанний і неізреченная сладость зрящих Твоєго лица доброту неізреченную: Ти бо еси істинний Світ, просвіщаяй і освящаяй всяческая, і Тя поет вся твар во віки віков. Амінь.

Молитва до св. Ангела Хранителя

Святий Ангеле, предстояй окаянной моєй душі і страстній моєй жизні, не остави мене грішнаго, ніже отступи от мене за невоздер-жаніє моє. Не даждь міста лукавому демону обладати мною насильством смертнаго сего тілесе; укріпи бідствующую і худую мою руку, і настави мя на. путь спасенія. Єй, святий Ангеле Божий, хранителю і покровителю окаянния моєя душі і тіла, вся мні прости, єликими тя оскорбих во вся дні живота моєго, і аще что согріших в прошедшую нощ сію, покрий мя в настоящий день, і сохрани мя от всякаго іскушенія противнаго, да ни в коєм грісі прогніваю Бога; і молися о мні ко Господу, да утвердит мя в страсі Своєм, і достойна покажет мя раба Своєя благости. Амінь.

Молитва до Пресвятої Богородиці

Пресвятая Владичице, моя Богородице, святими Твоїми і всесильними мольбами отжени от мене, смиреннаго і окаяннаго раба Твоєго, униніє, забвеніе, неразуміє, нерадініє, і вся скверная, лукавая і хульная помишленія от окаяннаго моєго сердца і от помраченнаго ума моєго; і погаси пламень страстей моїх, яко нищ єсм і окаянен. І ізбави мя от многих і лютих воспоминаній і предпріятій, і от всіх дійств злих свободи мя: яко благословенна єси от всіх родов, і славится пречестноє імя Твоє во віки віков Амінь.

Молитовне звернення до Святого, ім’я якого носиш

Моли Бога о мні, святий угодниче Божий (ім’я), яко аз усердно к Тебі прибігаю, скорому помощнику і молитвеннику о душі моєй.

Пісня Пресвятій Богородиці

Богородице Діво, радуйся, благодатная Маріє, Господь с Тобою, благословенна Ти в женах, і благословен плод чрева Твоєго, яко Спаса родила єси душ наших.

Тропар Хресту і молитва за Вітчизну

Спаси, Господи, люди Твоя, і благослови достояніє Твоє, побіди на сопротивния даруя, і Твоє сохраняя крестом Твоїм жительство.

Молитва за живих

Спаси, Господи, і помилуй отца моего духовнаго, родителей моїх, сродников, начальников, наставников, благодітелей (називати імена) і всіх православних христіан.

Молитва за усопших

Упокой, Господи, души усопших раб Твоїх: родителей моїх, сродников, благодітелей (імена) і всіх православних христіан, і прости їм вся согрішенія вольная і невольная, і даруй їм Царствіє Небесноє.

Закінчення молитв

Достойно єсть яко воістинну блажити Тя Богородицу, Присноблаженную і Пренепо-рочную, і Матер Бога нашего. Честнійшую херувим, і славнійшую без сравненія серафим, без істлінія Бога Слова рождшую, сущую Богородицу, Тя величаєм.

Слава: і нині: Господи, помилуй (тричі).

Господи Ісусе Христе, Сине Божий, молитв ради Пречистия Твоєя Матере, преподобних і богоносних отец наших і всіх святих, помилуй нас. Амінь.

Боже, милостив буди мні грішному (поклін).

Боже, очисти мя грішного і помилуй мя І (поклін).

Без числа согріших, Господи, прости ми І (поклін).

Во імя Отца і Сина і Святаго Духа. І Амінь.

Молитви протягом дня Перед початком усякого діла

Господи Ісусе Христе, Сине Єдинородний Безначальнаго Твоєго Отца, Ти рекл єси пречистими усти Твоїми: яко без Мене не можете творити ничесоже. Господи мой, Господи, вірою об’єм в душі моєй і сердці Тобою реченная, припадаю Твоєй благості: помози ми грішному сіє діло, мною начинаємо, о Тебі Самім совершити, во імя Отца і Сина і Святого Духа. Амінь.

По закінченні всякого діла

Ісполненіє всіх благих Ти єси, Христе мой, ісполни радости і веселія душу мою і спаси мя, яко єдин Многомилостив.

Перед навчанням

Преблагій Господи, низпосли нам благодать Духа Твоєго Святаго, дарствующаго і укріпляющаго душевния наша сили, даби, внимая преподаваємому нам ученію, возрасли ми Тебі, нашему Создателю, во славу, родителем же нашим на утішеніє, Церкві і Отечеству на пользу.

Після навчання

Благодарим Тебі, Создателю, яко сподобил єси нас благодати Твоєя, во єже внимати ученію. Благослови наших начальников, родителей і учителей, ведущих нас к познанію блага, і подаждь нам силу і кріпость к продолженію ученія сего.

Перед споживанням їжі

Отче наш, іже єси… (див. стор. 4).

або:

Очі всіх на Тя, Господи, уповают, і Ти даєши їм пищу во благовременії, отверзаєши Ти щедрую руку Твою і ісполняєши всякоє животноє благоволенія.

Після споживання їжі

Благодарим Тя, Христе Боже наш, яко наситил єси нас земних Твоїх благ: не лиши нас і Небеснаго Твоєго Царствія; но яко посреді учеников Твоїх пришел єси, Спасе, мир дая їм, приіди к нам і спаси нас.

Молитви на сон грядущим

Во імя Отца і Сина і Святаго Духа.

Амінь.

Господи Ісусе Христе, Сине Божий, молите ради Пречистия Твоея Матере, преподобних і богоносних отец наших і всіх святих, помилуй нас. Амінь.

Слава Тебі, Боже наш, слава Тебі.

Царю небесний, Утішителю, Душе істини, іже везді сий і вся ісполняяй, Сокровище благих і жизні Подателю, приіди і вселися в ни, і очисти ни от всякія скверни, і спаси, Блаже, душі наша.

Святий Боже, святий Кріпкий, святий Безсмертний, помилуй нас (тричі).

Слава Отцу і Сину і Святому Духу, і нині і присно і во віки віков. Амінь.

Пресвятая Тройце, помилуй нас: Господи, очисти гріхи наша; Владико, прости беззаконія наша; Святий, посіти і ісціли немощи наша, імене Твоєго ради.

Господи, помилуй (тричі).

Слава: і нині:

Отче наш, іже єси на небесіх, да святится імя Твоє, да приідет царствіє Твоє, да будет воля Твоя, яко на небесі і на землі. Хліб наш насущний даждь нам днесь, і остави нам долги наша, якоже і ми оставляєм должником нашим, і не введи нас во іскушеніє, но ізбави нас от лукаваго.

Тропарі

Помилуй нас, Господи, помилуй нас, всякаго бо отвіта недоуміюще, сію Ти молитву, яко Владиці, грішнії приносим: помилуй нас.

Слава

Господи, помилуй нас, на Тя бо уповахом: не прогнівайся на ни зіло, ніже помяни беззаконь наших, но призри і нині яко благоутробен, і ізбави ни от враг наших: Ти бо єси Бог наш, і ми людіє Твої, всі діла руку Твоєю, і імя Твоє призиваєм.

І нині

Милосердія двері отверзи нам, Благословенная Богородице, надіющеся на Тя да не погибнем, но да ізбавимся Тобою от бід: Ти бо єси спасеніє рода христіанскаго.

Господи, помилуй (12 разів).

Молитва 1, св. Макарія Великого

Боже вічний і Царю всякаго созданія, сподобивий мя даже в час сей доспіти, прости ми гріхи, яже сотворих в сей день ділом, словом і помишленієм, і очисти, Господи, смиренную мою душу от всякія скверни плоти і духа. І даждь ми, Господи, в нощи сей сон прейти в мирі, да востав от смиреннаго ми ложа, благоугоджу пресвятому імені Твоєму во вся дні живота моєго, і поперу борющия мя враги плотскія і безплотния. І ізбави мя, Господи, от помишленій суєтних, оскверняющих мя, і похотей лукавих. Яко Твоє єсть царство і сила і слава, Отца і Сина і Святаго Духа, нині і присно і во віки віков. Амінь.

Молитва 2, св. Антіоха

Вседержителю, Слово Отчеє, Сам совершен сий Ісусе Христе, многаго ради милосердія Твоєго никогдаже отлучайся мене, раба Твоєго, но всегда во мні почивай. Ісусе, добрий Пастирю Твоїх овец, не предаждь мене крамолі зміїні, і желанію сатанину не остави мене, яко сімя тлі во мні єсть. Ти убо, Господи Боже покланяємий, Царю Святий Ісусе Христе, спяща мя сохрани немерцающим світом, Духом Твоїм Святим, Імже освятил, єси Твоя ученики. Даждь, Господи, і мні, недостойному рабу Твоєму, спасеніє Твоє на ложі моєм, просвіти ум мой світом разума святаго Євангелія Твоєго, душу любовію креста Твоєго, сердце чистотою словесе Твоєго, тіло моє Твоєю страстію безстрастною, мисль мою Твоїм смиренієм сохрани, і воздвигни мя во время подобно на Твоє славословіє. Яко препрославлен єси со Безначальним Твоїм Отцем і с Пресвятим Духом во віки. Амінь.

Молитва 3

Господи Боже наш, єже согріших во дні сем словом, ділом і помишленієм, яко благ і Человіколюбец прости ми. Мирен сон і безмятежен даруй ми. Ангела Твоєго хранителя посли, покривающа і соблюдающа мя от всякого зла, яко Ти єси хранитель душам і тілесем нашим, і Тебі славу возсилаєм, Отцу і Сину і Святому Духу, нині і присно і во віки віков. Амінь.

Молитва 4, св. Іоанна Златоустого

Господи, не лиши мене небесних Твоїх благ. Господи, ізбави мя вічних мук. Господи, умом ли іли помишленієм, словом іли ділом согріших, прости мя. Господи, ізбави мя всякого невідінія, і забвенія, і малодушія, і окамененнаго нечувствія. Господи, ізбави мя от всякаго іскушенія. Господи, просвіти моє сердце, єже помрачи лукавоє похотініє. Господи, аз яко человік согріших, Ти же яко Бог щедр помилуй мя, видя немощ душі моєя. Господи, посли благодать Твою в помощ мні, да прославлю імя Твоє Святоє. Господи Ісусе Христе, напиши мя раба Твоєго в книзі животній і даруй ми конец благій. Господи Боже мой, а ще і ничтоже благо сотворих пред Тобою, не даждь ми по благодаті Твоєй положити начало благоє. Господи, окропи в сердці моем росу благодаті Твоея. Господи небесе і землі, помини мя грішнаго раба Твоєго, студнаго і нечистаго, во Царствії Твоєм. Амінь.

Господи, в покаянії приіми мя. Господи, не остави мене. Господи, не введи мене в напасть. Господи, даждь ми мисль благу. Господи, даждь ми слези і память смертную і умиленіє. Господи, даждь ми помисл ісповіданія гріхов моїх. Господи, даждь ми смиреніє, ціломудріє і послушаніє. Господи, даждь ми терпініє, великодушіє і кротость. Господи, всели в мя корень благих, страх Твой в сердце моє. Господи, сподоби мя любити Тя от всея души моєя і помишленія і творити во всем волю Твою. Господи, покрий мя от человік нікоторих і бісов і страстей і от всякія іния неподобния вещи. Господи, віси, яко твориши, якоже Ти волиши, да будет воля Твоя і во мні грішнім, яко благословен єси во віки. Амінь.

Молитва до св. Ангела Хранителя

Ангеле Христов, хранителю мой святий і покровителю душі і тіла моєго, вся ми прости, єлика согріших во днешній день, і от всякого лукавствія противнаго ми врага ізбави мя, да ні в коємже грісі прогніваю Бога моєго; но моли за мене грішнаго і недостойнаго раба, яко да достойна мя покажеши благості і милості Всесвятия Тройци і Матере Господа моєго Ісуса Христа і всіх святих. Амінь.

Молитви до Пресвятої Богородиці

Благаго Царя благая Мати, Пречистая і благословенная Богородице Маріє, милость Сина Твоєго і Бога нашего ізлий на страстную мою душу і Твоїми молитвами настави мя на діянія благая, да прочеє время живота моєго без порока прейду і Тобою рай да обрящу, Богородице Діво, єдина чистая і благословенная.

Взбранной Воєводі побідительная, яко ізбавльшеся от злих, благодарственная восписуєм Ти раби Твої, Богородице; но яко імущая державу непобідимую, от всяких нас бід свободи, да зовем Ти; радуйся, Невісто Неневістная!

Преславная Приснодіво, Мати Христа Бога, принеси нашу молитву Сину Твоєму і Богу нашему, да спасет Тобою душі наша.

Все упованіє моє на Тя возлагаю. Мати Божія, сохрани мя под кровом Твоїм.

Достойно єсть… (див. стор. 8).

Просвіти очі мої, Христе Боже, да не когда усну в смерть, да не когда речет враг мой: укріпихся на него.

Заступник душі моєя буди, Боже, яко посреді хожду сітей многих; ізбави мя от них і спаси мя, Блаже, яко человіколюбец.

Упованіе моє Отец, прибіжище моє Син, покров мой Дух Святий: Тройце Святая, слава Тебі.

Слава: і нині: Господи, помилуй (тричі).

Господи, Ісусе Христе, Сине Божий, молитв ради Пречистия Твоєя Матере, преподобних і богоносних отец наших і всіх святих, помилуй нас. Амінь.

Ослаби, остави, прости, Боже, прегрішенія наша, вольная і невольная, яже в слові і в ділі, яже в відінії і невідінії, яже в умі і помишленії, яже во дні і в нощі; вся нам прости, яко благ і человіколюбец.

Ненавидящих і обидящих нас прости, Господи Человіколюбче. Благотворящим благо сотвори. Братіям і сродником нашим даруй яже ко спасенію прошенія і жизнь вічную. В немощех сущия посіти і ісціленіє даруй. Іже в морі управи. С путешествующими спутешествуй. Служащим і милующим нас гріхов оставленіє даруй. Заповідавших нам недостойним молитися о них, помилуй по велицій Твоєй милості. Помяни, Господи, прежде усопших отец і братій наших і упокой їх, ідіже присіщаєт світ лица Твоєго. Помяни, Господи, братій наших пліненних і ізбави їх от всякаго обстоянія. Помяни, Господи, плодоносящих і доброділающих во святих Твоїх церквах, і даждь їм яже ко спасенію прошенія і жизнь вічную. Помяни, Господи, і нас смиренних і грішних, недостойних раб Твоїх, і просвіти наш ум світом разума Твоєго і настави нас на стезю заповідей Твоїх, молитвами Пречистия Владичици нашея Богородици і Приснодіви Марії і всіх Твоїх святих, яко благословен єси І во віки віков. Амінь.

Повсякденне сповідання гріхів

Ісповідаю Тебі, Господу Богу моєму і Творцу, во Святій Тройці єдиному, славимому і покланяємому Отцу і Сину і Святому Духу, вся моя гріхи, яже содіях во вся дні живота моего, і на всякий час, і в настоящеє время, ділом, словом, помишленієм, зрінієм, слухом, обонянієм, вкусом, осязанієм і всіми моїми чувствами, душевними вкупі і тілесними, імиже Тебе Бога моєго і Творца прогнівах, і ближняго моєго онеправдовах. О сих жалія, винним себе Тебі Богу моєму представляю, і імію волю каятися; точію Ти, Господи Боже мой, помози ми, со слезами смиренно молю Тя; прешедшая же согрішенія моя милосердієм Твоїм прости ми, і разріши от всіх сих, яко благ і человіколюбец.

Молитва Чесному Хресту

Да воскреснет Бог і расточатся врази Єго, і да біжат от лица Єго ненавидящії Єго. Яко ісчезаєт дим, да ісчезнут; яко таєт воск от лица огня, тако да погибнут біси от лица любящих Бога і знаменующихся крестним знаменієм і в веселії глаголющих: радуйся, Пречестний і Животворящий Кресте Господень, прогоняяй біси силою на Тебі пропятаго Господа нашего Ісуса Христа, во ад сшедшаго і поправшаго силу діаволю і даровавшаго нам Тебе Крест Свой Честний, на прогнаніє всякаго супостата. О, Пречестний і Животворящий Кресте Господень, помагай ми со Святою Госпожею Дівою Богородицею і со всіми святими во віки. Амінь,

Коли лягаєш спати, кажи:

В руці Твої, Господи Ісусе Христе, Боже мой, предаю дух мой, Ти же мя благослови, Ти мя помилуй і живот вічний даруй ми. Амінь.

Молитви на різні потреби Призивання допомоги Духа Святого на всяке добре діло

Царю Небесний… (див. стор. 3).

Тропар

Творче і Создателю всяческих, Боже, діла рук наших ко славі Твоєй начинаємая, Твоїм благословенієм спішно ісправи, і нас от всякаго зла ізбави, яко Єдин всесилен і Человіколюбец.

Кондак

Скорий в заступленії і кріпкий в помощ, предстани благодатію сили Твоєя нині, і благословив укріпи, і в совершеніє наміренія благаго діла рабов Твоїх проізведи: вся бо, єлика хощеши, яко сильний Бог, творити можеши.

Подяка за всяке благодіяння Боже

Тропар

Благодарні суще недостойнії раби Твої, Господи, о Твоїх великих благодіяніїх, на нас бивших, сЛавяще Тя хвалим, благословим, благодарим, поєм і величаем Твоє благоутробіє і рабски любовію вопієм Ти: Благодітелю, Спасе наш, слава Тебі.

Кондак

Твоїх благодійній і даров туне, яко раби непотребнії, сподобльшеся, Владико, к Тебі усердно притекающе, благодареніе по силі приносим і Тебе, яко благодітеля і Творца славяще, вопієм: слава Тебі, Боже всещедрий.

Богородичен

Богородице, христіаном Помощнице, Твоє предстательство стяжавше, раби Твої благодарно Тебі вопієм: радуйся, Пречистая Богородице Діво, і от всіх нас бід Твоїми молитвами всегда ізбави, єдина вскорі предстательствующая.

Пісня хвалебна св. Амвросія, епіскопа Міланського

Тебе Бога хвалим, Тебе Господа ісповідуєм, Тебе предвічнаго Отца вся земля величаєт: Тебі всі Ангели, Тебі небеса і вся Сили, Тебі Херувими і Серафими непрестанними гласи взивают: Свят, Свят, Свят, Господь Бог Саваоф, полни суть небеса і земля величества слави Твося. Тебе преславний Апостольский лик. Тебе пророческоє хвалебноє число. Тебе хвалит пресвітлоє мученическоє воїнство. Тебе по всей вселенній ісповідуєт Святая Церков Отца непостижимаго величества покланяємого Твоєго істиннаго і Єдинороднаго Сина і Святаго Утішителя Духа.

Ти, Царю слави, Христе, Ти Отца присносущний Син єси. Ти, ко ізбавленію приємля человіка, не возгнушался єси Дівическаго чрева. Ти, одолів смерті жало, отверзл єси вірующим Царство Небесноє. Ти одесную Бога сідиши во славі Отчей, Судія віришися приіти.

Тебе убо просим: помози рабом Твоїм, їхже честною Кровію іскупил єси. Сподоби со святими Твоїми в вічній славі Твоєй царствовати.

Спаси люди Твоя, Господи, і благослови достояніє Твоє, ісправи я і вознеси їх во віки: во вся дні благословим Тебе і восхвалим імя Твоє во вік і в вік віка. Сподоби, Господи, в день сей без гріха сохранитися нам. Помилуй нас, Господи, помилуй нас; буди милость Твоя, Господи, на нас, якоже уповахом на Тя. На Тя, Господи, уповахом, да не постидимся во віки. Амінь.

За умноження любові та викорінення ненависті і всякої злоби

Тропар

Союзом любве Апостоли Твоя связавий, Христе, і нас, Твоїх вірних рабов, к Себі тим кріпко связав, творити заповіді Твоя і друг друга любити нелицемірно сотвори, молитвами Богородице, Єдине Человіколюбче.

Кондак

Пламенем любве распали к Тебі сердца наша, Христе Боже, да тою разжигаєми, сердцем, мислію же і душею, і всею кріпостію нашею возлюбим Тя, і іскренняго своєго яко себе, і повелінія Твоя храняще, славим Тя, всіх Благодателя.

За тих, що ненавидять і ображають нас

Тропар

О распенших Тя моливийся, любодушне Господи, і рабом Твоїм о вразіх молитися повелівий, ненавидящих і обидящих нас прости, і от всякаго зла і лукавства ко братолюбному і добродітельному настави жительству, смиренно мольбу приносим. Да в согласнім єдиномислії славим Тя Єдинаго Человіколюбца.

Кондак

Якоже первомученик Твой Стефан о убивающих его моляще Тя, Господи, і ми припадающе молим: ненавидящих і обидящих нас прости, во єже ні єдиному от них нас ради погибнути, но всім спастися благодатію Твоєю, Боже всещедрий.

В час біди і нашестя ворогів

Тропар

Скоро предвари, прежде даже не порабо-тимся врагом, хулящим Тя і претящим нам, Христе Боже наш: погуби Крестом Твоїм борющия нас, да уразуміют, како может православних віра, молитвами Богородици, Єдине Человіколюбче.

Кондак

Взбранний Воєводо і Господи, ада побідителю! Яко ізбавлься от вічния смерті, похвальная восписую Ти, созданіє і раб Твой; но яко іміяй милосердіє неізреченноє, от всяких мя бід свободи, зовуща: Ісусе, Сине Божий, помилуй мя

Псалом 90

Живий в помощи Вишняго, в крові Бога Небеснаго водворится речет Господеві: Заступник мой єси і прибіжише моє, Бог мой, і уповаю на Него. Яко Той ізбавит тя от сіти ловчі і от словесе мятежна; плещма своїма осінит тя, і под крилі Єго надієшися; оружієм обидет тя істина Єго. Не убоїшися от страха нощнаго, от стріли летяшія во дні, от вещи1 во тьмі преходящія, от сряща2 і біса полуденнаго. Падет от страни твоєя тисяща, і тьма одесную тебе, к тебі же не приближится; обаче очима твоїма смотриши, і воздаяніе грішников узриши. Яко Ти, Господи, упованіє моє; Вишняго положил єси прибіжище твоє. Не приідет к тебі зло, і рана не приближится тілеси твоєму: яко Ангелом Своїм заповість о тебі, сохранити тя во всіх путех твоїх. На руках возмут тя, да не когда преткнеши о камень ногу твою; на аспіда і василіска наступити, і попереши льва і змія. Яко на Мя упова, і ізбавлю і3, покрию і4, яко позна імя Моє. Воззовет ко Мні, і услишу єго; с ним єсм в скорбі, ізму єго і прославлю єго; долготою дній ісполню єго, і явлю ему спасеніє Моє.

Стихи з псалмів

Господи, воздвигни силу Твою і приіди во єже спасти ни. Да воскреснет Бог і расточатся врази Єго, і да біжат от лица Єго ненавидящії Єго. Яко ісчезаєт дим, да ісчез-нут.

За подорожуючих

Тропар

Путь і істина сий, Христе, спутника Ангела Твоєго рабом Твоїм (ім’я) нині, якоже Твоїм іногда, посли сохраняюща, і невредимих, ко славі Твоей, от всякого зла во всяцім благополучії соблюдающа, молитвами Богородици, Єдине Человіколюбче.

Кондак

Луці і Клеопі во Еммаус спутьшествовавий, Спасе, сшествуй і нині рабом Твоїм (ім’я) путьшествовати хотящим, от всякаго ізбавляя їх злаго обстоянія: вся бо Ти яко Человіколюбец, можеши хотяй.

Молитва

Господи Ісусе Христе Боже наш, істинний і живий путь, состранствовати мнимому Твоєму отцу Іосифу і Пречистій Твоєй Діві Матері во Єгипет ізволивий, і Луці і Клеопі во Еммаус спутьшествовавий! І нині смиренно молим Тя, Владико Пресвятий, і рабом Твоїм сим Твоєю благодатію спутьшествуй. І якоже рабу Твоєму Товії, Ангела хранителя і наставника посли, сохраняюща і ізбавляюща їх от всякаго злаго обстоянія видимих і невидимих врагов, і ко ісполненію заповідей Твоїх наставляюща, мирно же і благополучно і здраво препровождающа, і паки ціло і безмятежно возвращающа, і даждь їм все благоє своє наміреніє ко благоугожденію Твоєму благополучно во славу Твою ісполнити. Твоє бо єсть, єже миловати і спасати ни, і Тебі славу возсилаєм со Безначальним Твоїм Отцем і со Пресвятим і Благим і Животворящим Твоїм Духом, нині і присно і во віки віков. Амінь.

За хворих

Тропар

Скорий в заступленії єдин сий, Христе, скорое свише покажи посіщеніє страждущему рабу Твоєму (ім’я), ізбави от недуг і горьких болізней: І воздвигни во єже воспівати Тя і славити непрестанно, молитвами Богородици, Єдине Человіколюбче.

Кондак

На одрі болізні лежащаго і смертною раною уязвленнаго, якоже іногда воздвигл єси, Спасе, Петрову тещу і разслабленнаго, на одрі носима, сице і нині, Милосерде, страждущаго посіти і ізціли. Ти бо един єси недуги і болізні рода нашего понесий і вся могій, яко Многомилостив.

Молитва

Владико Вседержителю, Святий Царю, наказуяй і не умерщвляяй, утверждаяй низпадающая і возводяй низверженния, тілесния человіков скорби ісправляяй! Молимся Тебі, Боже наш, раба Твоєго (ім’я) немощствующа посіти милостію Твоєю, прости єму всякоє согрішеніє вольноє і невольноє. Єй, Господи, врачебную Твою силу с небесе низпосли, прикоснися тілеси, угаси огневицу, укроти страсть і всякую немощ таящуся, буди врач раба Твоєго (ім’я), воздвигни єго от одра болізненна і от ложа озлобленія ціла і всесовершенна, даруй єго Церкві Твоєй благоугождающа і творяща волю Твою. Твоє бо єсть, єже миловати і спасати ни, Боже наш, і Тебі славу возсилаєм, Отцу і Сину і Святому Духу, нині і присно і во віки віков. Амінь.

За усопших

Тропар

Глубиною мудрості человіколюбно вся строяй і полезная всім подаваяй, Єдине Содітелю, упокой, Господи, душу раба Твоєго, на Тя бо упованіє возложи, Творца і Зиждителя, і Бога нашего.

Слава: і нині:

Богородичен: Тебе і Стіну, і Пристанище імами, і Молитвенницу, благоприятну к Богу, Єгоже родила еси, Богородице безневістная, вірних спасеніе.

Приспів: Благословен єси, Господи, научи мя оправданіем Твоїм.

Святих лик обріте істочник жизні і двер райскую, да обрящу і аз путь покаянієм, погибшеє овча аз єсм, воззови мя, Спасе, і спаси мя.

Приспів: Благословен єси, Господи…

Агнца Божія проповідавше, і заклані бивше якоже агнци, і к жизні нестаріємій святії, і присносущиій преставльшеся, Того приліжно, мученици, моліте, долгов разрішеніє нам даровати.

Приспів: Благословен єси, Господи…

В путь узкий хождшиї прискорбний, всі в житії крест, яко ярем, вземшії і Мні послідовавшії вірою, приідіте, насладітеся, їхже уготовах вам почестей і вінцов небесних.

Приспів: Благословен єси, Господи…

Образ єсм неізреченния Твоєя слави, а ще язви ношу прегрішеній: ущедри Твоє созданіє, Владико, і очисти Твоїм благоутробієм, і вожделінное отечество подаждь ми, рая паки жителя мя сотворяя.

Приспів: Благословен єси, Господи…

Древле убо от несущих создавий мя і образом Твоїм Божественним почтий, преступленієм же заповіді паки мя возвративий в землю, от неяже взят бих, но єже по подобію возведи, древнею добротою возобразитися.

Приспів: Благословен еси, Господи… Упокой, Боже, раба Твоєго, і учини єго в раї, ідіже лици святих, Господи, і праведници сіяют, яко світила; усопшаго раба Твоєго упокой, презирая єго вся согрішенія.

Слава: Трисіятельноє Єдинаго Божества, благочестно поем, вопіюще: Свят єси Отче Безначальний, Собезначальний Сине і Божественний Душе, просвіти нас, вірою Тебі служащих, і вічнаго огня ісхити.

І нині: Радуйся, Чистая, Бога плотію рождшая во спасеніє всіх. Ею же род человіческий обріте спасеніє, Тобою да обрящем рай, Богородице Чистая, Благословенная.

Аллилуя, аллилуя, аллилуя, слава Тебі, Боже (тричі).

Упокой, Спасе наш, с праведними раба Твоєго, і сего всели во двори Твоя, якоже єсть писано, презирая, яко благ, прегрішенія єго, вольная і невольная, і вся яже в відінії і невідінії, Человіколюбче.

Кондак

Со святими упокой, Христе, душу раба Твоєго, ідіже ність болізнь, ні печаль, ні воздиханіє, но жизнь безконечная.

Десять заповідей Божих
  • Я Господь Бог твій, не будеш мати інших богів крім Мене.

  • Не роби собі ідола, або чогось схожого до того, що на небі вгорі, або на землі долі, або в водах під землею і не вклоняйся їм, і не служи їм.

  • Не взивай надармо імени Господа Бога твоєго.

  • Пам’ятай день святий святкувати: шість днів працюй і роби в них усі діла свої, а день сьомий — свято Господу Богу твоєму.

  • Шануй отця своєго і матір свою, — добре тобі буде і довго житимеш на землі.

  • Не убий.

  • Не чужолож.

  • Не кради.

  • Не свідчи ложно на свого ближнього.

  • Не пожадай жени приятеля свого, не пожадай дому ближнього свого, ні поля його, ні слуги його, ні вола його, ні осла його, ні всякої скотини його, ні чогось іншого, що є в ближнього твоєго.


  • Дві головні заповіді Божі

  • Возлюбиши Господа Бога Твоєго всім сердцем твоїм, і всею душею твоєю, і всею мислію твоєю.

  • Возлюбиши ближняго твоєго, як сам себе (Мф. 22, 37, 39).

  • Блаженства євангельські
  • Блажені убогії духом, бо їхнє є Царство Небеснеє.

  • Блажені ті, що плачуть, бо вони втішаться.

  • Блажені тихії, бо вони наслідять землю.

  • Блажені голоднії й жаднії справедливості, бо вони вдовольняться.

  • Блажені милостивії, бо вони помиловані будуть.

  • Блажені чистії сердцем, бо вони Бога бачитимуть.

  • Блажені миротворці, бо вони синами Божими назвуться.

  • Блажені переслідувані за праведність, бо їхнє є Царство Небеснеє.

  • Блажені, коли ганьбитимуть вас і проганятимуть, і наговорюватимуть всяке лихе слово на вас Мене ради.

  • Радуйтеся і веселітеся: бо заплата вам велика буде на небесах.

    Обов’язки християнина
  • Неділі і свята святкувати.

  • В неділі і свята відвідувати церкву і побожно брати участь у службі Божій та інших церковних богослуженнях.

  • Установлених святою Церквою постів додержувати.

  • Принаймні один раз на рік, у св. Великий піст, сповідатися і причащатися св. Тайн.

  • Весілля в заборонений св. Церквою час не справляти.

  • Сім святих таїнств, які визначають повноту і досконалість благодаті Божої
  • Хрещення.

  • Миропомазання.

  • Сповідь.

  • Євхаристія.

  • Священство.

  • Подружжя.

  • Єлеосвячення.

  • Основи віри, які кожний християнин повинен знати і в них вірувати
  • Є один Бог, Який з любови Своєї все сотворив і всім керує.

  • Бог є справедливий Суддя, що за добро нагороджує, а за зло карає.

  • Бог — Один, в трьох Особах: Бог Отець, Бог Син і Бог Дух Святий або Пресвята Тройця.

  • Син Божий став человіком, страждав, вмер на хресті і воскрес для нашого спасіння.

  • Господь Ісус Христос заснував Єдину Святу Соборну і Апостольську Церкву, в якій здійснюється спасіння людини.

  • Спасіння людини здійснюється Благодаттю Божою.

  • Благодать Божа конечно потрібна для нашого спасіння.

  • Є вічне життя і воскресіння мертвих.

  • Плоди Духа Святого

    1. Любов. 2. Радість. 3. Мир. 4. Довготерпіння. 5 Благость. 6. Милосердя. 7. Віра. 8. Кротость. 9. Воздержання.

    Три головні Християнські чесноти

    1. Віра. 2. Надія. 3. Любов.

    Сім дарів Духа Святого якими духовно квітне і благоукрашається Церква Христова
  • Дух страха Божого (синівське благоговіння перед Богом).

  • Дух пізнання (дар пророчеський і пастирський).

  • Дух сили (дар сили духовної, кріпость душі і сила волі).

  • Дух поради (дар духовного водительства, наставництва)

  • Дух розуміння (чуйність душі до всього доброго й святого)

  • Дух мудрості (уміння жити по заповідям Божим).

  • Дух Господень (дар благочестя і праведності).

  • Дари Духа Святого ми повинні самі здобувати молитвою, вірою та добрими ділами.

    Гріхи смертні з протилежними їм чеснотами
  • Гордість — Смиренність

  • Захланність — Щедрість

  • Нечистота — Чистота

  • Заздрість — Доброзичливість

  • Нестриманість — Поміркованість

  • Гнів — Лагідність

  • Лінивство — Працелюбність

  • Святе таїнство сповіді

    Свята Сповідь — це таїнство, в якому християнин з щирим жалем сповідає, тобто визнає свої гріхи перед священиком і через нього одержує прощення від Самого Господа Бога.

    Для того, щоб одержати відпущення гріхів у святому таїнстві Сповіді, каянникові треба приготуватися до неї щирою молитвою, постом і примиренням з усіма людьми. Це допомагає каянникові ввійти в себе, побачити свої гріхи і пізнати серед них головну свою гріховну недугу. Усвідомивши свої провини, грішник повинен відчути щиряй жаль і біль душевний за них, осудити гріхи, і, з вірою в Бога і надією на Його милосердя, твердо вирішити відкинути гріхи й почати нове життя в Бозі.

    Щоб полегшити собі сповідь, слід готуватися до неї та обдумувати свої гріхи за порядком заповідей Божих, наприклад:

    Чи не тратив надії на Боже милосердя або нерозумно уповав на нього?

    Чи не був забобонний, чи не вдавався до ворожби?

    Чи не був грошелюбним, чи не шукав над усе шани, слави й багатства; чи не кривдив кого через свою злобу, скупість і пожадливість?

    Чи побожно проводив неділі і свята, чи не лінувався ходити до церкви і брати участь у богослуженнях, як поводився в храмі Божому?

    Чи сповідався і гідно причащався перед Пасхою?

    Чи шанував батька й матір, допомагав їм і молився за них?

    Чи сумлінно виконував свої службові обов’язки і працю?

    Чи не мав злоби й гніву на свого ближнього та чи допомагав людям?

    Чи не думав убити або справді вбив кого, чи не шкодив кому наклепом, злим словом, чи не спокусив кого на зло?

    Чи не віддавався нечистим пристрастям, чи не розладжував чужого родинного життя, чи не зраджував подружньої любові й вірності?

    Чи не вкрав чого, чи не набував чого неправдою, чи не заздрив кому?

    Чи не пиячив або бешкетував, чи не зневажав честь і добре ім’я ближнього?

    Так покаянник повинен сам з усією щирістю і скрухою сердечною висповідатися перед своїм духовним отцем гріхи свої, нічого не затаючи, подібно до того, як хворий говорить про всі свої недуги, щоб одержати на них ліки і видужати.

    Звільнившись від гріховного тягару, покаянник прийме від духовника епітимію, тобто вказівку на необхідні побожні подвиги, і одержавши прощення своїх гріхів, удостоїться приступити до причастя Св. Тайн Тіла і Крові Христових не на суд або на осуд, а на життя вічне.

    Без сповіді Православна Церква не допускає своїх віруючих до Причастя. Покаяння сполучається з постом.

    Кожен православний християнин повинен сповідатися і причащатися не менше одного разу на рік — у Великий піст.

    Молитви перед Сповіддю Молитви покаянні Манасії, царя Юдейського

    (в скороченні)

    Господи Вседержителю, Боже отец наших, сотворивий небо і землю со всею ліпотою їх! Ніктоже постоїт перед великоліпієм слави Твоєя, і нестерпим гнів, єже на грішники, прещенія Твоєго Безмірна же і неізслідованна милость обіщанія Твоєго. Ти, Господи, по множеству благости Твоєя обіщал єси покаяніє і оставленіе согрішившим Тебі і множеством щедрот Твоїх опреділил єси покаяніє грішником во спасеніє. Не положил єси покаяніє праведним Аврааму і Ісааку і Якову, не согрішившим Тебі, но положил єси покаяніє на мні грішнім: зане согріших паче числа песка морскаго. Умножишася беззаконія моя, Господи, і ність ми ослаблення: зане прогнівах ярость Твою і лукавоє пред Тобою сотворих, не сохранивий повеліній Твоїх. І нині преклоняю коліна сердца, требуя от Тебе благості. Согріших, Господи, согріших, і беззаконія моя аз вім, но прошу, моляся: ослаби ми, Господи, ослаби ми і не погуби мене со беззаконьми моїми. Ти бо єси, Боже, Бог кающихся, і на мні явиши всю благость Твою: яко недостойна суша спасеши мя. І восхвалю Тя во дніх живота моєго: яко Тя поют вся сили небесния, і Твоя єсть слава во віки віков. Амінь.

    Молитва 1

    Владико Господи Боже наш, не хотяй смерті грішних, но обращенія і живота їх желаяй, пріємляй всіх грішних, в покаянії к Тебі припадающих, прійми нині і мене кающагося в моїх согрішеніїх, і даждь мні сокрушеніє сердечноє, і ісправи мою совість, да благонадежно ісповім моя согрішенія пред славою страшнаго престола Твоєго; і да прославится во мні по сем пречестноє і веліколіпоє імя Твоє, Отца і Сина і Святого Духа, нині і присно і во віки віков. Амінь.

    Молитва 2

    Господи Боже спасенія нашего, милостивий і щедрий, долготерпеливий і многомилостивий, приклонивий небеса, і сошедий на спасеніє рода человіческаго, не хотяй смерті грішника, но обращенія в живот: Ти, Владико, мні, молящемуся рабу Твоєму, подаждь істинноє покаяніє. Свідий гріхи і очищаяй беззаконія, остави і отпусти мні вся согрішенія моя вольная і невольная; соедини мя Святому Твоєму Духу і причти мя Твоєй божественній благодаті і милосердію, і не от“ємлемо от мене к тому сотвори. Яко Твоя держава і Твоє єсть царство і сила і слава, Отца і Сина і Святаго Духа, нині і присно і во віки віков. Амінь.

    Молитва після Сповіді

    Слава Тебі Господи, слава Тебі Ца́рю, слава Тебі святий Творче, Ізбави́телю і Іскупи́телю мой, яко не оставил мя єси во грісіх всяческі погруже́ннаго, до конца углибну́ти, но возвел мя єси, якоже Петра утопающаго, і поставил єси на камені покаянія нозі мої. Славлю і величаю благодіянія Твоя, Спасе мой, яко не оставил мя єси погибнути со беззаконьми моїми, но обичним Своїм милосердієм сподоби́л мя єси, яко милосерден, в чувство прийти, і ісповісти на себе беззаконія моя Тебі, Господеві моєму, і согнитія ран моїх пред духовним вра́чем, Тобою уставле́нним, открити. Тімже молю Тя, приліжи о мні обичним Своїм человіколюбієм, вино оставленія і елей милосердія Твоє́го ізливая на мя. Твердо бо вірую, яко уставленим гостинником твоїм, моїм же ісповідником, по власті, от Тебе єму данній, совершенноє приях от Тебе оставленіе зол моїх. Подаждь же мні, Господи мой, сле́зи умиленія, совершенноє покаяніє, і сердцу моє́му бо́лізнь і сокрушеніє, яко да гріховних вин моїх прощеніє получу. І даждь мні Твоє́го Духа благодать, укріпляющую мя в Твоєм благоугожденії і возбраняющую от всякаго зла, подающую же мні силу і кріпость на попраніє лукавих мислей і діяній і плотских похотей, мірских же мудрова́ній, і діавольских іскушеній. Горкаго часа смерті пам’ять в мисль мою всели: вто́раго Твоє́го пришествія і страшнаго суда всегдашнеє воспоминаніє в пам’яті моєй вкорени; огнь неугасаємий, черв неусипающий і муку безконечную, діаволу і грішником уготова́ну, приснопа́м’ятствовати і устрашатися сотвори, і на яже на небесіх Твоїм угодником уготова́нная благая присно взирати принуди мя; Тебе же Бога і Создателя моє́го, от вся душі, всею кріпостію і всею мислію любити і боятися, предо мною ви́ну Тебе зріти убіди́ мя, і страхом Твоїм огради сердце моє, ум, волю, помисли і вся чувствія моя, яко да вооружаєму мні не точію хотіти, но нíже мощи будет уклонитися от путі Твоє́го: Ти бо єси пришедший не праведних спасти, но грішних к познанію істини обратити, просящим даяй, і толкущим двері милосердія отверза́яй. Бог милостей, і щедрот, і человіколюбія, і Тебі славу возсилаєм со Безначальним Твоїм Отцем і с Пресвятим, Благим і Животворящим Твоїм Духом, нині, і присно, і во віки віков. Амінь.

    Приготування до святого Причастя

    Канони:

    Умилительний Господу нашому Ісусу Христу, молебний Пресвятій Богородиці і Ангелу хранителю

    (в скороченні)

    Пісня 1

    Ірмос: Во глубині постла іногда фараонітскоє всевоїнство преоруженная сила, воплощшеєся же Слово всезлобний гріх потребило єсть, препрославленний Господь: славно бо прославися.

    Господу Ісусу Христу

    Приспів: Ісусе Сладчайший, спаси мя. Ісусе Сладчайший Христе, Ісусе довготерпеливе, душі моея язви ісціли, Ісусе, і услади сердце моє, Многомилостиве, молюся, Ісусе Спасе мой, да величаю Тя спасаемий.

    Ісусе Сладчайший, спаси мя.

    Ісусе Сладчайший, Христе Ісусе, отверзи покаянія ми двер, Человіколюбче Ісусе, і прийми мя, Тебі припадающа, і теплі просяща, Ісусе Спасе мой, согрішеній прощенія.

    Пресвятій Богородиці

    Приспів: Пресвятая Богородице, спаси мя.

    Многими содержим напастьми, к Тебі прибігаю спасенія іскій. О Мати Слова і Діво, от тяжких і лютих мя спаси.

    Пресвятая Богородице, спаси мя.

    Страстей мя смущают прилози, многаго унинія ісполнити мою душу: умири, Отроковице, тишиною Сина і Бога Твоєго, Всенепорочная.

    Ангелу хранителю

    Приспів: Святий Ангеле, хранителю мой, моли Бога о мні. Неусипаємаго хранителя душі моєя, і предстателя живота моєго, і наставника от Бога, єгоже получих, пою тя, Ангеле Божий, Бога Вседержителя.

    Святий Ангеле, хранителю мой, моли Бога о мні.

    Нощію содержима мрачною, і темним мраком покриваємаго страстей, світом покаянія озари мя, наставниче і предстателю, і хранителю мой.

    Пісня 3

    Ірмос: На камені мя віри утвердив, разрушил єси уста моя на враги моя, возвесели бо ся дух мой внегда піти: ність свят якоже Бог наш, і ність праведен паче Тебе, Господи. Ісусе Сладчайший, спаси мя, Услиши, Человіколюбче Ісусе мой, раба Твоєго, вопіюща во умиленії: і ізбави мя, Ісусе, осужденія і муки, Єдине Долготерпеливе, Ісусе Сладчайший, Многомилостиве. Ісусе Сладчайший, спаси мя, Время, Ісусе мой, єже дал ми єси, во страсті іждих, Ісусе мой. Тімже, Ісусе мой, не отвержи мя, но воззови, молюся, Владико Ісусе Сладчайший, і спаси. Пресвятая Богородице, спаси мя. Молю, Діво, душевноє смущеніє і печалі моєя бурю разорити: Ти бо, Богоневістная, Начальника тишини Христа родила єси, Єдина Пречистая. Пресвятая Богородице, спаси мя. Лютими недуги, і болізненними страстьми істязаєму, Діво, Ти ми помози: ісціленій бо неоскудноє Тя знаю сокровище, Пренепорочная, неіждиваемое.

    Святий Ангеле, хранителю мой, моли Бога о мні.

    Земленаго і бреннаго, і перстнаго смішенія імію битіє: тімже землі пригвоздихся. Но, о предстателю мой і наставниче мой і ізбавителю, обрати желаніє моє к небесним.

    Святий Ангеле, хранителю мой, моли Бога о мні.

    Печалі і унинія повинний биваю, яко непокаянен пребиваяй і неісправлен. Тімже мні даруй покаятися істинно, і радостотворити тя хранителя моєго.

    Пісня 4

    Ірмос: Пришел єси от Діви, не ходатай, ні Ангел, но Сам, Господи, воплощся, і спасл єси всего мя человіка. Тім зову Ти: слава силі Твоїй, Господи.

    Ісусе Сладчайший, спаси мя.

    Согріших, Ісусе мой Сладчайший Благоутробне, Ісусе мой, спаси мя, прибігающаго к покрову Твоєму, Ісусе долготерпеливе, і Царствія Твоєго мя сподоби.

    Ісусе Сладчайший, спаси мя.

    Ніктоже согріши, Ісусе мой, якоже согріших аз окаянний; но припадаю моляся, Ісусе мой, спаси мя, і жизні, Ісусе мой, наслідіє ми даруй.

    Пресвятая Богородице, спаси мя.

    На одрі болізні моєя і немощі низлежащу ми, яко благолюбива, поможи, Богородице, єдина Приснодіво.

    Пресвятая Богородице, спаси мя.

    Надежду і утвержденіє і спасенія стіну недвижиму, імуще Тя, Всепітая, неудобства всякаго ізбавляємся.

    Святий Ангеле, хранителю мой, моли Бога о мні.

    Не помишляяй страшноє судище, в немже імам Спасу предстати, і дати слово о всяком ділі же і слові, ніже смерті безвістное во ум отнюдь приємлю, неісправлен єсм, наставниче мой, не остави мене.

    Святий Ангеле, хранителю мой, моли Бога о мні.

    Приліжно всякую злобу соверших із млада, і не престах тя, заступника моєго, преогорчевати беззаконними словеси і діянми: но не озлобися, но пожди еще, вразумляя, і просвіщая, і утверждая мя.

    Пісня 5

    Ірмос: Просвіщеніє во тьмі лежащих, спасеніє отчаянних, Христе Спасе мой, к Тебі утреннюю, Царю міра, просвітити мя сіяниєм Твоїм: іного бо разві Тебе Бога не знаю.

    Ісусе Сладчайший, спаси мя.

    Ти просвіщеніє, Ісусе мой, ума моєго. Ти спасеніє отчаянния душі моєя, Спасе, Ти, Ісусе мой, муки ізбави і геєнни мя, зовуща: спаси, Ісусе мой, Христе, мя окаяннаго.

    Ісусе Сладчайший, спаси мя.

    Всеконечно, Ісусе мой, к страсті безчестія низвержен, нині зову, Ти, Ісусе мой, помощі ми руку низпослав, історгни зовуща: спаси, Ісусе мой, Христе, мя окаяннаго.

    Пресвятая Богородице, спаси мя.

    Ісполни, Чистая, веселія сердце моє, Твою нетлінную дающи радость, веселія рождшая Виновнаго.

    Пресвятая Богородице, спаси мя.

    Ізбави нас от бід, Богородице Чистая, вічноє рождши ізбавленіє, і мир всяк ум преімущий.

    Святий Ангеле, хранителю мой, моли Бога о мні.

    Многим дерзновенієм престолу предстоя Вседержителя, і сликовствуя у Царя тварі, многих зол моїх подати ми прощеніє, защитителю мой, помолися.

    Святий Ангеле, хранителю мой, моли Бога о мні.

    Муки провидя і мученія ожидающая мя, і ожесточеніє моє, і безуміє і осліпленіє, милуя стенеши, і сітуєши і дряхлуєши1 посупленія ісполнен2, ізбавителю мой.

    Пісня 6

    Ірмос: В бездні гріховній валяяся, неізслідную милосердія Твоєго призиваю бездну: от тлі, Боже, моя возведи.

    Ісусе Сладчайший, спаси мя.

    Ісусе мой, Христе Многомилостиве, ісповідающася прийми мя, Владико, о Ісусе, і спаси мя, і от тлі, Ісусе, мя ісхити.

    Ісусе Сладчайший, спаси мя.

    Ісусе мой, ніктоже бисть ін блудник, якоже аз страстний, о Ісусе Человіколюбче: но Ти, Ісусе, мя спаси.

    Пресвятая Богородице, спаси мя.

    Смерті і тлі яко спасл єсть, сам ся іздав смерті, тлінієм і смертію моє єстество ято бившеє, Діво, моли Господа і Сина Твоєго, врагов злодійствія мя ізбавити.

    Пресвятая Богородице, спаси мя.

    На одрі нині немошствуяй лежу, І ність ісціленія плоті моєй: но Бога і Спаса міру, і ізбавителя недугов рождшая, Тебі молюся Благой: от тлі недуг возстави мя.

    Святий Ангеле, хранителю мой, моли Бога о мні.

    Сохраняяй, і ополчаяйся окрест мене, і стремленія возбраняяй демонов, і тіх звіровидная нахожденія, яже на мя отріях3 всегда, не престай, хранителю мой: тя бо імам тепла заступника.

    Святий Ангеле, хранителю мой, моли Бога о мні.

    Пречестное і благоуханноє сий миро, не гнушайся моєя смрадності, не отступи от мене даже до конца: но неотступен буди мні хранитель присно: і солнце бо міста скверная преходя, не оскверняєтся.

    Пісня 7

    Ірмос: Образу златому на полі Деірі служиму, тріє Твої отроци небрегоша безбожнаго велінія, посреді же огня ввержени, орошаєми пояху: благословен єси, Боже отец наших.

    Ісусе Сладчайший, спаси мя.

    Христе Ісусе, ніктоже согріши на землі от віка, о Ісусе мой, якоже согріших аз окаянний і блудний. Тімже, Ісусе мой, вопію Ти: поюща мя ущедри4, благословен єси, Боже отеи наших.

    Ісусе Сладчайший, спаси мя.

    Христе Ісусе, тмами обіщах Тебі страстний, о Ісусе мой, покаяніє, но солгах окаянний. Тімже, Ісусе мой, вопію Ти: нечувственні пребиваюшую душу мою просвіти, Христе, отцев Боже, благословен єси.

    Пресвятая Богородице, спаси мя. Наше спасеніє якоже восхотіл єси, Спасе устроіти, во утробу Діви вселился єси, Юже міру Предстательницу показал єси: отец наших Боже, благословен єси. Пресвятая Богородице, спаси мя. Тілесния слабості і душевния недуги, Богородительнице, любовію приступающих к крову Твоєму, Діво, ісцілити сподоби, Спаса Христа нам рождшая.

    Святий Ангеле, хранителю мой, моли Бога о мні.

    Єгда імать ми судити Судія і Бог мой, і осудити мя осужденнаго от совісті, прежде онаго суда не забуди раба твоєго, руководителю мой.

    Святий Ангеле, хранителю мой, моли Бога о мні.

    Вещество імія матер, і бреніє отце, і праотца персть, і сих сродством в землю весьма зрю: но даждь ми, предстателю мой, і горі воззріти когда к небесній доброті.

    Пісня 8

    Ірмос: В пещ огненную ко отроком єврейским снизшедшаго і пламень в росу преложшаго Бога, пойте діла яко Господа, і превозносіте во вся віки.

    Ісусе Сладчайший, спаси мя.

    Преклонився, Ісусе, безсловесними сластьми, безсловесен явихся, і скотом воістинну, о Ісусе мой, страстно окаянний уподобихся, Спасе, Тімже, Ісусе, безсловесія мя ізбави.

    Ісусе Сладчайший, спаси мя.

    Впад, о Ісусе, в душетлінния разбойники, обнажихся одежди, Ісусе мой, боготканния нині, і лежу ранами уязвлен: єлей, Христе мой, возлий на мя і вино.

    Пресвятая Богородице, спаси мя.

    Помощи яже от Тебе требующая, не презри, Діво, поющия і превозносящия Тя во віки.

    Пресвятая Богородице, спаси мя.

    Неможеніє душі моєя ісціляєши, і тілесния болізні, Діво, да Тя прославлю Чистая, во віки.

    Святий Ангеле, хранителю мой, моли Бога о мні.

    По Бозі тя приях от Бога заступника і руководителя, і помощника, і поборника, пресвятий Ангеле. Тімже не престай, молюся, і пістунствуяй, і наказуяй, і учай ліпая мні діяти, і просвітити ум мой, дондеже мя представиши Христу спасена.

    Святий Ангеле, хранителю мой, моли Бога о мні.

    Єгда поставятся престоли, і книги разгнутся, і Ветхий денми сядет, і судятся человіци, і Ангели предстанут. і земля воскостьми, безсловесен явихся, і скотом воістинну, о Ісусе мой, страстно окаянний уподобихся, Спасе, Тімже, Ісусе, безсловесія мя ізбави.

    Ісусе Сладчайший, спаси мя.

    Впад, о Ісусе, в душетлінния разбойники, обнажихся одежди, Ісусе мой, боготканния нині, і лежу ранами уязвлен: єлей, Христе мой, возлий на мя і вино.

    Пресвятая Богородице, спаси мя.

    Помощи яже от Тебе требующая, не презри, Діво, поющия і превозносящия Тя во віки.

    Пресвятая Богородице, спаси мя.

    Неможеніє душі моєя ісціляєши, і тілесния болізні, Діво, да Тя прославлю Чистая, во віки.

    Святий Ангеле, хранителю мой, моли Бога о мні.

    По Бозі тя приях от Бога заступника і руководителя, і помощника, і поборника, пресвятий Ангеле. Тімже не престай, молюся, і пістунствуяй, і наказуяй, і учай ліпая мні діяти, і просвітити ум мой, дондеже мя представиши Христу спасена.

    Святий Ангеле, хранителю мой, моли Бога о мні.

    Єгда поставятся престоли, і книги разгнутся, і Ветхий денми сядет, і судятся человіци, і Ангели предстанут. і земля восколеблется, вся ужаснутся і вострепещут: тогда Твоє человіколюбіє на мні покажи, і ізбави мя геєни, Христа умоляяй.

    Пісня 9

    Ірмос: От Бога Бога Слова, неізреченною мудростію, пришедшаго обновити Адама, я дію в тлініє падшаго люті: от Святия Діви неізреченно Воплотившагося нас ради, вірнії єдиномудренно пісньми величаєм.

    Ісусе Сладчайший, спаси мя.

    Манассію, Ісусе мой, митаря, блудницу, блуднаго, щедре Ісусе, і разбойника преідох, Ісусе мой, в діліх студних і безмістних5Ісусе: но Ти, Ісусе мой, предварив мя, спаси.

    Ісусе Сладчайший, спаси мя.

    Да не отлучен буду, Ісусе мой, неізреченния Твоєя слави, да не улучу часті, Ісусе, шуїя, Сладчайший Ісусе. Но ти мя десним овпам Твоїм, Христе Ісусе мой, сочетав, упокой, яко Благоутробен.

    Пресвятая Богородице, спаси мя.

    Тока слез моїх не отвратися, яже от всякаго лица всяку слезу от“ємшаго, Діво, Христа рождшая. Пресвятая Богородице, спаси мя. Пристанище і предстательство к Тебі прибігающих буди, Діво, і стіна нерушимая, прибіжище же і покров і веселіє.

    Святий Ангеле, хранителю мой, моли Бога о мні.

    Да узрю тя одесную окаянния моєя душі предстояща, світла і тиха, заступника і предстателя моєго, внегда ісчезати от мене нуждно духу моєму, і іщущия мя пояти горкія враги отгоняюща.

    Святий Ангеле, хранителю мой, моли Бога о мні.

    Яко святий Божий служитель, і творяй Єго Божественная хотінія многим обогашаєшися к Нему дерзновенієм, святий Ангеле, Тімже теплі о мні Того умоли, яко да спасен тобою, воспіваю предстательство і покров твой.

    Канон до святого причастя

    Пісня 1. Ірмос

    Грядіте, людіє, поїм піснь Христу Богу, раздільшему море і наставльшему люди, яже ізведе із работи єгипетскія, яко прославися

    Хліб живота вічнующаго да будет ми Тіло Твоє Святоє, благоутробне Господи, і Честная Кров, і недуг многообразних ісціленіє.

    Осквернен діли безмістними, окаянний, Твоєго Пречистаго Тіла і Божественния Крове недостоїн єсм, Христе, причащенія, єгоже мя сподоби.

    Богородичен

    Земле благая, благословенная Богоневісто, клас прозябшая неоранний і спасительний міру, сподоби мя, сей ядуща, спастися.

    Пісня 3. Ірмос

    На камені мя віри утвердив, разширил єси уста моя на враги моя. Возвеселибося дух мой, внегда піти6: ність свят, якоже Бог наш і ність праведен паче Тебе, Господи.

    Слезния ми подаждь, Христе, каплі, скверну сердца моєго очищающия: яко да благою совістію очищен, вірою прихожду і страхом, Владико, ко причащенію Божественних даров Твоїх.

    Во оставленіе да будет ми прегрішеній Пречистоє Тіло Твоє і Божественная Кров, Духа же Святаго общеніє і в жизнь вічную, Человіколюбче, і страстей і скорбей отчужденіє.

    Богородичен

    Хліба животнаго трапеза пресвятая, свише, милості ради, Сшедшаго, і мірові новий живот Дающаго, і мене нині сподоби недостойнаго, со страхом вкусити сего і живу бити.

    Пісня 4. Ірмос

    Пришел єси от Діви не ходатай, ні Ангел, но Сам, Господи, воплошся, і спасл єси всего мя человіка: тім зову Ти, слава силі Твоєй, Господи.

    Восхотіл єси, нас ради воплошся, Многомилостиве, заклан бити яко овча, гріх ради человіческих: тімже молю Тя, і моя очисти согрішенія.

    Ісціли душі моєя язви, Господи, і всего освяти: і сподоби, Владико, якода причащуся тайния Твоєя Божественния вечери окаянний.

    Богородичен

    Умилостиви і мні Сущаго от утроби Твоєя, Владичице, і соблюди мя нескверна раба Твоєго і непорочна, яко да прієм умнаго бі сера, освящуся.

    Пісня 5. Ірмос

    Світа Подателю і віков Творче, Господи, во світі Твоїх повеліній настави нас: разві бо Тебе, іного Бога не знаєм.

    Якоже предрекл єси, Христе, да будет убо худому рабу Твоєму, і во мні пребуди, якоже обіщался єси: се бо Тіло Твоє ям Божественноє і пію Кров Твою.

    Слове Божий і Боже, угль Тіла Твоєго да будет мні помраченному в просвіщеніє, і очищенія оскверненній душі моєй Кров Твоя.

    Богородичен

    Маріє, Мати Божія, благоуханія честноє селеніє, Твоїми молитвами сосуд мя ізбранний соділай, яко да освященій причащуся Сина Твоєго.

    Пісня 6. Ірмос

    В бездні гріховній валяяся, неізслідную милосердія Твоєго призиваю бездну: от тлі, Боже, мя возведи.

    Ум, душу і сердце освяти, Спасе, і тіло моє і сподоби неосужденно, Владико, ко страшним Тайнам приступити.

    Даби устранился от страстей і Твоєя благодаті іміл би приложеніє, живота же утвержденіє, причащенієм святих, Христе, Таїн Твоїх.

    Богородичен

    Божіе, Боже, Слово Святоє, всего мя освяти, нині приходящаго к Божественним Твоїм Тайнам, Святия Матере Твоєя мольбами.

    Кондак

    Хліб, Христе, взяти не презри мя, Тіло Твоє і Божественную Твою нині Кров, пречистих, Владико, і страшних Твоїх Таїн причаститися окаяннаго: да не будет ми в суд, да будет же ми в живот вічний і безсмертний.

    Пісня 7. Ірмос

    Тілу златому премудрія діти не послужиша, і в пламень сами поідоша, і боги їх обругаша, среді пламене возопиша, і ороси я ангел: услишася уже уст ваших молитва.

    Істочник благих, причащеніє, Христе, безсмертних Твоїх нині Таїнств да будет ми світ і живот і безстрастіє, і к преспіянію же і умноженію добродітелі Божественнійшія ходатайственно, єдине Блаже, яко да славлю Тя.

    Да ізбавлюся от страстей і врагов, і нужди, і всякія скорби, трепетом і любовію со благоговінієм, Человіколюбче, приступаяй нині, ко Твоїм безсмертним і Божественним Тайнам, і воспівати Тебі сподоби: благословен єси, Господи, Боже отец наших.

    Богородичен

    Спаса Христа Реждшая паче ума Богоблагодатная, молю Тя нині раб Твій,

    Чистую нечистий: хотящаго мя нині ко Пречистим Тайнам приступити, очисти всего от скверни плоті і духа.

    Пісня 8. Ірмос

    В пещ огненную ко отроком єврейским снизшедшаго і пламень в росу преложшаго Бога пойте діла, яко Господа, і превозносіте во вся віки.

    Небесних і страшних і святих Твоїх, Христе, нині Таїн і Божественния Твоєя і тайния вечері общника бити і мене сподоби отчаяннаго, Боже, Спасе мой.

    Под Твоє прибіг благоутробіє, Блаже, со страхом зову Ти: во мні пребуди, Спасе, і аз, якоже рекл єси, в Тебі: се бо дерзая на милость Твою, ям Тіло Твоє і пію Кров Твою.

    Трепещу приємля огонь, да не опалюся яко воск і яко трава. Оле страшнаго таїнства! оле благоутробія Божія! како Божественнаго Тіла і Крове бреніє7 причащаюся і нетлінен сотворяюся!

    Пісня 9. Ірмос

    Безначальна Родителя Син, Бог і Господь, воплощся от Діви нам явися, омраченная просвітити, собрати расточенная: тім всепітую Богородицу величаєм.

    Христос єсть, вкусіте і видіте: Господь нас ради, по нам бо древле бивий, єдиною Себе принес, яко приношеніє Отцу Своєму, присно закалаєтся, освящаяй причащаюшияся.

    Душею і тілом да освящуся, Владико, да просвіщуся, да спасуся, да буду дом Твой причащенієм священних Таїн, живущаго Тя імія со Отцем і Духом, Благодітелю много-милостиве.

    Якоже огнь да будет ми і яко світ, Тіло Твоє і Кров, Спасе мой, пречестная, опаляя гріховноє вещество, сжигая же страстей терніє і всего мя просвіщая, поклонятися Божеству Твоєму.

    Богородичен

    Бог воплотися от чистих кровей Твоїх: тімже всякий род поєт Тя, Владичице, умная же множества славят, яко Тобою яві узріша всіми Владичествующаго, осуществовавшагося человічеством.

    Вранці же той, хто має причащатися, молиться:

    Молитвами святих отец наших, Господи, Ісусе Христе, Боже наш, помилуй нас. Амінь.

    Царю Небесний: Трисвятоє: Пресвятая Тройце: Отче наш: Господи помилуй, 12 раз.

    І тропарі

    Беззаконія моя презри8, Господи, от Діви рождейся, і сердце моє очисти, храм творя Пречистому Твоєму Тілу і Крові: ниже отрини мене от Твоєго лица, без числа іміяй велію милость.

    Во причастіє святинь Твоїх како дерзну недостойний? аще бо дерзну к Тебі приступити с достойними, хітон9 мя обличаєт, яко ність вечерній, і осужденіє ісходатайствую многогрішній душі моєй: очисти, Господи, скверну душі моєя і спаси мя, яко Человіколюбец.

    Многая множества моїх, Богородице, прегрішеній: к Тебі прибігох, Чистая, спасенія требуя. Посіти немощствующую мою душу і моли Сина Твоєго і Бога нашего дати ми оставленіе, яже содіях лютих, єдина Благословенная.

    Во святу ж і велику Чотиридесятницю молися:

    Єгда славнії ученици на умовенії вечері просвіщахуся, тогда Іуда злочестивий сребролюбієм недуговав, омрачашеся і беззаконним судіям Тебе, Праведнаго Судію, предаєт. Виждь, іміній рачителю, сих ради удавленіє употребивша! Біжи несития душі, Учителю таковая дерзнувшия: Іже о всіх благий, Господи, слава Тебі.

    Також: Господи, помилуй (40 разів). І поклони, скільки хочеш.

    І тоді оці стихи:

    Хотя ясти, человіче, Тіло Владичне, Страхом приступи, да не опалитися: огнь єсть.

    Божественную же пія Кров ко общенію,

    Первіе примирися тя опечалившим, Таже дерзая таїнственноє брашно яждь. |

    Іния стихи

    Прежде причастія страшния жертви, Животворящаго Тіла Владичня, Сим помолися образом, со трепетом:

    Молитва 1. Св. Василія Великого

    Владико, Господи, Ісусе Христе, Боже наш, Істочниче жизні і безсмертія, всея тварі видимия і невидимия Содітелю, Безначальнаго Отца Соприсносущний Сине і Собезначальний: премногія ради благості в посліднія дні в плоть оболкійся і распнийся, і погребийся за ни, неблагодарния і злонравния, і Своєю Кровію обновивий растлівшеє гріхом єстество наше: Сам, Безсмертний Царю, приіми і моє грішнаго покаяніє, і приклони ухо Твоє мні, і услиши глаголи моя. Согріших бо, Господи, согріших на небо і пред Тобой, і нісм достоїн воззріти на висоту слави Твоєя: прогнівах бо Твою благость, Твоя заповіді преступив і не послушав Твоїх повеліній. Но Ти, Господи, незлобив сий, долготерпелив же і многомилостив, не предал єси мя погибнути со беззаконми моїми, моєго всячески ожидая обращенія. Ти бо рекл єси, Человіколюбче, пророком Твоїм: яко хотінієм не хощу смерти грішника, но єже обратитися і живу бити єму. Не хощеши бо, Владико, созданія Твоєю руку погубити, ніже благоволиши о погибелі человічестій, но хощеши всім спастися і в разум істини приіти. Тім же і аз, аще і недостоїн єсм небесе і землі і сея привременния жизні, всего себе повинув гріху і сластем поработив, і Твой осквернив образ: но твореніє і созданіє Твоє бив, не отчаяваю своєго спасенія окаянний, на Твоє же безмірноє благоутробіє дерзая приходжу. Приіми убо і мене Человіколюбче Господи, якоже блудницу, яко разбойника, яко митаря і блуднаго: і возьми моє тяжкоє бремя гріхов, гріх вземляй міра і немощі человіческія ісціляяй, труждающіїся і обремененния к Себі призиваяй і упокоєваяй, не пришедий призвати праведния, но грішния на покаяніє: і очисти мя от всякія скверни плоті і духа, і научи мя совершати святиню во страсі Твоєм: яко да чистим свідінієм совісті моєя, святинь Твоїх часть приємля, соєдинюся святому Тілу Твоєму і Крові і імію Тебе, во мні живуща і пребивающа, со Отцем і Святим Твоїм Духом. Ей, Господи Ісусе Христе, Боже мой! і да не в суд ми будет причастіє пречистих і животворящих Таїн Твоїх, ніже да немощен буду душею же і тілом, от єже недостойні тих причащатися: не даждь ми даже до конечнаго моєго іздиханія, неосужденно восприїмати часть святинь Твоїх, в Духа Святаго общеніє, в напутіє живота вічнаго і во благопріятен отвіт на страшнім судищі Твоєм: яко да і аз со всіми ізбранними Твоїми общник буду нетлінних Твоїх благ, яже уготовал єси любящим Тя, Господи: в нихже препрославлен єси во віки. Амінь.

    Молитва 2. Св. отця нашого Іоанна Златоустого

    Господи, Боже мой, вім, яко нісм достоїн, ніже доволен, да под кров внидеши храма душі моєя, занеже весь пуст і пался єсть, і не імаши во мні міста достойна, єже главу подклонити: но якоже с висоти нас ради смирил єси Себе, смирися і нині смиренію моєму: і якоже восприял єси в вертепі і во ясліх безсловесних возлещи, сице восприйми і во яслях безсловесния моєя душі, і во оскверненноє моє тіло внити: і якоже удостоїл єси внити і свечеряти со грішники в дому Симона прокаженнаго, тако ізволи внити і в дом смиренния моєя душі, прокаженния і грішния: і якоже не отринул єси подобную мні блудницу і грішную, пришедшую і прикоснувшуюся Тебі, сице умилосердися і о мні грішнім, приходящем і прикасающемтися: і якоже не возгнушался єси свкерних і нечистих єя уст, цілующих Тя, ніже моїх возгнушайся сквернших, нечистих і мерзких моїх устен і сквернаго і нечистійшаго моєго язика. Но да будет ми угль пресвятаго Твоєго Тіла і честния Твоєя Крове, во освященіє і просвіщеніє і здравіє смиренній моєй душі і тілу, во облегченіє тяжестей многих моїх согрішеній, в соблюденіє от всякого діавольскаго дійства, во отгнаніє і возбраненіє злаго моєго і лукаваго обичая, во умерщвленіє страстей, в снабдініє заповідей Твоїх, в приложеніє Божественния Твоєя благодаті і Твоєго Царствія присвоєніє. Не бо яко презираяй прихожду к Тебі, Христе Боже, но яко дерзая на неізреченную Твою благость, і да не на мнозі удаляяйся общенія Твоєго, от мисленного волка звіроуловлен буду. Тімже молюся Тебі: яко єдин сий свят, Владико, освяти мою душу і тіло, ум і сердце, чревеса і утроби, і всего мя обнови, і вкорени страх Твой во удесіх моїх, і освященіє Твоє неот“ємлемо от мене сотвори: і буди ми помощник і заступник, окормляя в мирі живот мой, сподобляя мя і одесную Тебе предстоянія со святими Твоїми, молитвами і моленми Пречистая Твоєя Матере, невещественних Твоїх служителей і пречистих сил, і всіх святих, от віка Тебі благоугодивших. Амінь.

    Молитва 3. Симеона Метафраста

    Єдине чистий і нетлінний Господи, за неізреченную милость человіколюбія наше все восприємий смішеніє, от чистих і дівственних кровей паче єстества Рождшія Тя, Духа Божественнаго нашествіем і благоволенієм Отца присносушнаго, Христе Ісусе, Премудросте Божія, і Мире, і Сило, Твоїм воспріятієм животворящая і спасительная страданія восприємий, крест, гвоздія, копіє, смерть, умертви моя душетлінния страсті тілесния. Погребенієм Твоїм адова плінивий царствія, погреби моя благими помисли лукавая совітованія і лукавствія духи разори. Тридневним Твоїм і живоносним воскресенієм падшаго праотца восставивий, восстави мя гріхом поползшагося, образи мні покаянія предлагая. Преславним Твоїм вознесенієм плотское обоживий воспріятіє, і сіє десним Отца сідінієм почтий, сподоби мя причастієм Святих Твоїх Таїн десную часть спасаємих получити. Снитієм Утішителя Твоєго Духа сосуди честни священния Твоя ученики соділавий, пріятелище і мене покажи Того пришествія. Хотяй паки приіти вселенній правдою, благоволи і мні узріти Тя на облаціх Судію і Создателя моєго, со всіми святими Твоїми: да безконечно славословлю і воспіваю Тя, со Безначальним Твоїм Отцем, і Пресвятим і Благим, і Животворящим Твоїм Духом, нині і присно і во віки віков. Амінь.

    Молитва 4. Св. Іоанна Дамаскина

    Владико, Господи Ісусе Христе, Боже наш, єдине іміяй власть человіком оставляти гріхи: яко Благ і Человіколюбец, презри моя вся в відінії і невідінії прегрішенія, і сподоби мя неосужденно причаститися Божественних і преславних і пречистих, і животворящих Твоїх Таїн, не в тяжесть, ні в муку, ні в приложеніе гріхов, но во очищеніє і освященіе і обрученіє будущаго живота і Царствія, в стіну і помощ, і в возраженіє сопротивних, во істребленіє многих моїх согрішеній. Ти бо єси Бог милості і щедрот і человіколюбія, і Тебі славу возсилаєм, со Отием і Святим Духом, нині і присно і во віки віков Амінь.

    Молитва 5. Василія Великого

    Вім, Господи, яко недостойні причащаюся пречистаго Твоєго Тіла і честния Твоєя Крове, і повинен єсм, і суд себі ям і пію, не разсуждая Тіла і Крове Тебе Христа і Бога моєго: но на щедроти Твоя дерзая, прихожду к Тебі рекшему: ядий Мою Плоть і піяй Мою Кров во Мні пребиваєт, і Аз в нем. Умилосердися убо, Господи, і не обличи мя грішнаго, но сотвори со мною по милості Твоєй: і да будут ми святая сія во ісціленіє і очищеніє, і просвіщеніє і сохраненіє і спасеніє, і во освященіє душі і тіла: во отгнаніє всякаго мечтанія і лукаваго діянія і дійства діавольскаго, мисленно во удесіх моїх дійствуємаго, в дерзновеніє і любов яже к Тебі: во ісправленіє житія і утвержденіє, в возращеніе добродітелі і совершенства: во ісполненіє заповідей, в Духа Святаго общеніе, в напутіє живота вічнаго, во отвіт благопріятен на страшнім судищі Твоєм: не в суд, іли во осужденіє.

    Молитва 6. Св. Іоанна Златоустого

    Боже, ослаби, остави, прости ми согрішенія моя, єлика Ти согріших, а ще словом, а ще ділом, а ще помишленієм, волею іли неволею, разумом іли неразумієм, вся ми прости, яко Благ і Человіколюбец. І молитвами Пречистая Твоєя Матере, умних Твоїх служителей і святих сил і всіх, от віка Тебі благоугодивших, неосужденно благоволи прияти ми святоє і пречистоє Твоє Тіло і честную Кров, во ісціленіє душі же і тіла і во очищеніє лукавих моїх помишленій: яко Твоє єсть Царство і Сила, і слава, Отца і Сина і Святаго Духа, нині і присно і во віки віков. Амінь.

    Молитва 7. Св. Іоанна Златоустого

    Нісм доволен, Владико Господи, да внидеши под кров душі моєя: но понеже хощеши Ти, яко Человіколюбец, жити во мні, дерзая приступаю. Повеліваєши, да отверзу двері, яже Ти єдин создал єси, і внидеши со человіколюбієм якоже єси; внидеши і просвіщаєши помрачений мой помисл: вірую, яко сіє сотвориши. Но бо блудницу, со слезами пришедшую к Тебі, отгнал єси, ніже митаря отверг єси покаявшася, ніже разбойника, познавша Царство Твоє, отгнал єси, ніже гонителя покаявшася оставил єси, єже бі, но от покаянія к Тебі пришедшия вся в лиці Твоїх другов вчинил єси, Єдин сий благословенний всегда, нині і в безконечния віки. Амінь.

    Молитва 8. Св. Іоанна Златоустого

    Господи Ісусе Христе, Боже мой, ослаби, остави, очисти і прости ми грішному і непотребному і недостойному рабу Твоєму прегрішенія і согрішенія і гріхопаденія моя, єлика Ти от юності моєя, даже до настоящаго дне і часа, согріших, аще в разумі і в неразумії, аще в словесіх іли діліх, іли помишленіях і мислех, і начинаніїх і всіх моїх чувствах. І молитвами безсіменно рождшія Тя, Пречистия і Приснодіви Марії Матере Твоєя, єдиния непостидния надежди і предстательства і спасенія моєго, сподоби мя неосужденно причаститися Пречистих, Безсмертних, Животворящих і Страшних Твоїх Таїнств, во оставленіе гріхов і в жизнь вічную, во освященіє і просвіщеніє, кріпость, ісціленіє і здравіє душі же і тіла, і в потребленіє і всесовершенноє погубленіє лукавих моїх помислов і помишленій, і предпріятій і нощних мечтаній темних і лукавих духов: яко Твоє єсть Царство і сила і слава, і честь і поклоненіє, со Отцем і Святим Твоїм Духом, нині і присно і во віки віков. Амінь.

    Молитва 9. Св. Іоанна Дамаскина

    Пред дверми храма Твоєго предстою, і лютих помишленій не отступаю: но Ти, Христе Боже, митаря, оправдивий і хананею помиловавий і разбойнику рая двері отверзий, отверзи ми утроби человіколюбія Твоєго і приіми мя, приходяща і прикасающася Тебі, яко блудницу і кровоточивую, ова убо края ризи Твоєя коснувшися удоб ісціленіє прият, ова же, пречистії Твої нозі удержавши, разрішеніє гріхов понесе. Аз же окаянний, все Твоє Тіло дерзая восприяти, да не опален буду: но приіми мя якоже ония, і просвіти моя душевная чувства, попаляя моя гріховния вини, молитвами безсіменно рождшія Тя і небесних сил: яко бла гословен єси во віки віков. Амінь.

    Молитва 10. Св. Іоанна Златоустого

    Вірую, Господи, і ісповідую, яко Ти єси воістину Христос, Син Бога живаго, пришедий в мір грішния спасти, от нихже перший єсм аз. Єще вірую, яко сіє єсть самоє пречистоє Тіло Твоє, і сія єсть самая честная Кров Твоя. Молюся убо Тебі: помилуй мя і прости ми прегрішенія моя, вольная і невольная, яже словом, яже ділом, яже відінієм і невідінієм, і сподоби мя неосужденно причаститися пречистих Твоїх Таїнств, во оставленіе гріхов і в жизнь вічную. Амінь.

    Вечері Твоєя тайния днесь, Сине Божий, причастника мя приіми: не бо врагом Твоїм тайну повім, ні лобзанія Ти дам, яко Іуда, но яко разбойник ісповідаю Тя: помяни мя, Господи, во Царствії Твоєм. Да не в суд іли во осужденіє будет мні причащеніє святих Твоїх Тайн, Господи, но во ісціленіє душі і тіла. Амінь.

    Молитви подяки після святого Причастя

    Слава Тебі, Боже! Слава Тебі, Боже! Слава Тебі, Боже!

    Молитва 1

    Благодарю Тя, Господи, Боже мой, яко не отринул мя єси грішнаго, но общника мя бити святинь Твоїх сподобил єси. Благодарю Тя, яко мене недостойнаго причаститися пречистих Твоїх і небесних даров сподобил єси. Но, Владико, Человіколюбче, нас ради умерий же і воскресий і даровавий нам страшния сія і животворящия Таїнства во благодіяніє і освященіє душ і тілес наших, даждь бити сим і мні во ісціленіє душі же і тіла, во отгнаніє всякаго сопротивнаго, в просвіщеніє очію сердца моєго, в мир душевних моїх сил, в віру непостидну, в любов нелицемірну, во ісполненіє премудрості, в соблюденіє заповідей Твоїх, в приложеніє Божественния Твоєя благодаті і Твоєго Царствія присвоєніє: да во святині Твоєй тіми сохраняєм, Твою благодать поминаю всегда, і не ктому себі живу, но Тебі, нашему Владиці і Благодітелю: і тако сего житія ізшед о надежді живота вічнаго, в присносущний достигну покой ідіже празднующих глас непрестанний і безконечная сладость зрящих І Твоєго лица доброту неізреченную. Ти бо єси істинноє желаніє і неізреченноє веселіє любящих Тя, Христе Боже наш, і Тя поєт вся твар во віки. Амінь.

    Молитва 2. св. Василія Великого

    Владико, Христе Боже, Царю віков і Содітелю всіх, благодарю Тя о всіх яже ми єси подал благих, і о причащенії пречистих і животворящих Твоїх Таїнств. Молю убо Тя, Блаже і Человіколюбче: сохрани мя под кровом Твоїм і в сіни1 крилу Твоєю, даруй ми чистою совістю, даже до послідняго моєго іздиханія, достойно причащатися святинь Твоїх во оставленіє гріхов і в жизнь вічную. Ти бо єси хліб животний, істочник святині, податель благих: і Тебі славу возсилаєм, со Отцем і Святим Духом, нині і присно і во віки віков. Амінь.

    Молитва 3. Метафраста

    Давий пищу мні плоть Твою волею, огнь сий і опаляяй недостойния, да не опалиши мене, Содітелю мой: паче же пройди во уди моя, во вся состави, во утробу, в сердце: попали терніє всіх моїх прегрішеній. Душу очисти, освяти помишленія. Состави утверди с костьми вкупі. Чувств просвіти простую пятерицу. Всего мя спригвозди страху Твоєму. Присно покрий, соблюди же і сохрани мя от всякаго діла і слова душетліннаго. Очисти і омий, украси мя, удобри, вразуми і просвіти мя. Покажи мя Твоє селеніє єдинаго Духа, і не ктому селеніє гріха. Да яко Твоєго дому, входом причащенія, яко огня мене біжит всяк злодій, всяка страсть. Молитвенники Тебі приношу вся святия, чиноначалія же безплотних. Предтечу Твоєго, премудрия апостоли, к сим же Твою Нескверную Чистую Матер: іхже мольби, Благоутробне, приіми, Христе мой, і сином світа соділай Твоєго служителя. Ти бо єси освященіє і єдиний наших, Блаже, душ і світлость, і Тебі ліпоподобно, яко Богу і Владиці, славу всі возсилаем на всяк день.

    Молитва 4

    Тіло Твоє святоє, Господи, Ісусе Христе, Боже наш, да будет ми в живот вічний, і Кров Твоя честная во оставленіе гріхов: буди же ми благодареніє сіє в радость, здравіє і веселіє. В страшноє же і второє пришествіє Твоє, сподоби мя грішнаго стати одесную слави Твоєя, молитвами Пречистия Твоєя Матере і всіх святих.

    Молитва 5. До Пресвятої Богородиці

    Пресвятая Владичице Богородице, світе помраченния моєя душі, надеждо, покрове, прибіжище, утішеніє, радованіє моє, благодарю Тя, яко сподобила мя єси недостойнаго, причастника бити пречистаго Тіла і честния Крове Сина Твоєго. Но, Рождшая істинний Світ, просвіти моя умния очі сердца: Яже Істочник безсмертія рождшая, оживотвори мя умерщвленнаго гріхом: Яже милостиваго Бога любоблагоутробная Мати, помилуй мя і даждь ми умиленіє і сокрушеніє в сердці моєм, і смиреніє в мислех моїх, і воззваніє в пліненіїх помишленій моїх: і сподоби мя, до послідняго іздиханія, неосужденно пріймати пречистих Таїн освященіє, во ісціленіє душі же і тіла: і подаждь ми слези покаянія і ісповіданія, во єже воспівати і славити Тя во вся дні живота моєго, яко благословенна єси во віки Амінь.

    Молитви деяким святим Молитва свв. мученицям Вірі, Надії, Любові і матері їх Софії

    (17 вересня)

    Вас, святия мученици, Віро, Надеждо і Любове, славим, величаєм і ублажаєм, купно с мудрою матерію Софією, ейже покланяємся, яко образ богомудраго попеченія являющей. Умоли, святая Віро, Творца видимих і невидимих, да віру кріпку, неблазнену1 і нерушиму подаст нам. Ходатайствуй, святая Надеждо, пред Господом Ісусом за нас грішних, да упованіє на благая Своя не отженет от нас, і от всякія скорби і нужди да ізбавит ни. Ісповіждь, святая Любов, Духу істини, Утішителю, напасті і печалі наша, да Той свише сладость небесную ниспослет душам нашим. Помозіте убо в бідах наших, святия мученици, і купно с мудрою матерію вашего Софією, моліте Господа Бога, да сохранит под покровом Своїм Церков Свою святую. Такожде і о всіх нас вашего теплаго предстательства пред Богом усердно молим, да купно с вами і со всіми святими превознесем і препрославим пресвятоє і великоє імя Отца і Сина, і Святаго Духа Бога, Предвічнаго Владики і благих Содітеля, нині и присно і во віки віков. Амінь.

    Молитва преп. Сергію, Радонезькому Чудотворцю

    (25 вересня)

    О священная главо, преподобне і богоносне отче наш Сергіє, молитвою твоєю, і вірою і любовію яже к Богу, і чистотою сердца, єще на землі во обитель Пресвятия Тройци душу твою устроївий, і ангельскаго обшенія і Пресвятия Богородици посіщенія сподобивийся, і дар чудодійственния благодаті приємий, по отшествії же твоем от земних наіпаче к Богу приближивийся і небесния сили приобщивийся, но і от нас духом любве твоєя не отступивий, і честния твоя мощі, яко сосуд благодаті полний і преізливающийся, нам оставивий! Веліє імія дерзновеніє ко Всемилостивому Владиці, моли спасти раби Єго, сущій в тебі благодаті Єго вірующия і к тебі с любовію притекающия. Іспроси нам от великодаровитаго Бога нашего всякий дар, всім і коемуждо благопотребен: віри непорочни соблюденіє, градов наших утвержденіе, міра умиреніє, от глада і пагуби ізбавленіє, от нашествія іноплеменних сохраненіє, скорбящим утішеніе, недугуюшим ісціленіє, падшим восставленіє, заблуждающим на путь істини і спасенія возврашеніє, подвизаюшимся укріпленіє, благоділающим в діліх благих преспіяніє і благословеніє, младенцем воспитаніє, юним наставленіє, невідующим вразумленіє, сиротам і вдовицам заступленіє, отходящим от сего временнаго житія в вічному благоє уготовленіє і напутствіє, отшедшим блаженноє упокоєніє, і вся ни споспішествующими твоїми молитвами сподоби в день страшнаго суда шуія часті ізбавитися, десния же страни общники бити і блаженний оний глас Владики Христа услишати: «Приідіте, благословенії Отна Моєго, наслідуйте Царство уготованноє вам от сложенія міра». Амінь.

    Молитва св. Великомучениці Єкатерині

    (24 листопада)

    О святая Єкатерино, діво і мученице, істинная Христова невісто! Молим тя, яко нарочитую благодать, єюже предвари тя Жених твой, сладчайший Ісус, приімшую: якоже посрамивши прельщенія мучителя мудростію твоєю, пятьдесят вітій побідила єси, і напоївши їх небесним ученієм, ко світу істиннйя віри наставила єси, тако іспроси і нам оную Божію мудрость, да і ми, вся козні адскаго мучителя расторгше, міра же і плоті соблазни презрівше, достойни явимся Божественния слави, і к расширенію святия нашея православния віри сосуди достойни соділаємся, і с тобою в небесній скинії Господа і Владику нашего Ісуса Христа, со Отцем і Святим Духом, восхвалим і прославим во всі віки віков. Амінь.

    Молитва св. Великомучениці Варварі

    (4 грудня)

    Святая славная і всехвальная великомученице Христова Варваро! Собранії днесь в храмі твоєм Божественнім людіе, і раці мощей твоїх поклоняющіїся і любовію цілующії, страданія же твоя мученическая і в них Самаго страстоположника Христа —давшаго тебі, не точію еже в Него віровати, но і еже по Нем страдати, — похвалами ублажаюше, молим тя, ізвідтная желанія нашего ходатаїие, моли с нами і о нас умоляемаго от Своего благоутробія Бога, да милостивно услишит нас, иросящих Єго благостиню, і не отставит от нас вся ко спасенію і житію нуждная прошенія, і даруєт христіанскую кончину житія нашего безболізненну, непостидну, мирну, Божественних Тайн причастну; і всім на всяком місті, во всякой скорбі і обстоянії, требующим Єго человіколюбія і помощи, великую Свою подаст милость, да благодатію Божією і твоїм теплим предстательством, душею і тілом всегда здравії пребивающе, славим дивнаго во святих Своїх Бога Ізраілева, не удаляющаго помощи Своєя от нас, всегда, нині і присно і во віки віков. Амінь.

    Молитва Святителю Николаю

    (6 грудня)

    О всесвятий Николає, угодниче преізрядний Господень, теплий наш заступниче і везді в скорбіх скорий помощниче! Помози мні, грішному і унилому, в настоящем сем житії: умоли Господа Бога даровати ми оставленіє всіх моїх гріхів, єлико согріших от юності моєя, во всем житії моєм, ділом, словом, помишленієм і всіми моїми чувстви; і во ісході душі моєя помози ми окаянному; умоли Господа Бога всея тварі Содітеля, ізбавити мя воздушних митарств і вічнаго мученія: да всегда прославляю Отца і Сина і Святаго Духа, і твоє милостивое предста. тельство, нині і присно і во віки віков Амінь.

    Молитва св. апостолу Андрею Первозванному

    (30 листопада)

    Первозванне апостоле Бога і Спаса нашего їсуса Христа, Церкве послідователю верховний, всехвальне Андреє! Славим і величаєм апостольскія труди твоя, сладці поминаєм твоє благословенноє к нам пришествіє, ублажаєм честная страданія твоя, яже за Христа претерпіл єси, чтим святую память твою і віруєм, яко жив Господь, жива же і душа твоя і с Ним во віки пребиваєши на небесі, ідіже і нас любовію твоєю не оставляєши, якоже возлюбил єси отци наша, єгда Духом Святим прозріл єси землі нашея ко Христу обращеніє. Віруєм же, яко і молиши о нас Бога, зря во світі Єго всі нужди наша. Тако сію віру нашу ісповідуєм, Господа і Бога і Спаса нашего Ісуса Христа молим, да молитвами твоїми подаст нам вся потребная ко спасенію нас грішних; да якоже ти абіє по гласу Господа, оставль мрежі своя, неуклонно Єму послідовал єси, сице і кійждо от нас да іщет не своїх си, но єже к созиданію ближняго і о горнім званії да помишляєт. Імуще же тя предстателя і молитвенника о нас, уповаєм, яко молитва твоя много может пред Господем і Спасителем нашим Ісусом Христом, Ємуже подобаєт всякая слава, честь і поклоненіє со Отцем і Святим Духом во віки віков.

    Молитва преподобним Антонію і Феодосію, Печерським Чудотворцям

    В неділю другу Великого посту

    Преподобнії і богоноснії отци наші Антоніє і Феодосіє! К Вам яко к теплим заступником і скорим помощником і ізвістним предстателем прибігаєм, ми грішнії, смиренно просяще вашея помощи і заступленія, в бездні зол і бід погружаємії, яже на всяк день і час нам і от человік лукавих приключаются, і от духов злоби поднебесния, всегда погибелі душ і тілес наших іщущих, находят на ни. Ізвістни же єсми несумнінно, коль великоє к милосердному Богу імате дерзновеніє: єще бо на землі между странствующими к горнему отечеству пребивающе, велію силу благодаті Божієй, вами чудодійствующей, в себі показасте. Такожде віми, коль многоє множество мужей і жен, із разних стран і народов, скорбящих і напаствуємих іли различними тяжкими болізнями одержимих, іли под бременем насилія і притісненія, неудоб носимим, упадающих і желанія своєго отчаявающихся, вашими молитвами і заступленієм получиша скороє себі облегченіє і ізбавленіє. Аще убо вся та помоществованія, єще в смертном суще странствованії, бідствующим милостиво подавасте, кольми паче днесь, єгда уже всемогущей предстасте Тройці і большеє приясте дерзновеніє, во єже молити Ю о нашем недостоїнстві, і нас в бідах і печалех сущих, утішати, в тяжких нуждах і напастех нас заступати і защищати. Сего ради і ми, столь многими враждебними навітами, озлобленіями і коварними злоумишленіями отвсюду угрожаємії і тіснимії, вашему теплому і сильному по Бозі вручаєм себе покровительству і защищенію, і усердно молим благостиню вашу, сохраніте нас неврежденних от всіх бід і зол, найпаче же от бісовских козней і хитростей, льстивих подступов і наглих нападеній, да не будем їм в поруганіє і посміятельство, но тако їх кріпкою вашею помощію от нас отженіте, якоже во дні они от обителі отгнасте їх, многія пакості іногда діющих. Сицевая же їх неполезная укротивше на ни востанія і устремленія, тако нас утвержденних в вірі, надежді і любові і постоянних соділайте, да ніколиже нами каковоє возобладаєт недоумініє іли сомнініє в тих, яже святая мати Церков вірувати поучаєт і ісповідати дерзновенно повеліваєт: надежду нашу на Господа Бога в душах наших вісом і мірою правди і милості Божія сице устройте, яко да ніже ізлишне уповаєм обіщанная от Бога без труда і подвига воспріяти, ніже, зряще великія прегрішенія і тяжкая законопреступленія, весьма Божія милосердія отчаяваємся. Любов в серцах наших сице утвердіте і достойну соділайте, да нічтоже земное і скорогибнущеє паче Бога, вся сотворшаго і вся в Себі содержащего, ніже помишляєм, ніже желаєм, ніже предпочитаєм. Чувства наша душевная вкупі і тілесная в таком благоустроєнії і боголіпній мірності на всяк день і час удерживайте і снабдівайте, да тіми нікогдаже благаго і человіколюбиваго Бога прогніваєм. Разум уціломудрите, да он паче о Бозі, Єго вездіприсутствії і благопромишленії помишляєт, неже о временних і нічтоже сущих печется. Развращенную волю нашу вину2 ісправляйте, де ніколиже хощет хотінію Божію сопротивлятися, но тіми да удовляєтся, в сих безмятежно і безпечально да пребиваєт, яже суть Богу угодна і пріятна, человіку же спасительна і полезна. Память істрезвляйте, да та непристанно представляєт їмже Бога і Єго благоутробіє раздражи, і оная, яже всякаго человіка, кромі всякаго сомнінія, по временній сей жизні ожидают. К сим же і отечества вашего не забивайте, но в мирном устроєнії пребивати ему у престола величества Божія непрестанно ходатайствуйте. Страну нашу, власті, воїнство і вся люди мирних і безпечальних сохраніте, і от всякаго злаго обстоянія вскорі ізбавіте. Єгда же приспієт наше от временнаго сего житія отшествіє і к вічності преселеніє, сице нам в помощ предстаніте і от насилій вражіїх свободіте, якоже предстасте іногда Еразму монаху, в тяжком смертном бідствії обрітавшемуся, і сице сердца наша к істинному покаянію і жалінію о гріхах подвигніте, якоже і онаго сердце подвигосте, іже в істинном покаянії от здішних к Богу отиде, да і ми в чистім совісті нашей свидітельстві, Пресвятій і Нераздільній представше Тройці, прославляєм Ю купно с вами і всіми святими в безконечния віки. Амінь.

    Молитва св. Великомученику Георгію Побідоносцю

    (23 квітня)

    О всехвальний, святий великомучениче і чудотворче Георгіє! Призри на ни скорою твоєю помощію і умоли человіколюбца Бога, да не осудит нас грішних по беззаконіям нашим, но да сотворйт с нами по велицій Своєй милості. Не презри моленія нашего, но іспроси нам у Христа Бога нашего тихоє і богоугодноє житіє, здравіє же душевноє і тілесноє, землі плодородіє і во всім ізобиліє, да не во зло обратим благая, даруємая нам тобою от Всещедраго Бога, но во славу святаго імене Єго і в прославленіє кріпкаго твоєго заступленія, да подаст Он православним мир і благословеніє. Ізрядніє же да оградит нас святих ангел Своїх ополченієм, зо єже ізбавитися нам, по ісході нашем із житія сего, от козней лукаваго і тяжких воздуціних митарств его, і неосужденним предстати престолу Господа слави. Услиши нас, страстотерпче Христов Георгіє, і моли за ни непрестанно триіпостаснаго Владику всіх Бога, да благодатію Єго і человіколюбієм, твоєю же помощію і заступлініем, обрящем милость со ангели і архангели і всіми святими одесную правосуднаго Судії стати, і Того вину славити со Отцем і Святим Духом, нині і присно і во віки віков. Амінь.

    Молитва свв. рівноапостольним Кирилу і Мефодію первоучителям слов’янським

    (11 травня)

    О преславнії язик словенских учителіє і просвітителіє, святії равноапостольнії Мефодіє і Кириле! К вам, яко чада ко отцем світом ученій і письмен ваших просвіщенії і в вірі Христовой наставленії, нині усердно прибігаєм і в сокрушенії сердец наших молимся. Аще бо і завіт ваших, яко чада непокоривая, не соблюдохом і о угожденії Богу, якоже учисте, небрегохом, і от єдиномислія і любве, юже Словеном, яко братіям в вірі і по плоті, добре завіщасте, отпадохом: обаче, якоже древле в житії вашем неблагодарних і недостойних не отвращасте тщи, но благими за злая воздавасте, тако і нині грішних і недостойних чад ваших молитви не отвратіте, но яко веліє імуще дерзновеніє ко Господу, приліжно Того моліте, да наставит і обратит нас на путь спасенія, распрі же і раздори, посреді єдиновірних братій возникающая, да умирит, отпадшия паки во єдиномисліє приведет і всіх нас єдиненієм духа і любве во єдиній, святій, соборній і апостольскій Церкві соєдинит. Віми бо, віми, яко много может молитва праведнича ко благосердію Владики, аще і о грішних людех приносима биваєт. Не оставіте убо нас, унилих і недостойних чад ваших, їхже гріх ради паства ваша, вами собранная, враждою разділяємая і соблазни от іновірних прельщаємая, умалися, овци же єя словесния, разсіяваєми от волков мисленних, восхищаются. Дадіте нам молитвами вашими о православії ревность, да єю возгріваєми, отеческая преданія добре сохраним, устави і обичаї церковния вірно соблюдати потщимся, всяких лжеученій странних отбіжим, і, тако в житії богоугоднім на землі преуспівающе, жизні райскія на небесі сподобимся, і тамо с вами вкупі Владику всіх, в Тройці Єдинаго Бога, прославим во віки віков. Амінь.

    Молитва преподобному отцю нашему Онуфрію Великому

    (12 червня)

    О, пречудне і преблаженне угодниче Христов і авво наш Онуфріє великий! Ти дивную любов ко Господу твоєму показал єси, і на дивния подвиги благодатію Єго укріпился єси, і сего ради велія дерзновенія к Нему сподобился єси; многа бо чудеса і знаменія сили Божія людем о Тебі явишася. Воззри убо і нині, отче предивний, благосердним оком любве твоєя на нас недостойних рабов і даруй всім по коєгождо потребі, по вірі же і упованію: скорбящия обрадуй, плачущия утіши, недугуюшия ісціли, труждающимся помози, борющияся со страстьми і прилоги вражіїми укріпи і благослови, ізнемогающия поддержи і всіх нас от враг видимих і невидимих і от всякаго зла сохрани! Возвеличи віру святую Православную во отечествії нашем, обрати заблудшія, вразуми отпадшия, утверди колеблющияся, умягчи упорствующия, просвіти невірния і вся приведи в тихоє пристанище отечествія небеснаго! О, предивная славо монашествующих і всіх вірних утішеніє! Славними подвигами твоїми і сладким лицезрінієм образа твоего і нас озари, і на всяк подвиг, труд і терпініє укріпи во славу імені Божія, да спасеннії сподобимся с тобою і всіми святими вічнаго і преблагословеннаго царства слави Отца і Сина і Святаго Духа во віки віков. Амінь.

    Молитва блаженній великій княгині Ользі

    (11 липня)

    О, блаженная великая княгине Ольго, первоугоднице россійская, теплая о нас пред Богом ходатаїце і молитвеннице! К Тебі прибігаєм с вірою і молимся с любовію: буди нам во всем ко благу помощница і споспішница і якоже во временній жизні тщалася єси просвітити праотци наша світом святия віри і наставити я творити волю Господню, тако і нині, в небесній пребивая світлості, благоприятними твоїми к Богу молитвами, вспомоществуй нам в просвіщенії ума і сердца нашего світом Євангелія Христова, да преуспіваем в вірі, благочестії і любві Христові. В нищеті і скорби сущия утіши, бідствующим подаждь руку помощи, обидимия і напаствуємия заступи, заблуждшия от правия віри і єресьми осліпленния вразуми, і іспроси нам у всешедраго Бога вся благая і полезная жизні временній і вічній, да тако благоугодно зді поживше, сподобимся наслідія благ вічних в безконечном Царствії Христа Бога нашего, Ему же со Отцем і Святим Духом подобаєт всякая слава, честь і поклоненіє всегда, нині і присно і во віки віков. Амінь.

    Молитва св. великому князю Володимиру

    (15 липня)

    Святий рівноапостольний князь Володимир О, великий і преславний угодниче Божий, богоізбранний і богопрославленний, равноапостольний княже Владимире, святоє і великодійственноє орудіє всеблагаго Промисла о спасенії народа нашего. Ти отринул єси зловіріє і нечестіє язическоє, увіровал єси во Єдинаго Істиннаго Триіпостаснаго Бога, і, восприняв святоє крещеніє, просвітил єси світом божественния віри і благочестія страну нашу. Славяще убо і благодаряще премилосердаго Творца і Сласителя нашего, славим, благодарим тя, великий пастирю і отче наш, яко тобою познахом спасительную віру Христову і крестихомся во імя Пресвятия і Пребожественния Тройци: тоюже вірою ізбавихомся от праведнаго осужденія Божія, вічнаго рабства діаволя і адова мучительства; тою вірою воспріяхом благодать всиновленія Богу і надежду наслідовання небеснаго блаженства.

    Ти єси первійший наш вождь к Начальнику і Совершителю нашего вічнаго спасенія, Господу Ісусу Христу: ти єси ближайший предстоятель пред престолом Царя царствующих і теплий молитвенник і ходатай о страні нашей і о всіх людех: ти єси первійший виновник благословеній і милостей Божих, почивающих на нас. І что єше речем? Не может язик наш ізобразити величіє і висоту благодіяній твоїх, ізліянних на нас недостойних.

    О, всеблагій отче і просвітителю наш! Милостив буди к нашим немошем, долготерпелив ко гріхам і неправдам нашим: умоли Премилосерднаго Царя Небеснаго, да не прогніваєтся на ни зіло і не погубит нас со беззаконьми нашими, но да помилуєт і спасет нас, імиже вість судьбами; да всадит в сердце наше спасительний страх Свой, да просвітит Своєю благодатію ум наш, во єже узріти нам бездну погибелі, в нюже стремимся, оставити стези нечестія і заблужденія, обратитися же на путь спасенія і істини, неуклонно ісполняти заповіді Божії і устави святия Церкве Православния. Моли, благосерде, человіколюбца Бога, да явит нам великую милость Свою; да ізбавит нас от нашествія іноплеменников, от глада, смертоносних болізней і от всякаго зла; да подаст нам благораствореніє воздуха і плодоносіє землі; да сохранит і спасет нашу страну от всіх козней і навітов вражіїх; да даруєт єй побіду над врагами, да ісполнит вся благая желанія єя; да оградит нас мудрими і вірними діятелями, да сохранит в судящих і начальствующих правду і милость: да даст духовним пастирем непорочность житія і ревность о спасенії пасомих, всім же людем усердіє в трудах своїх, взаїмную любов і єдиномисліє, стремленіє ко благу страни нашея і святия Православния Церкве; да распространит світ спасительния віри в страні нашей во всіх концех єя: да обратит к православію невірующих; да упразднит вся єресі і расколи; да тако поживше в мирі на землі, сподобимся с тобою вічнаго блаженства, хваляще і превозносяще Бога во віки віков. Амінь.

    Молитва преподобному Серафиму Саровському, чудотворцю

    (19 липня)

    Преподобний Серафим Саровський
    1. О, пречудний отче Серафиме, великий Саровскій чудотворче, всім прибігающим к тебі скоропослушний помощниче! Во дні земнаго житія твоєго ніктоже от тебе тощ і Неутішен отиде, но всім в сладость бисть видініє лика твоєго і благоувітливий глас словес твоїх. К сим же і дар ісціленій, дар прозрінія, дар немощних душ врачеванія, обилен в тобі явися. Єгда же призва тя Бог от земних трудов к небесному упокоєнію, ніколиже любов твоя преста от нас, і невозможно єсть ісчислити чудеса твоя умножившаяся, яко звізди небесния: се бо по всім концем землі нашея людем Божіїм являєшися і даруєши їм ісціленія. Тімже і ми вопієм ти: о претихий і кроткий угодниче Божий, дерзновенний к Нему молитвенниче, ніколиже призивающия тя отринаяй, вознеси о нас благомощную твою молитву ко, Господу сил да укріпит страну нашу, да даруєт нам вся благопотребная в жизні сей і вся к душевному спасенію полезная, да оградит нас от паленій гріховних і істинному покаянію научит нас, во єже безпреткновенно внити нам в вічноє Небесноє Царство, ідіже ти нині в незаходимій сіяєши славі, тамо воспівати со всіми святими Живоначальную Тройцу до скончанія віка. Амінь.

    2. О, великий угодниче Божий, преподобне і богоносне отче наш Серафиме! Призри от горнія слави на нас, смиренних і немощних, обремененних гріхми многими, твоєя помощі і утішенія просящих. Приникни к нам благосердієм твоїм і помози нам заповіді Господні непорочно сохраняти, віру православную кріпко содержати, покаяніє во грісіх наших усердно Богу приносити, во благочестії христіанстім благодатно преуспівати і достойни бити і твоєго о нас молитвеннаго к Богу предстательства. Єй, святче Божий, услиши нас, молящихся тебі с вірою і любовію, і не призри нас, требующих твоєго заступленій: нині і в час кончини нашея помози нам і заступи нас молитвами твоїми от злобних навітов діавольских, да не обладаєт нами тіх сила, но да сподобимся помощію твоєю наслідовати блаженство обителі райскія. На тя бо упованіє наше нині возлагаєм, отче благосердий: буди нам воістину ко спасенію путевождь і приведи нас к невечернему світу жизні вічния благоприятним предстательством твоїм у престола Пресвятая Тройци, да славим і поєм со всіми святими достопокланяємоє імя Отца і Сина і Святаго Духа во віки віков. Амінь.

    Молитва св. Великомученику і Цілителю Пантелеймону

    (27 липня)

    1. О великий угодниче Христов, страстотерпче і врачу многомилостивий Пантелеімоне! Умилосердися надо мною, грішним рабом, услиши стенаніє і вопль мой, умилостиви небеснаго, верховнаго Врача душ і тілес наших, Христа Бога нашего, да даруєт ми ісціленіє от недуга, мя гнітущаго. Приіми недостойноє моленіє грішнійшаго паче всіх человік. Посіти мя благодатним посіщенієм. Не возгнушайся гріховних язв моїх, помажи їх єлеєм милості твоєя і ісціли мя: да здрав сий душею і тілом, остаток дній моїх, благодатію Божією, возмогу провести в покаянії і угожденії Богу і сподоблюся восприяти благий конец житія моєго. Єй, угодниче Божий! умоли Христа Бога, да предстательством твоїм даруєт здравіє тілу моєму і спасеніє душі моєй. Амінь.

    2. О, преславний мучениче і добрий воіне Небеснаго Царя Пантелеімоне преблаженне, милостиваго Бога преізрядний подражателю, іже Христа на землі дерзновенно ісповідав і многообразния за Него муки претерпів, неувядаємий приял єси вінец на небесі, ідіже вічнаго наслаждаєшися блаженства і со дерзновенієм престолу трисолнечнаго Божества предстоіши! К твоєму христоподражательному состраданію по Бозі прибігаєм всі ми грішнії і всеусердно молим тя, теплаго заступника і предстателя нашего: не престай призирати на нас, сущих в нуждех і скорбних обстояніях, і твоєю молитвенною помощію і цільбоподательною силою ізбавляй нас присно от лютих зол, всегубительства і всякія іния біди і болізні. Ти бо приял єси, святе, неоскудную благодать ісціленій от Спаса нашего Ісуса Христа за твердую к Нему віру, твоїм непорочним житієм запечатлінную, мученічеством же і многобідною твоєю кончиною, увінчанную в нейже по данній ті благодаті і от Христа Пантелеімоном, милості тезоіменитим, наіменован бил єси. Сего ради, відуще тя милостиваго ко всім помощника і цілителя, с вірою взиваєм к тебі; твоїм богоприятним ходатайством подавай нам вся благопотребная в житії сем і нужная к вічному спасенію. Мученическим же дерзновенієм твоїм умоли милостиваго Бога, да помилуєт нас, грішних і недостойних, по велицій милості Своєй, да ізбавит от труса, потопа, огня, меча і всякаго праведнаго гніва і прещенія благовременно подвизая нас к очистительному і умилостивительному во грісіх наших покаянію, ради множества щедрот Своїх, да подаст всім нам безбідноє, тихоє і богоугодноє житіє, і всіх нас от враг видимих і невидимих да сохранит благодатію Своєю і непобідимим ополченієм ангел Своїх, імиже ограждаєми і наставляєми да поживем в віці сем в покаянії, чистоті і в творенії богоугодних діл: да сподобимся твоїм теплим предстательством христіанскую кончину улучити безболізненну, мирну, непостидну, ізбавитися от козней воздушних князей тьми і от вічния муки, і бити наслідниками безконечнаго, всеблаженнаго царствія. Єй, угодниче Божий! не престай молитися за ни грішния, да твоїм ходатайством от временних і вічних бід ізбавлені, величаєм тебе, заступника нашего і молитвенника, і вічно прославляєм общаго Владику і Господа нашего Ісуса Христа, Ємуже подобаєт всякая слава, честь і поклоненіє со Безначальним Єго Отцем і Пресвятим Духом, нині і присно і во віки віков. Амінь.

    Молитва св. Мученику Іоанну Воїну

    (30 липня)

    О, преславний угодниче Христов, Іоанне Воїне! Храбрий бил єси во браніх, врагом прогонитель і обидимим заступник, нині же і всім православним христіаном, скорий помощник являєшися.

    Помяни нас, грішних і недостойних, і заступи нас в бідах і в скорбіх, і в печаліх, і во всякой злой напасті, і от всякаго злаго і обидящаго человіка, защити нас. Тебі бо дана бисть таковая благодать от Бога, єже молитися за ни грішния, в бідах і напастіх злі страждущия. Ізбави убо нас от обидящих і ненавидящих нас, буди нам поборник кріпок на вся видимия і невидимия враги наша. Страні нашей на враги побіду даруй во брані воїнство єя укріпляя; яко да твоєю помощію і кріпким предстательством і поборством посрамятся всі являющії нам злая. О, великий поборниче, Іоанне Воїне! Не забуди нас грішних, молящихся тебі, і твоєя помощі і неоскудния милості просящих, і сподоби нас, грішних і недостойних, неізреченная благая от Бога получити. Яко Тому подобаєт всякая слава, честь і поклоненіє Отцу і Сину і Святому Духу, нині і присно і во віки віков. Амінь.

    Молитва преподобному отцу нашему Іову, Почаївському Чудотворцю

    (28 серпня)

    О, преподобне отче Іове, іноков трудолюбного житія богомудрий наставниче, кротості і воздержанія, чисоти і ціломудрія, терпінія і бдінія от раннея юності до позднея старості неутомимий подвижниче, віри православния великий ревнителю і непреоборимий поборниче, землі Волинскія і Галицкія світило богосвітлоє і святия Почаєвскія обителі непобідимий защитниче! Призри оком благоутробія твоєго на нас недостойних чад твоїх, к тебі усердно по вся дні прибігающих і на боголюбивия люди твоя, благоговійно к тебі припадающия, і іспроси предстательством твоїм ко Всевишнему Владиці нам вся, яже к животу і благочестію полезная і благопотребная: болящия ісціли, малодушния ободри, скорбящия утіши, обидимия заступи, немощния подкріпи і поверженния долу возстави, всім вся, благодатію тебі от Бога данною, даруй по коегождо нужді і потребі, во спасеніе душі і во здравіє тілу. Вознеси, угодниче Божий, всемощную молитву твою, да будет в страні нашей мир і тишина, благочестіе і благоденствіе, в судах правда і милость, в совітіх мудрость і благое преспіяніе, да утверждаєтся же во благих человіціх вірность, в злих страх і боязнь, во вже престати їм от зла і творити добрая, да тако в страні нашей Царство Христово растет і множится і да прославится в нем Бог, дивний во святих Своїх: Ємуже Єдиному подобаєт всякая слава, честь і поклоненіе Отцу і Сину і Святому Духу, нині і присно і во віки віков. Амінь.

    Молитва св. Великомученику Димитрію Солунському

    (26 жовтня)

    Святий і славний великомученице Христов Димитріє, скорий помощниче і теплий заступниче с вірою притекающих к тебі! Предстоя со дерзновеніем Небесному Царю, іспроси у Него прощеніе согрішеній наших, і о єже ізбавитися нам от всегубительния язви, труса, потопа, огня, меча і вічния казні. Моли благость Єго, еже ущедрити град сей, храм сей і всякую страну христіанскую. Ісходатайствуй у Царя Небесного всій страні нашей мир, тишину, твердость в вірі і преспіяніе3 во благочестії. Нам же, чтущим честную память твою, іспроси благодатноє укріпленіє на діла благая, да, благоугодноє Владиці нашему Христу Богу зді творяще, сподобимся молитвами твоїми наслідовати Царствіє Небесноє для вічнаго прославленія Єго со Отцем і Святим Духом во віки віков. Амінь.

    Молитва св. Великомучениці Параскеві — П’ятниці

    (28 жовтня)

    Святая невісто Христова, многострадальная мученице Параскево! Віми, яко от юності твоєя ти всею душею твоєю і всім сердцем твоїм возлюбила єси Царя Слави, Христа Спасителя. І Єму єдиному уневістилася єси, раздавши імінія твоя неїмущим і бідним. Ти силою благочестія твоєго, твоїм ціломудрієм і праведністю, яко лучами солнечними, просіяла єси, живши свято среди невірних і безбоязно проповідавши їм Христа Бога. Ти, от дней юності твоєя, наученная твоїми родителями, всегда благоговійно чествовала дні іскупительних страстей Господа нашего Ісуса Христа, Єгоже ради і сама добровольно пострадала єси. Ти, десницею ангела Божія от неісцільних ран дивно ісціленная і воспріявшая неізреченную світлость, ізумила єси невірних мучителей. Ти іменем Господа нашего Ісуса Христа і силою молитви твоєя в капищі язическом всіх ідолов долу повергти, в прах сокрушила єси я. Ти, опаляємая свіщами, єдиною молитвою твоєю ко всесильному Господу угасила єси огнь єстественний, і тім же пламенем, чудесно возженним чрез ангела Божія, попаливши неістових беззаконников, мног народ привела єси к познанію істиннаго Бога. Ти, во славу Господа, пріявши мечноє глави твоєя усіченіє от мучителей, доблественно скончала єси страдальческий твой подвиг, восшедши душею твоєю на небеса в чертог вожделіннаго твоєго Жениха Христа, Царя Слави, радостно срітшаго тя сим небесним гласом «радуйтеся, праведнії, яко мученица Параскева увінчася» Тімже і ми, днесь сошедшеся в храм, посвященний імені твоєму святому, привітствуєм тя, многострадальная, і взирающе на святую твою ікону, со умиленіем вопієм ти, всечестная Параскево: віми, яко веліє імаши дерзновеніє ко Господу, умоли убо Єго Человіколюбца і о нас, предстоящих і молящихся ти, да подаст Он і нам, якоже тебі, терпініє і благодушіє в бідах і скорбних обстояніїх, да даруєт Он, ходатайством твоїм і заступленієм, радостноє, благоденственноє і мирноє житіє, здравіє же і спасеніє і во всем благоє поспішеніє всім, вірою живущим. Страні нашей да ниспослет святое Своє благословеніє і мир, і всім православним христіаном да подаст твоїми святими молитвами утвержденіє в вірі і благочестії, преспіяніє же в христіанской любві: да очистит нас грішних от всякій скверни і порока, | да оградит нас святими Своїми ангелами, да заступит, сохранит і помилуєт всіх Своєю благодатію і соділаєт всіх нас наслідниками і причастниками Небеснаго Своєго Царствія. І тако улучивше спасеніе твоїми святими молитвами, предстательством і заступленієм, всеславная невісто Христова Параскево, прославим всі пресвятоє і великоліпноє імя дивнаго во святих Своїх істиннаго Бога Отца, Сина і Святаго Духа, всегда, нині і присно і во віки віков. Амінь.

    Молитва св. Архістратигу Михаїлу

    (8 листопада)

    Святий і великий Архангеле Божий Михаїле, неісповідимия і пресущественния Тройци первий во ангеліх предстоятелю, рода же человіческаго приставниче і хранителю, сокрушивий с воїнстви своїми главу прегордаго денниці на небесі і посрамляяй вину4 злобу і коварства єго на землі! К тебі прибігаєм с вірою і тебі молимся с любовію, буди щит несокрушим і забрало твердо Святій Церкві і отечеству нашему, ограждая їх молнієносним мечем твоїм от всіх враг видимих і невидимих. Буди ангел хранитель, премудр совітодатель і споспішник людем, ізнося от престола Царя і Бога нашего просвіщеніє і силу, радость, мир і утішеніє. Буди вождь і соратай непобідим воїнству нашему, вінчай єго славою і побідами над супостати, да познают всі проти вящії нам, яко с нами Бог і святії ангели Єго. Не остави же, о Архангеле Божий, помощію і заступленієм твоїм і нас, прославляющих днесь святоє імя твоє: се бо аще і многогрішні єсми, обаче не хощем в беззаконні наших погибнути, но єже обратитися ко Господу і оживленним бити от Него на діла благая. Озари ум наш світом Божіїм, іже вину сіяєт на молнієвиднім челі твоєм, да возможем разуміти, что єсть воля Божія о нас благая і совершенная, і відіти вся, яже подобаєт нам творити і яже презирати і оставляти. Укріпи благодатію Господнею слабую волю і немощноє проізволеніє наше, да утвердившеся в законі Господнем, престанем прочеє влаятися5 земними помисли і похотьми плоті, і ради тліннаго і земнаго безумно забивати вічная і небесная. Над всіми же сими іспроси нам свише дух істиннаго покаянія, нелицемірную печаль по Бозі і сокрушеніє о грісіх наших, да остаюшеє нам число дней временнаго живота нашего іждивем не во угожденії чувств і работі страстем нашим, но во ізглажденії зол, содіянних нами, совершим, слезами віри і сокрушенія сердечнаго, подвигами чистоти і святими ділами милосердія. Єгда же приблизится час скончанія нашего і освобожденія от уз бреннаго сего тілесе, не остави нас, Архангеле Божий, беззащитних противу духов злоби поднебесних обикших преграждати душі человічестій восход в горняя; да, охраняєми тобою, безпреткновенно достигнем оних преславних селеній райских, ідіже ність печаль, ні воздиханіє, но жизнь безконечная, і сподобльшеся узріти пресвітлоє лице всеблагаго Господа і Владики нашего, і Тому воздати Славу со Отцем і Святим духом во віки віков. Амінь.

    Молитви богослужбові з утрені Шестипсалміє

    Слава в вишних Богу, і на землі мир, в человіціх благоволеніе (тричі).

    Господи, устні мої отверзеши, і уста моя возвістят хвалу Твою (двічі). Господи, что ся умножиша стужающиі ми, мнозі возстають на мя, мнозі глаголють душі моїй: ність спасенія єму в Бозі єго.

    Ти же, Господи, заступник мой єси, слава моя, і возносяй главу мою.

    Гласом моїм ко Господу воззвах, і услиша мя от гори святия Своєя.

    Аз уснух і спах, востах, яко Господь заступит мя.

    Не убоюся от тем1 людей, окрест нападающих на мя. Воскресни, Господи, спаси мя, Боже мой.

    Яко Ти поразил єси вся враждующия ми всує, зуби грішников сокрушил єси.

    Господнє єсть спасеніє, і на людей Твоїх благословеніє Твоє. Аз уснух і спах, востах, яко Господь заступит мя.

    Псалом 37

    Господи, да не яростію Твоєю обличиши мене, ніже гнівом Твоїм накажеши мене,

    Яко стріли Твоя унзоша во мні, і утвердил єси на мні руку Твою.

    Ність ісціленія в плоті моєй от лица гніва Твоєго, ність мира в костех моїх от лица гріх моїх.

    Яко беззаконія моя превзидоща главу мою, яко бремя тяжкоє отяготіша на мні.

    Возсмердиша і согніша рани моя от лица безумія моєго.

    Пострадах і слякохся2 до конца, весь день сітуя хождах.

    Яко лядвія3 моя наполнишася поруганій, і ність ісціленія в плоті моєй.

    Озлоблен бих і смирихся до зіла, риках от воздиханія сердца моєго.

    Господи, пред Тобою все желаніє моє і воздиханіє моє от Тебе не утаїся.

    Сердце моє смятеся, остави мя сила моя і світ очію моєю, і той ність со мною.

    Друзі мої і іскреннії мої прямо мні приближишася і сташа.

    І ближнії мої отдалече мене сташа, і нуждахуся іщущії душу мою.

    І іщущії злая мні глаголаху суєтная і льстивим весь день поучахуся.

    Аз же яко глух не слишах, і яко нім не отверзаяй уст своїх.

    І бих яко человік не слишай, і не імий во устіх своїх обличенія.

    Яко на Тя, Господи, уповах. Ти услишиши, Господи, Боже мой.

    Яко ріх: да не когда порадуютмися врази мої, і всегда подвижатися ногам моїм, на мя велерічеваша.

    Яко аз на рани готов, і болізнь моя предо мною єсть вину.

    Яко беззаконіє моє аз возвіщу, і попекуся о грісі моєм.

    Врази же мої живут і укріпишася паче мене, і умножишася ненавидящії мя без правди.

    Воздающії ми злая возблагая оболгаху мя, зане гонях благостиню.

    Не остави мене. Господи, Боже мой, не отступи от мене.

    Вонми в помощ мою, Господи спасенія моєго.

    Не остави мене, Господи, Боже мой, не отступи от мене.

    Вонми в помощ мою, Господи спасенія моєго.

    Псалом 62

    Боже, Боже мой, к Тебі утренюю.

    Возжада Тебе душа моя, коль множицею Тебі плоть моя.

    В землі пусті, і непроходні, і безводні: тако во святім явихся Тебі видіти силу Твою і славу Твою.

    Яко лучши милость Твоя паче живот, устні мої похвалиті Тя.

    Тако благословлю Тя в животі моєм, о імені Твоєм воздіжу руці мої.

    Яко от тука і масті да ісполнится душа моя, і устнама радості восхвалят Тя уста моя.

    Аще поминах Тя на постелі моєй, на утренних поучахся в Тя, яко бил єси помощник мой.

    І в крові крилу Твоєю возрадуюся, прильпе душа моя по Тебі, мене же прият десница Твоя.

    Тії же всує іскаша душу мою, внидут в преісподняя землі предадятся в руки оружія, часті лисовом4 будут.

    Цар же возвеселится о Бозі, похвалится всяк кленийся їм, яко заградишася уста глаголющих неправедная.

    На утренних поучахся в Тя, яко бил єси помощник мой, і в крові крилу Твоєю возрадуюся.

    Прильпе душа моя по Тебі: мене же прият десница Твоя.

    Слава: і нині: Аллилуя, аллилуя, аллилуя, слава Тебі, Боже (тричі, без поклонів). Господи, помилуй (тричі). Слава: і нині:

    Псалом 87

    Господи, Боже спасенія моєго, во дні воззвах і в ноші пред Тобою.

    Да внидет пред Тя молитва моя, приклони ухо Твоє к моленію моєму.

    Яко ісполнися зол душа моя, і живот мой аду приближися.

    Привмінен бих с низходящими в ров; бих яко человік без помощі, в мертвих свободь.

    Яко язвеннії спящії во гробі, їхже не помянул єси ктому, і тії от руки Твоєя отриновені биша.

    Положиша мя в рові преісподнім, в темних і сіни смертній.

    На мні утвердися ярость Твоя, і вся волни Твоя навел єси на мя.

    Удалил єси знаємих моїх от мене, положиша мя мерзость себі.

    Предан бих і не ісхождах, очі мої ізнемогості от нищети.

    Воззвах к Тебі, Господи, весь день, воздіх к Тебі руці мої.

    Єда мертвими твориши чудеса? Іли врачеве воскресят і ісповідятся Тебі?

    Єда повість кто во гробі милость Твою? І істину Твою в погибелі?

    Єда познана будут во тьмі чудеса Твоя, і правда Твоя в землі забвенній?

    І аз к Тебі, Господи, воззвах, і утро молитва моя предварит Тя.

    Вскую, Господи, отрієши душу мою, отвращаєши лице Твою от мене?

    Нищ єсм аз, і в трудіх от юності моєя вознесжеся, смирихся і ізнемогох.

    На мні преідоша гніви Твої, устрашенія Твоя возмутиша мя.

    Обидоша мя яко вода весь день, одержаша мя вкупі.

    Удалил еси от мене друга і іскренняго, і знаємих моїх от страстей.

    Господи, Боже спасенія моєго, во дні воззвах і в нощі пред Тобою. Да внидет пред Тя молитва моя, приклони ухо Твоє к моленію моєму.

    Псалом 102

    Благослови, душе моя, Господа, і вся внутренняя моя, імя святоє Єго.

    Благослови, душе моя, Господа, і не забивай всіх воздаяній Єго.

    Очищаюшаго вся беззаконія твоя, ісціляющаго вся недуги твоя.

    Ізбавляющаго от істлінія живот твой, вінчающаго тя милостію і щедротами.

    Ісполняющаго во благих желаніє твоє: обновится яко орля юность твоя.

    Творяй милостині Господь, і судьбу всім обидимим.

    Сказа путі Своя Мойсеові, синовом Ізраїлевим хотінія Своя.

    Щедр і милостив Господь, долготерпелив і многомилостив.

    Не до конца прогнівається, ніже во вік враждуєт.

    Не по беззаконієм нашим сотворил єсть нам, ніже по гріхом нашим воздал єсть нам.

    Яко по висоті небесній, от землі, утвердил єсть Господь милость Свою на боящихся Єго.

    Єлико отстоят востоци от запад, удалил єсть от нас беззаконія наша.

    Якоже щедрит отец сини, ущедри Господь боящихся Єго.

    Яко Той позна созданіє наше, помяну яко персть єсми. Человік, яко трава, дніє єго, яко цвіт сельний, тако отцвітет.

    Яко дух пройде в нем, і не будет, і не познаєт ктому міста своєго.

    Милость же Господня от віка і до віка на боящихся Єго.

    І правда Єго на синіх синов, хранящих завіт Єго і помнящих заповіді Єго, творити я.

    Господь на небесі уготова престол Свой, і царство Єго всіми обладаєт.

    Благословіте Господа, всі Ангели Єго, сильнії кріпостію, творящії слово Єго, услишати глас словес Єго.

    Благословіте Господа, вся сили Єго: слуги Єго, творящії волю Єго.

    Благословіте Господа, вся діла Єго. На всяком місті владичествія Єго благослови, душе моя, Господа.

    На всяком місті владичествія Єго благослови, душе моя, Господа.

    Псалом 142

    Господи, услиши молитву мою, внуши моленіє моє во істині Твоєй, услиши мя в правді Твоєй.

    І не вниди в суд с рабом Твоїм, яко не оправдится пред Тобою всяк живий.

    Яко погна враг душу мою, смирил єсть в землю живот мой.

    Посадил мя єсть в темных, яко мертвия віка: і уни во мні дух мой, во мні смятеся сердце моє.

    Помянух дні древнія, поучихся во всіх діліх Твоїх, в твореніїх руку Твоєю поучахся.

    Воздіх к Тебі руці мої, душа моя яко земля безводная Тебі.

    Скоро услиши мя, Господи: ісчезе дух мой.

    Не отврати лица Твоєго от мене, і уподоблюся низходящим в ров.

    Слишану сотвори мні заутра милость Твою, яко на Тя уповах.

    Скажи мні, Господи, путь в оньже пойду, яко к Тебі взях душу мою.

    Ізми мя от враг моїх, Господи, к Тебі прибігох, научи мя творити волю Твою, яко Ти єси Бог мой.

    Дух Твой благий наставит мя на землю праву; імене Твоєго ради, Господи, живиши мя правдою Твоєю.

    Ізведеши от печалі душу мою і милостію Твоєю потребиши враги моя.

    І погубити вся стужающія душі моєй, яко аз раб Твой єсм.

    Услиши мя, Господи, в правді Твоєй, і не вниди в суд с рабом Твоїм.

    Дух Твой благий наставит мя на землю праву.

    Слава: і нині:

    Аллилуя, аллилуя, аллилуя, слава Тебі, Боже (тричі, з поклонами).

    Полієлей

    Хваліте ім’я Господнє, хваліте раби Господа. Аллилуя (тричі).

    Стоящії в храмі Господні, в дворіх дому Бога нашего. Аллилуя (тричі).

    Господи, імя Твоє во вік, і память Твоя в род і род. Аллилуя (тричі).

    Благословен Господь от Сіона, живий в Єрусалимі. Аллилуя (тричі).

    Ісповідайтеся Господеві, яко благ, яко в вік милость Єго. Аллилуя (тричі).

    Утвердившему землю на водах (аллилуя), яко во вік милость Єго. Аллилуя (тричі).

    Рукою кріпкою і мишцею високою (аллилуя), яко во вік милость Єго. Аллилуя (тричі).

    Ісповідайтеся Богу небесному (аллилуя), яко во вік милость Єго. Аллилуя (тричі).

    Воскресні тропарі

    Благословен єси, Господи, научи мя оправданієм Твоїм.

    Ангельский собор удивися, зря Тебе в мертвих вмінившася, смертную же, Спасе, кріпость разоривша, і с Собою Адама воздвигша, і от ада вся свободша. Благословен єси, Господи: Почто мира с милостивими слезами, о ученици, растворяєте? Блистаяйся во гробі Ангел Мироносицам віщаше: видите ви гроб, і уразумійте: Спас бо воскресе от гроба. Благословен єси, Господи: Зіло рано Мироносици течаху ко гробу Твоєму ридающия, но предста к ним Ангел і рече: риданія время преста, не плачіте, воскресеніє же Апостолом рціте. Благословен єси, Господи:

    Мироносици жени с мири пришедшия ко гробу Твоєму, Спасе, ридаху, Ангел же к ним рече, глаголя: что с мертвими живаго помишляєте? яко Бог бо воскресе от гроба.

    Слава:

    Поклонімся Отцу і Єго Синові і Святому Духу, Святій Тройці во єдином существі, с Серафими зовуще: Свят, Свят, Свят єси, Господи.

    І нині:

    Жизнодавца рождши, гріха, Діво, Адама ізбавила єси, радость же вві в печалі місто подала єси, падшия же от жизні к сей направи із Тебе воплотивийся Бог і Человік.
    Аллилуя, аллилуя, аллилуя, слава Тебі, Боже (тричі).

    Антифони святкові

    От юності моєя мнози борют мя страсті, но Сам мя заступи і спаси, Спасе мой.

    Ненавидящії Сіона, посрамітеся от Господа, яко трава бо огнем будете ізсохше.

    Слава:

    Святим Духом всяка душа живится і чистотою возвишаєтся, світлієтся Тройческим єдинством священнотайні.

    Святим Духом точатся благодатния струї, напаяющії всяку твар ко оживленію.

    Воскресна пісня по Євангелії

    Воскресеніе Христово видівше, поклонімся святому Господу Ісусу, єдиному безгрішному. Кресту Твоєму покланяємся, Христе, і святоє воскресеніє Твоє поєм і славим. Ти бо єси Бог наш, разві Тебе іного не знаєм, імя Твоє іменуем. Приідіте, всі вірнії, поклонімся святому Христову воскресенію: се бо приіде Крестом радость всему міру. Всегда благословяще Господа, поем воскресеніє Єго: распятіе бо претерпів, смертію смерть разруши.

    Пісня Пресвятої Богородиці

    (перед 9-ю піснею канону)

    Величит душа Моя Господа, і возрадовася дух Мой о Бозі, Спасі Моєм.

    По кожнім стиху співається: Честнійшую Херувим:

    Яко призрі на смиреніє раби Своєя, се бо от нині ублажат Мя всі роди. Яко сотвори Мні величіє Сильний, і свято імя Єго, і милость Єго в роди родов боящимся Єго.

    Сотвори державу мишцею Своєю, расточи гордия мислію сердца їх.

    Низложи сильния со престол і вознесе смиренния, алчущия ісполни благ і богатящияся отпусти тщи.

    Восприят Ізраїля, отрока Своєго, помянути милості, якоже глагола ко отцем нашим Аврааму і сімені єго даже до віка.

    Пісня до Пресвятої Богородиці

    (перед великим славословієм)

    Преблагословенна єси, Богородице Діво, воплощшим бо ся із Тебе ад плінися, Адам воззвася, клятва потребися, Єва свободися, смерть умертвися, і ми ожихом. Тім воспівающе вопієм: Благословен Христос Бог, благоволивий тако, слава Тебі.

    Славословіє велике

    Слава в вишних Богу, і на землі мир, в человіціх благоволеніє. Хвалим Тя, благословим Тя, кланяємтися, славословим Тя, благодарим Тя великія ради слави Твоєя. Господи, Царю небесний, Боже Отче Вседержителю, Господи, Сине Єдинородний, Ісусе Христе і Святий Душе. Господи Боже,

    Агнче Божий, Сине отечь, вземляй гріх міра, помилуй нас: вземляй гріхи міра, приїми молитву нашу. Сідяй одесную Отца, помилуй нас. Яко Ти єси єдин свят, Ти єси єдин Господь, Ісус Христос, в славу Бога Отца. Амінь.

    На всяк день благословлю Тя і восхвалю імя Твоє во віки і в вік віка.

    Сподоби, Господи, в день сей без гріха сохранитися нам. Благословен єси, Господи, Боже отец наших, і хвально, і прославлено імя Твоє во віки. Амінь.

    Буди, Господи, милость Твоя на нас, якоже уповахом на Тя.

    Благословен єси, Господи, научи мя оправданієм Твоїм (тричі).

    Господи, прибіжище бил єси нам в род і род. Аз ріх: Господи, помилуй мя, ісціли душу мою, яко согріших Тебі. Господи, к Тебі прибігох, научи мя творити волю Твою, яко Ти єси Бог мой, яко у Тебе істочник живота, во світі Твоєм узрим світ.

    Пробави милость Твою відущим Тя. Святий Боже: (тричі). Слава: І нині: Святий Безсмертний, помилуй нас. І знову: Святий Боже: (1 раз).

    Тропарі воскресні

    (після великого славословія)

    Днесь спасеніє міру бисть, поем Воскресшему із гроба і Начальнику жизні нашея: разрушив бо смертію смерть, побіду даде нам і велію милость (1, 3, 5 і 7 гласи).

    Воскрес із гроба, і узи растерзал єси ада, разрушил єси осужденіє смерті, Господи, вся от сітей врага ізбавивий, явивий же Себе Апостолом Твоїм, послал еси я на проповідь, і тіми мир Твой подал єси вселенній, Єдине Многомилостиве (2, 4, 6 і 8 гласи).

    Хвалебна і подячна пісня Божій Матері

    Взбранной Воєводі побідительная, яко ізбавльшеся от злих, благодарственная восписуєм Ти раби Твої, Богородице: но яко імущая державу непобідимую, от всяких нас бід свободи, да зовем Ти: радуйся, Невісто Неневістная!

    Божественна літургія святого Іоанна Златоустого

    Після відправи проскомідіі та кадіння священик, ставши перед святим престолом, хреститься з поклоном тричі і молиться:

    Царю небесний, Утішителю, Душе істини, іже везді сий і вся ісполняяй, Сокровище благих і жизні Подателю, приіди і вселися в ни, і очисти ни от всякія скверни, і спаси, Блаже, душі наша.

    Слава в вишніх Богу, і на землі мир, в человіціх благоволеніе (двічі).

    Господи, устні мої отверзеши, і уста моя возвістят хвалу Твою (1 раз).

    І цілує св. Євангеліє і престол. Тоді, накреслюючи св. Євангелієм хрест над св. антимінсом, проголошує:

    Благословенно царство Отца і Сина і Святаго Духа, нині і присно і во віки віков.

    Люди: Амінь.

    Єктенія мирна

    Священик: Миром Господу помолимся.

    Люди: після кожного прохання співають:

    Господи, помилуй.

    О свишнім мирі і спасенії душ наших, Господу помолимся.

    О мирі всего міра, благостоянії святих Божіїх Церквей і соєдиненїї всіх Господу помолимся.

    О святім храмі сем і с вірою, благоговінієм і страхом Божіїм входящих в онь Господу помолимся.

    О святійшем Отці нашем Патріарсі (ім’я) і о Преосвященнім Митрополиті нашем (ім’я) і о Преосвященнім (Архі) Єпископі нашем (ім’я), честнім пресвітерстві, во Христі діаконстві, о всем притчі і людех Господу помолимся.

    О богохранимій страні нашей, властех і воїнстві єя Господу помолимся.

    О граді сем (весі сей або: о святій обителі сей), всяком граді, страні і вірою живущих в них Господу помолимся.

    О благорастворенії воздухов, о ізобилії плодов земних і временіх мирних Господу помолимся.

    О плавающих, путешествующих, недугующих, страждущих, пліненних і о спасенії їх Господу помолимся.

    Заступи, спаси, помилуй і сохранн нас, Боже, Твоєю благодатію.

    Пресвятую, пречистую, преблагословенную, славную Владичицу нашу Богородицу і Приснодіву Марію, со всіми святими помянувше, самі себе і друг друга і весь живот наш Христу Богу предадім.

    Люди: Тебі, Господи.

    Священик: Яко подобаєт Тебі всякая слава, честь і поклоненіє, Отцу і Сину і Святому Дух у, нині і присно і во віки віков.

    Люди: Амінь.

    Співається перший антифон (з псалма 102)

    Благослови, душе моя, Господа, благословен єси, Господи. Благослови, душе моя, Господа, і вся внутренняя моя, імя святоє Єго. Благослови, душе моя, Господа і не забивай всіх воздаяній Єго: очищающаго вся беззаконія твоя, ісціляющаго вся недуги твоя. Ізбавляющаго от істлінія живот твой, вінчающаго тя милостію і щедротами, ісполняющаго во благих желаніє твоє; обновится, яко орля, юность твоя. Щедр і милостив Господь, долготерпелив і многомилостив. Благослови, душе моя, Господа, і вся внутренняя моя, імя святоє Єго. Благословен єси, Господи.

    (Коли немає ніякого свята, співаються антифони повсякденні)

    Стих 1. Благо єсть ісповідатися Господеві і піти імені Твоєму, Вишній: Молитвами Богородици, Спасе, спаси нас.

    Стих 2. Возвіщати заутра милость Твою і істину Твою на всяку нощ. Молитвами Богородици, Спасе, спаси нас.

    Стих 3. Яко прав Господь Бог наш, і ність неправди в Нем. Молитвами Богородици, Спасе, спаси нас.

    Слава Отцу і Сину і Святому Духу, і нині і присно і во віки віков. Амінь.

    Молитвами Богородици, Спасе, спаси нас.

    Єктенія мала

    Священик: Паки і паки миром Господу помолимся.

    Люди: Господи, помилуй.

    Священик: Заступи, спаси, помилуй і сохрани нас, Боже, Твоєю благодатію.

    Люди: Господи, помилуй.

    Священик: Пресвятую, пречистую, преблагословенную, славную Владичицу нашу Богородицу і Приснодіву Марію со всіми святими поминувше, самі себе і друг друга, і весь живот наш Христу Богу предадім. Люди: Тебі, Господи.

    Священик: Яко Твоя держава і Твоє ЄСТЬ царство, і сила, і слава. Отца і Сина і Святого Духа, нині і присно і во віки віков.

    Люди: Амінь.

    І співається другий антифон (з псалма 145)

    Слава Отцу і Сину і Святому Духу.

    Хвали, душе моя, Господа, восхвалю Господа в животі моєм, пою Богу моєму, дондеже єсм. Не надійтеся на князі, на сини человіческія, в НИХ же НІСТЬ спасенія. Ізидет дух єго, і возвратится в землю свою, В той день погибнут вся помишленія єго. Блажен ємуже Бог Іаковль помощник єго, упованіє єго на Господа Бога своєго. сотворшаго небо і землю, море і вся, яже в них; хранящаго істину в вік, творящаго суд обидимим, дающаго пищу алчущим. Господь рішит окованния, Господь умудряєт сліпці, Господь возводит низверженния. Господь любит праведники. Господь хранит пришельци, сира1 і вдову приімет, і путь грішних погубит. Воцарится Господі, во вік. Бог Твой, Сіоне, в род і род.

    Антифон другий повсякденний

    Стих 1. Господь воцарися, в ліпоту облечеся, облечеся Господь в силу і препоясася.

    Молитвами святих Твоїх, Спасе, спаси нас.

    Стих 2. І бо утверди вселенную, яже не подвижится

    Молитвами святих Твоїх…

    Стих 3. Свидінія Твоя увіришася зіло: дому Твоєму подобаєт святиня, Господи, в долготу дній.

    Молитвами святих Твоїх…

    Слава Отцу і Сину і Святому Духу, і нині і присно і во віки віков. Амінь.

    Єдинородний Сине і Слове Божий, безсмертен сий, і ізволивий, спасенія нашего ради воплотитися от святия Богородици і Приснодіви Марії, непреложно вочеловічивийся, распнийся же, Христе Боже, смертію смерть поправий, Єдин сий святия Тройци, спрославляємий Отцу і Святому Духу, спаси нас.

    Возглас: Священик: Яко Благ і Человіколюбец Бог єси, і Тебі славу возсилаєм, Отцу і Сину і Святому Духу, нині і присно і во віки віков.

    Люди: Амінь.

    І співається третій антифон

    Во Царствії Твоєм помяни нас, Господи, єгда приідеши во Царствії Твоєм.

    Блажені нищії духом, яко тіх єсть Царство Небесноє.

    Блажені плачущиї, яко тії утішатся.

    Блажені кротциї, яко тії наслідят землю. Блажені алчущиї і жаждущиї правди, яко тії наситятся.

    Блажені милостивії, яко тії помиловані будут. ..

    Блажені чистії сердцем, яко тії Бога узрят.

    Блажені миротворци, яко тії синове Божиї нарекутся.

    Блажені ізгнані правди ради, яко тіх єсть Царство Небесное.

    Блажені есте, егда поносят вам і ізженут і рекут всяк зол глагол на ви лжуще Мене ради.

    Радуйтеся і веселітеся, яко мзда ваша многа на небесіх.

    Священик робить малий вхід з Євангелієм, і, прийшовши до царських врат, виголошує:

    Премудрость, прості.

    Люди: Приідіте, поклонімся, і припадем ко Христу.

    Спаси нас, Сине Божий, воскресий із мертвих (або: во святих дивен сий; або: молитвами Богородици), поющія Ти: аллилуя.

    Люди співають тропарі і кондаки

    Священик: Яко свят єси, Боже наш, і Тебі славу возсилаєм, Отцу і Сину і Святому Духу, нині і присно і во віки віков.

    Люди: Амінь.

    Святий Боже, Святий Кріпкий, Святий Безсмертний, помилуй нас (тричі).

    Слава: і нині:

    Святий Безсмертний, помилуй нас. Святий Боже, Святий Кріпкий, Святий Безсмертний, помилуй нас.

    Священик відходить на горне місце і виголошує:

    Вонмем. Мир всім.

    Читець: І духові твоєму.

    Священик: Премудрость.

    Читець: проголошує прокімен і люди співають його.

    Священик: Премудрость.

    Читець: читає заголовок Апостола. Священик: Вонмем.

    Читець: читає Апостола.

    Після Апостола Священик: Мир ти. Читець: І духові твоєму.

    Священик: Премудрость.

    Люди: співають Аллилуя з стихами. Священик: Премудрость, прості, услишим святаго Євангелія. Мир всім. Люди: І духові твоєму.

    Священик: От (ім’я) святаго Євангелія чтеніє.

    Люди: Слава Тебі, Господи, слава Тебі.

    Священик: Вонмем.

    Священик читає Євангеліє.

    Після Євангелія люди співають:

    Слава Тебі, Господи, слава Тебі.

    Єктенія сугуба

    Священик: Рцем всі от всея душі і от всего помишленія нашего рцем.

    Люди: Господи, помилуй.

    Священик: Господи Вседержителю, Боже отец наших, молимтися, услиши і помилуй.

    Люди: Господи, помилуй.

    Священик: Помилуй нас, Боже, по велицій милості Твоєй, молимтися, услиши і помилуй.

    Люди: (після кожного прохання)

    Господи, помилуй (тричі).

    Священик: Єще молимся о святійшем Отці нашем Патріарсі Кир (ім’я) і о Високопреосвященнійшем Митрополиті нашем Кир (ім’я) і Преосвященнійшем (Архі) Єпископі нашем Кир (ім’я) і всей во Христі братії нашей.

    Священик: Єще молимся о богохранимій страні нашей, властіх і воїнстві єя, да тихоє і мирноє житіє поживем во всяком благочестії і чистоті.

    Священик. Єще молимся о братїях наших, священниціх, священномонасіх і всем во Христі братстві нашем.

    Священик: Єще молимся о блаженних і приснопамятних святійших Патріарсіх православних, і создателех святаго храма сего, і всіх преждепочивших отціх і братіях, зді лежащих і повсюду, православних.

    (Тут додаються й інші прохання)

    Священик: Єще молимся о плодоносящих і добродіющих во святім і всечестнім храмі сем, труждающихся, поющих і предстояших людех, ожидающих от Тебе великія і богатия милості.

    Священик: Яко милостив і человіколюбец Бог єси, і Тебі славу возсилаєм, Отцу і Сину і Святому Духу, нині і присно і во віки віков.

    Люди: Амінь.

    Єктенія за оглашенних

    Священик: Помолітеся, оглашеннії, Господеві.

    Люди: (після кожного прохання)

    Господи, помилуй.

    Священик: Вірнії, о оглашенних помолимся, да Господь помилуєт їх. Священик: Огласит їх словом істини

    Священик: Откриєт їм Євангеліє правди.

    Священик: Соєдинит їх святій Своєй соборній і апостольскій Церкві.

    Священик: Спаси, помилуй, заступи і сохрани їх, Боже, Твоєю благодатію.

    Священик: Оглашеннії, глави ваша Господеві приклоніте.

    Люди: Тебі, Господи.

    Священик: Да і тії с нами славят пречестное і великоліпоє імя Твоє, Отца і Сина і Святого Духа, нині і присно і во віки віков.

    Люди: Амінь.

    Священик: Єлици оглашеннії, ізидіте; оглашеннії, ізидіте; єлици оглашеннії, ізидіте; да нікто от оглашенних, єлици вірнії, паки і паки миром Господу помолимся.

    Люди: Господи, помилуй. Священик: Заступи, спаси, помилуй і сохрани нас, Боже, Твоєю благодатію. Люди: Господи, помилуй.

    Священик: Премудрость. Яко подобаєт Тебі всякая слава, честь і поклоненіе, Отцу і Сину і Святому Духу, нині і присно і во віки віков.

    Люди: Амінь.

    Священик: Паки і паки миром Господу помолимся.

    Люди: Господи, помилуй.

    Священик: Заступи, спаси, помилуи і сохрани нас, Боже, Твоєю благодатію.

    Люди: Господи, помилуй.

    Священик: Премудрость. Яко да под державою Твоєю всегда храними, Тебі славу возсилаєм, Отцу і Сину і Святому Духу, нині і присно і во віки віков.

    Люди: Амінь. І співають:

    Іже Херувими тайно образующе і Животворящей Тройці трисвятую піснь припівающе, всякое нині житейское отложім попеченіє.

    Великий вхід

    Священик: Святійшаго Отца нашего (ім’я), Патріарха Московскаго і всея Русі. Високопреосвященнійшаго (ім’я) Митрополита Києвскаго і Галицкаго, Екзарха всея України, Преосвященнійшаго (ім’я), (Архі) Єпископа (титул), і всіх вас православних христіан да помянет Господь Бог во Царствії Своєм всегда, нині і присно і во віки віков.

    Люди: Амінь. Яко да Царя всіх подимем, ангельскими невидимо дориносима чинми. Аллилуя, аллилуя, аллилуя.

    Священик: Ісполним молитву нашу Господеві.

    Люди після кожного прохання:

    Господи, помилуй.

    Священик: О предложенних честних даріх, Господу помолимся.

    Священик: О святім храмі сем, і с вірою, благоговінієм і страхом Божіїм входящих в онь Господу помолимся.

    Священик. О ізбавитися нам от всякій скорби, гніва і нужди, Господу помолимся.

    Священик: Заступи, спаси, помилуй і сохрани нас, Боже, Твоєю благодатію.

    Священик: Дне всего совершенна, свята, мирна і безгрішна у Господа просим.

    Люди після кожного прохання:

    Подай, Господи.

    Священик: Ангела мирна, вірна наставника, хранителя душ і тілес наших у Господа просим.

    Священик: Прощенія і оставленія гріхов і прегрішеній наших у Господа просим.

    Священик: Добрих і полезних душам нашим і мира мірові у Господа просим.

    Священик: Прочеє время живота нашего в мирі і покаянії скончати, у Господа просим.

    Священик: Христіанскія кончини живота нашего, безболізнени, непостидни, мирни, і добраго отвіта на страшнім судищі Христові просим.

    Священик: Пресвятую, пречистую, преблагословенную, славную Владичицу нашу Богородицу і Приснодіву Марію, со всіми святими поминувше, самі себе, і друг друга, і весь живот наш Христу Богу предадім.

    Люди: Тебі, Господи.

    Священик: Щедротами Єдинороднаго Сина Твоего, с Ним же благословен єси, со Пресвятим і Благим, і Животворящим Твоїм Духом, нині і присно і во віки віков.

    Люди: Амінь.

    Священик: Мир всім.

    Люди: І духові твоєму.

    Священик: Возлюбим друг друга, да єдиномислієм ісповіми.

    Люди: Отца і Сина і Святаго Духа, Тройцу Єдиносущную і Нераздільную.

    Священик: Двері, двері, премудростію вонмем.

    Люди співають:

    Вірую во єдинаго Бога Отца, Вседержителя, Творца небу і землі, видимим же всім і невидимим.

    І во єдиного Господа Ісуса Христа, Сина Божія, єдинороднаго, іже от Отца рожденнаго прежде всіх вік. Світа от Світа, Бога істинна от Бога істинна, рожденна, не сотворенна, єдиносущна Отцу, імже вся биша.

    Нас ради человік і нашего ради спасенія сшедшаго с небес, і воплотившагося от Духа Свята і Марії Діви, і вочеловічшася.

    Распятаго же за ни при Понтійстім Пілаті, і страдавша, і погребенна.

    І воскресшаго в третій день по Писанієм. І возшедшаго на небеса, і сідяща одесную Отца, і паки грядущаго со славою судити живим і мертвим, Єгоже царствію не будет конца.

    І в Духа Святаго, Господа, животворящего, іже от Отца ісходящаго, іже со Отцем і Сином спокланяєма і сславима, глаголавшаго пророки.

    Во єдину святую, соборную і апостольскую Церков.

    Ісповідую єдино крещеніє, во оставленіе гріхов.

    Чаю воскресенія мертвих,

    І жизні будущаго віка. Амінь;

    Священик: Станем добрі, станем со страхом, вонмем, святоє возношеніє в мирі приносити.

    Люди: Милость мира, жертву хваленія. Священик: Благодать Господа нашего Ісуса Христа, і люби Бога і Отца, і причастіє Святаго Духа, буди со всіми вами.

    Люди: І со духом твоїм. Священик: Горі іміїм сердца.

    Люди: Імами ко Господу.

    Священик: Благодарім Господа.

    Люди: Достойно і праведно єсть покланятися Отцу і Сину і Святому Духу, Тройці Єдиносущній і Нераздільній.

    Священик: Побідную піснь поюще, вопіюще, взивающе і глаголюще.

    Люди: Свят, Свят, Свят, Господь Саваоф, ісполнь небо і земля слави Твоєя, осанна в вишних, благословен грядий во імя Господнє, осанна в вишних.

    Священик: Приіміте ядіте, сіє, єсть Тіло Моє, єже за ви ломимоє во оставленіє гріхов.

    Люди: Амінь.

    Священик: Пийте от нея всі, сія єсть Кров Моя Новаго Завіта, яже за ви і за многи ізливаємая во оставленіє гріхов.

    Люди: Амінь.

    Священик: Твоя от Твоїх Тебі приносяще о всіх і за вся.

    Люди: Тебе поєм. Тебе благословим, Тебі благодарим, Господи, і молимтися, Боже наш.

    Священик: Ізрядно о Пресвятій, Пречистій, Преблагословенній, Славній Владичиці нашей Богородиці і Приснодіві Марії.

    Люди: Достойно єсть яко воістинну блажити Тя Богородицу, Присноблаженную і Пренепо-рочную, і Матер Бога нашего. Честнійшую херувим, і славнійшую без сравненія серафим, без істлінія Бога Слова рождшую, сущую Богородицу, Тя величаєм.

    Слава: і нині: Господи, помилуй (тричі).

    Господи Ісусе Христе, Сине Божий, молитв ради Пречистия Твоєя Матере, преподобних і богоносних отец наших і всіх святих, помилуй нас. Амінь.

    На літургії св. Василія Великого співають:

    О Тебі радуєтся, Благодатная, всякая твар: ангельский собор і человіческий род; освященний храме і раю словесний, дівственная похвало, із Нея же Бог воплотися і младенец бисть, прежде вік сий Бог наш; ложесна бо Твоя престол сотвори і чрево Твоє пространніє небес соділа. О Тебі радуєтся, Благодатная, всякая твар, слава Тебі.

    Священик: Во первих помяни, Господи, Святійшаго Отца нашего (ім’я), Патріарха Московскаго і всея Русі, Високопреосвященнійшаго (ім’я), Митрополита Києвскаго і Галицкаго, Екзарха всея України і Преосвященнійшаго (ім’я) (Архі) Єпископа (титул) іхже даруй святим Твоїм Церквам в мирі, цілих, честних, здравих, долгоденствующих, право правящих слово Твоєя істини.

    Люди: І всіх, і вся.

    Священик: І даждь нам єдиними усти і єдиним сердцем славити і воспівати пречесноє і великоліпоє імя Твоє, Отца і Сина і Святого Духа, нині і присно і во віки віков.

    Люди: Амінь.

    Священик: І да будут милості великаго Бога і Спаса нашего Ісуса Христа со всіми вами.

    Люди: І со духом твоїм.

    Єктенія

    Священик: Вся святия помянувше, паки і паки миром Господу помолимся.

    Люди після кожного прохання:

    Господи, помилуй.

    Священик: О принесенних і освященних честних даріх Господу помолимся.

    Священик: Яко да человіколюбец Бог наш, приєм я во святий і пренебесний і мисленний Свой жертвенник, в воню благоуханія духовнаго, возниспослет нам божественную благодать і дар Святаго Духа, помолимся.

    Священик: О ізбавитися нам от всякія скорби, гніва і нужди, Господу помолимся.

    Священик: Заступи, спаси, помилуй і сохрани нас, Боже, Твоєю благодатію.

    Священик: Дне всего совершенна, свята. мирна і безгрішна у Господа просим.

    Люди після кожного прохання:

    Подай, Господи.

    Священик: Ангела мирна, вірна наставника, хранителя душ і тілес наших у Господа просим.

    Священик: Прощенія і оставленій гріхов і прегрішеній наших у Господа просим.

    Священик: Добрих і полезних душам нашим і мира мірові у Господа просим.

    Священик: Прочеє время живота нашего в мирі і покаянії скончати, у Господа просим.

    Священик: Христіанскія кончини живота нашего, безболізнени, непостидни, мирни, і добраго отвіта на страшнім судищи Христові просим.

    Священик: Соєдиненіе віри і причастіє Святаго Духа іспросивше, сами себе і друг друга, і весь живот наш Христу Богу предадім.

    Люди: Тебі, Господи.

    Священик: І сподоби нас, Владико, со дерзновенієм, неосужденно сміти призивати Тебе, небеснаго Бога Отца, і глаголати:

    Люди: Отче наш, Іже єси на небесіх, да святится ім’я Твоє, да приідет царствіє Твое, да будет воля Твоя, яко на небесі і на землі. Хліб наш насущний даждь нам днесь, і остави нам долги наша, якоже і ми оставляєм должником нашим, і не введи нас во іскушеніє, но ізбави нас от лукаваго.

    Священик: Яко Твоє єсть царство і сила, і слава, Отца і Сина і Святаго Духа, нині і присно і во віки віков.

    Люди: Амінь.

    Священик: Мир всім.

    Люди: І духові твоєму.

    Священик: Глави ваша Господеві приклоніте.

    Люди: Тебі, Господи.

    Священик: Благодатію і щедротами, і человіколюбієм Єдинороднаго Сина Твоєго, с Нимже благословен єси, со Пресвятим і Благим, і Животворящим Твоїм Духом, нині і присно і во віки віков.

    Люди: Амінь.

    Священик: Вонмем. Святая святим.

    Люди: Єдин свят, Єдин Господь, Ісус Христос, во славу Бога Отца. Амінь.

    І співається причастен.

    Після причастного стиха відчиняються святі двері і священик з чашею в руках, виголошує до людей:

    Священик: Со страхом Божіїм і вірою приступіте.

    Люди: Благословен грядий во імя Господнє, Бог Господь і явися нам.

    Священик читає молитву перед Св. Причастям:

    Вірую, Господи, і ісповідую, яко Ти єси воїстину Христос Син Бога живаго, пришедий в мір грішния спасти, от них же первий єсм аз. Єще вірую, яко сіє єсть самоє пречистое Тіло Твоє, і сія єсть самая честная Кров Твоя. Молюся убо Тебі: помилуй мя і прости ми прегрішенія моя, вольная і невольная, яже словом, яже ділом, яже відінієм і невідінієм; і сподоби мя неосужденно причаститися пречистих Твоїх Таїнств, во оставленіє гріхов і в жизнь вічную. Амінь.

    Вечери Твоєя тайния днесь, Сине Божий, причастника мя приіми: не бо врагом Твоїм тайну повім, ні лобзанія Ти дам яко Іуда, но яко разбойник ісповідаю Тя: помяни мя, Господи, во Царствії Твоєм.

    Да не в суд іли во осужденіє будет мні причащеніє святих Твоїх Тайн, Господи, но во ісціленіє душі і тіла.

    Після молитви причасники кладуть земний поклін і йдуть один за одним з усякою побожністю та страхом, руки склавши навхрест на грудях, і кожний причащається Божественних Тайн.

    Священик, благословляючи людей, виголошує:

    Спаси, Боже, люди Твоя і благослови достояніє Твоє.

    Люди: Видіхом світ істинний, прияхом Духа небеснаго, обрітохом віру істинную, Нераздільній Тройці покланяємся: Та бо нас спасла єсть.

    Священик: Всегда нині і присно і во віки віков.

    Люди: Амінь.

    Священик відходить до жертовника і ставить там Св. Дари.

    Люди: Да ісполнятся уста наша хваленія Твоєго, Господи, яко да поем славу Твою, яко сподобил єси нас причаститися святим Твоїм божественним, безсмертним і животворящим Тайнам: соблюди нас во Твоєй святині, весь день поучатися правді Твоєй. Аллилуя, аллилуя, аллилуя.

    Єктенія

    Священик: Прості приїмше божественних, святих, пречистих, безсмертних, небесних і животворящих, страшних Христових Таїн, достойно благодарім Господа.

    Люди: Господи, помилуй.

    Священик: Заступи, спаси, помилуй і сохрани нас, Боже, Твоєю благодатію.

    Люди: Господи, помилуй. Священик: День весь совершен, свят, мирен і безгрішен іспросивше, самі себе і друг друга, і весь живот наш Христу Богу предадім.

    Люди: Тебі, Господи.

    Священик: Яко Ти єси освященіє наше, і Тебі славу возсилаем, Отцу і Сину і Святому Духу, нині і присно і во віки віков.

    Люди: Амінь.

    Священик: С миром ізидем.

    Люди: О імені Господні.

    Священик: Господу помолімся. Люди: Господи, помилуй.

    Священик: Благословляяй благословящия Тя, Господи, і освящаяй на Тя уповающия, спаси люди Твоя і благослови достояніє Твоє, ісполненіє Церкве Твоєя сохрани, освяти любящих благоліпіє дому Твоєго: Ти тіх возпрослави божественною Твоєю силою і не остави нас, уповаюших на Тя. Мир мірові Твоєму даруй. Церквам Твоїм, священиком і всім людям Твоїм. Яко всякоє даяніє благо і всяк дар совершен свише єсть, сходяй от Тебе Отца світов: і Тебі славу, і благодареніє, і поклоненіє возсилаєм, Отцу і Сину і Святому Духу, нині і присно і во віки віков.

    Люди: Амінь.

    Буди імя Господнє благословенно от нині і до віка (тричі).

    Псалом 33. Благословлю Господа на всякоє время…

    Священик: Благословеніє Господнє на вас, Того благодатію і человіколюбієм, всегда, нині і присно і во віки віков.

    Люди: Амінь.

    Священик: Слава Тебі, Христе Боже, упованіє наше, слава Тебі.

    Люди: Слава Отцу і Сину і Святому Духу, і нині і присно і во віки віков. Амінь. Господи, помилуй (тричі). Благослови.

    Священик: (Воскресий із мертвих — в неділю) Христос істинний Бог наш, молитвами Пречистия Своєя Матере, святих славних і всехвальних Апостол, іже во святих отца нашего Іоанна, архієпископа Константина града Златоустаго (або Василія Великаго, архіепіскопа Кесарії Каппадокійскія) і святих (імена, що їх є храм та день) і всіх святих, помилует і спасет нас, яко Благ і Человіколюбец.

    Люди: Амінь.

    Церковний календар цілого року

    (за старим стилем)

    Січень
  • Обрізання Господа нашого Ісуса Христа і св. Василія Великого

  • Передпразн. Богоявлення. Св. Сильвестра, преп. Серафима Саровського

  • Св. пророка Малахії, муч. Гордія

  • Собор 70 Апостолів, преп. Феоктиста

  • Навечеріє Богоявлення. Феопемпта і Феони, муч.

  • Богоявлення Господне

  • † Собор св. Іоанна, Предтечі і Хрестителя Г-ня

  • Преп. Георгія Хозевіта і Єміліана іспов.

  • Св. муч. Полієвкта, св. Филипа, митроп. Моск.

  • Св. Григорія, єп. Нісського

  • Прп. Феодосія Великого

  • Св. муч. Татьяни, св. Сави Сербського

  • Св. муч. Єрміла і Стратоніка

  • Преп. отців у Сінаї і Раїфі, рівноап. Ніни. Віддання Богоявлення

  • Прп. Павла Фівейського

  • Поклін оковам св. апостола Петра

  • † Прп. Антонія Великого

  • Св. Афанасія і Кирила, архіеп. Александрійських

  • Прп. Макарія Єгипетського

  • † Прп. Євфимія Великого

  • Прп. Максима ісповідника

  • Св ап. Тимофія, прмуч. Анастасія Печер.

  • Св. свящмуч. Климента, еп. Анкірського 24 Прп. Ксенії

  • † Св. Григорія Богослова, архієп. Констант.

  • Преп. Ксенофонта і дружини його

  • † Перенес. мощей св. Іоанна Золотоустого

  • Прп. Єфрема Сіріна, свят. Єфрема, єп. Переясл.

  • Перенесення мощей св. Ігнатія Богоносця

  • Собор трьох Святителів: Василія Великого, Григорія Богослова і Іоанна Золотоустого

  • Св. безсребреників Кіра і Іоанна

  • Лютий
  • Передпразн. Стрітення, муч. Трифона

  • Стрітення Господнє

  • Прав. Симеона Богоприімця і прор. Анни

  • Прп. Ісидора Пелусіота

  • Св. муч. Агафії, свят. Феодосія, арх. Черніг.

  • Прп. Вукола, єп. Смірнського

  • Прп. Парфенія, єп. Лампсакійського

  • Св. вмуч. Феодора Стратилата

  • Св. муч. Никифора, Віддання Стрітення

  • Св. муч. Харалампія

  • Св. свящмуч Власія

  • Св. Мелетія, архієп. Антіохійського; свят. Алексія, митроп. Московського

  • Прп. Мартиніяна

  • Прп. Авксентія, рівноап. Кирила, уч. слов.

  • Св. ап. Онисима

  • Св. муч. Памфіла і Порфирія

  • Св. муч. Феодора Тирона

  • Св. Льва, папи Римського, свят. Флавіана

  • Св. ап. Архипа

  • Прп. Льва, єп. Катанського

  • Прп. Тимофія, свят. Євстахія Антіохійського

  • Св. мучч. в Євгенії, прп. Афанасія

  • Свящмуч. Полікарпа, епіскопа Смірнського

  • † 1 і 2 обріт. глави Іоанна Хрестителя

  • Св. Тарасія, архієп. Царгородського

  • Св. Порфирія, архієп. Гази

  • Прп. Прокопія ісповідника

  • Прп. Василія ісповідника

  • Прп. Касіяна

  • Березень
  • Св. Прпмуч. Євдокії

  • Св. свящмуч. Феодота, єп. Киринейського

  • Св. муч. Євтропія і Клеоніка

  • Прп. Герасима і муч. Павла

  • Св. муч. Конона, Леоніда, Іраїди

  • Св. 42 муч. в Аммореї

  • Св. свящмуч. Василія, прп. Павла

  • Прп. Феофілакта ісповідника

  • † Св. 40 муч. севастійських

  • Св. муч. Кодрата і Кипріяна

  • Св. Софронія, патріарха Єрусалимського

  • Прп. Феофана ісповід., свят. Григорія Двоєслова

  • Св. Никифора патріарха, Христини муч,

  • Прп. Венедикта, Феогноста митроп.

  • Св. муч. Агапія, Александра

  • Св. муч Савіна, Юліана

  • Прп. Алексія, чоловіка Божого

  • Св. Кирила, архієп. Єрусалимського

  • Св. муч. Хрисанфа і Дарії

  • Прп. Іоанна, Сергія, Світлани, муч.

  • Прп. Якова, єп. і ісповідника

  • Св. свящмуч. Василія

  • Св. прпмуч. Никона, Лідії муч.

  • Предпр. Благовіщення, Прп. Захарії, Якова ісп.

  • Благовіщення Пресв. Богородиці

  • Собор Архангела Гавриїла

  • Преп. Матрони Солунської

  • Прп. Іларіона Нового, Стефана

  • Прп. Марка, еп. Арефусійського

  • Прп. Іоанна Ліствичника

  • Прп. Іпатія єп., свят. Іони митроп.

  • Квітень
  • Прп. Марії Єгипетської

  • Прп. Тита, чудотворця

  • Прп. Никити ісповід.

  • Прп. Иосифа Піснописця, Георгія Малеїна

  • Св. муч. Феодула

  • Св. Євтихія, патріарха Константиноп.

  • Прп. Георгія, еп Мілітинського

  • Св. ап. Іродіона, Агава; прп. Нифонта печер.

  • Св. муч. Євпсихія

  • Св. муч. Терентія, Максима

  • Св. свящмуч. Антипи, єп., Якова прп.

  • Прп. Василія ісповідника

  • Св свящмуч. Артемона

  • Св. Мартина ісп., муч. Антонія, Іоанна, Євстафія

  • Св. ап. Аристарха, Пуда і Трофима

  • Св. муч. Агапії і Ірини, Галини

  • Прп. Симеона, Акакія, єп.

  • Прп. Іоанна, свят. Косми

  • Прп. Іоанна, свят. Георгія ісповідн.

  • Прп. Феодора, свят. Григорія і Анастасія

  • Св. свящмуч. Януарія, єп., муч. Феодора

  • Прп. Феодора, Віталія, благов. Всеволода

  • † Св. великомуч. Георгія, муч. Александри

  • Св. муч. Сави Стратилата

  • † Св. Марка, апостола і євангеліста

  • Св. свящмуч. Василія, єп.

  • Св. муч. Симеона, црп. Стефана, єп. Волод.-Вол.

  • Св. ап. Ясона і Сосипатра

  • Св. 9 муч. в Кізииі, прп. Мемнона

  • † Св. ап. Якова, муч. Максима.

  • Травень
  • Св. Ієремії, пророка, свящмуч. Макарія, митроп. Київського, св. Тамари

  • Св. Афанасія, патр. Алекс., св. муч. Бориса і Гліба

  • Прп. Феодосія Печерського, муч. Тимофія

  • Прпмуч. Пелагії

  • Св. муч. Ірини

  • Св. Іова многострад., прп. Іова Почаївського

  • Пам’ять явлення Хреста, муч. Акакія

  • † Св. ап. і євангеліста Іоанна Богослова

  • † Перен. мощей свят. Николая

  • Св ап. Симона Зилота

  • Свящмуч. Мокія; ап Мефодія і Кирила, уч. слов.

  • Свят. Єпіфанія і Германа, патр. Ермогена

  • Св. муч Глікерії; прп. Макарія Овруцького

  • Св. муч. Ісидора

  • Прп. Пахомія Великого

  • Прп. Феодора Освяшенного 17 Св. Андроніка ап.

  • Св. муч. Феодора Анкірського

  • Св. свящмуч. Патрикія. Корнилія прп.

  • Св. муч. Фалалея: Алексія, митроп. Московського

  • † Св. Константина і Єлени

  • Св. муч Василіска

  • Прп. Михаїла, єп., прп. Євфросинії

  • Прп. Симеона Дивногорця, Никити

  • † Третє обріт. глави св Іоанна Хрестителя

  • Св, Карпа, ап., великомуч, Георгія Нового

  • Св. свящмуч. Ферапонта

  • Прп. Никити, єп.

  • Св. прпмуч. Феодосії діви

  • Прп. Ісакія Далматського

  • Св. ап. Ермія і муч. Єрмея

  • Червень
  • Св. муч. Юстина, філософа, Харитона

  • Св. Никифора, патр., вмч. Іоанна Сочав.

  • Св. муч. Лукіліана, Клавдія, Лукіяна

  • Св. Митрофана, патріарха, муч. Северина

  • Свящмуч. Дорофея, благов. Ігоря

  • Прп. Вісаріона, Іларіона

  • Свящмуч. Феодота, єп.

  • Св. вмуч. Феодора Стратилата

  • Св. Кирила, архієп. Александрійського

  • Свящмуч. Тимофія, єп.

  • Св. апост. Варфоломея і Варнави

  • Прп. Онуфрія Великого, Петра Афонського

  • Св. муч. Акилини, Антонінн

  • Пророка Єлисея, свят. Мефодія патр. Конст.

  • Св. пр-ка Амоса, свят. Іони, митр. Моск.

  • Св. Тихона, єп. і чудотворця

  • Св. муч. Мануїла

  • Св. муч. Леонтія

  • † Св. ап. Іуди, брата Господня

  • Свящмуч. Мефодія, єп., бл. Гліба Вол.

  • Св. муч. Юліана Тарсійського

  • Свящмуч. Євсевія, єп. Самосат.

  • Св. муч. Агрипини

  • Народження св. Іоанна Хрестителя

  • Св. прпмуч. Февронії

  • Прп. Давида Солунського

  • Прп. Сампсона Странноприємця

  • Кира і Іоанна безср., прп. Сергія, Германа

  • Св. Апостолів Петра і Павла

  • Собор св. 12 апостолів

  • Липень
  • Св. безсрібн. Косми і Дамі а на

  • † Полож. ризи Пресвятої Богородиці

  • Св. муч. Іакінфа, митр. Филипа, прп. Анатолія

  • Св. Андрея, архієп. Крітського, прп. Марфи

  • Прп. Афанасія, прп. Сергія Радонезького

  • Прп. Сисоя Вел., прп. Юліанії ОльшанськоІ

  • Прп. Фоми і Акакія

  • Св. муч. Прокопія; Казан, ікони Божої Матері

  • Свящмуч. Панкратія, єп. Тавроменійського

  • † Прп. Антонія Печерського

  • Св. муч. Євфимії, блаж. Ольги, княгині Київської

  • Св. муч. Прокла і Іларія

  • Собор св. арх. Гавриїла

  • Св. апостола Акіли, Онисима прп.

  • †. Св. рівноап. і вел. князя Володимира Вел.

  • Св. муч. Афіногена, Павла, Валентини, Юлії

  • Св. вмуч. Марини (Маргарити)

  • Св. муч. Іакінфа і Єміліана

  • Прп. Макрини, прп. Серафима Саровського

  • † Св. пр-ка Ілії, прпмуч. Афанасія Брест.

  • Єзекіїля прор., Симеона юродивого

  • Св. рівноап. Марії Магдалини

  • Св. муч. Трофима і Феофіла. Почаївської ікони Божої Матері

  • † Св. муч. Бориса і Гліба, муч. Христини

  • † Успення св. прав. Анни

  • Свящмуч. Єрмолая, прп. Мойсея, Угрина Печерського

  • † Св. муч. Пантелеймона лікаря

  • Св. ап. Прохора, Никанора

  • Св. муч. Калиника, Серафими

  • Св. ап. Сили і Силуана, муч. Іоанна Воїна

  • Предпразн. Чесного Хреста, Св. Євдокима, Іосифа Арімафейськ.

  • Серпень
  • Проісхожд. Чесного Хреста, Мучеників Макавеїв, матері їх Соломонії. Спасівка

  • Перенесення мощей св. ап. Стефана

  • Прп. Ісаакія, Далмата і Фавста

  • Св сімох отроків у Єфесі, прпмуч. Євдокії

  • Передпразн. Преображення. Св. муч. Євсигнія

  • Преображення Господнє

  • Св. прпмуч. Дометія

  • Свят. Єміліана ісповідника, прп. Григорія

  • Св. Матвія ап., Леонтія єп.

  • Св. муч. Лаврентія, архідиякона

  • Св. муч. Євпла, архід, прп. Федора Острозького

  • Св. муч. Фотія і Аникити

  • Віддання празн. Преображення

  • Передпразн. Успення. Св. Міхея, пророка

  • Успення Пресвятої Богородиці

  • Нерукотв образа Госп. нашого Ісуса Христа

  • Св. муч. Мирона

  • Св. муч. Флора і Лавра

  • Св. муч. Андрея Стратилата

  • Св. пророка Самуїла

  • Св. ап Фадея і муч. Васси

  • Св. муч. Агафоніка

  • Відання Успення Св. муч. Луппа, Іринея

  • Свящмуч. Євтихія, Петра митроп.

  • Св. ап. Варфоломея, Тита

  • Св. муч. Адріана і Наталії

  • Прп. Пимена

  • Прп. Іова Почаївського, преп. Мойсея Мурина

  • Усікновення глави св. Іоанна Хрестителя

  • Свят. Александра, Іоанна і Павла патр.; благ. кн. Александра Невського

  • Полож. пояса Пресвят. Богородиці; свят. Киприяна, Геннадія

  • Вересень
  • † Поч. церк. року. Прп. Симеона Стовп., Марфи

  • Св муч. Маманта, свят. Іоанна патр,

  • Св. свящмуч. Анфима

  • Свящмуч. Вавили, прор. Мойсея, свт. Іоасафа

  • Св. пр-ка Захарії, прав. Єлисавети, бл. кн. Гліба

  • Чудо арх. Михаїла

  • Передпразн. Різдва Богородиці. Св. муч. Созонта

  • Різдво Пресвятої Богородиці. Ікони Божої Матері Почаївської, Холмськоі, Ліснянської.

  • Св. прав. Іоакима і Анни; свят Феодосія Черніг.

  • Св. муч. Мінодори, Мітродори і Німфодори

  • Прп. Феодори Александр., прп. Сергія і Германа

  • Віддання Різдва Богородиці: Свящмуч: Автонома

  • Передпразн. Воздвиж. Свящмуч. Корнилія сот.

  • Воздвиження Чесного Хреста

  • Св. вмуч. Никити

  • Св. вмуч. Євфимії. свят. Кипріяна, митр. Київ.

  • Св. муч. Віри, Надії, Любові і матері їх Софії

  • Прп. Євменія, єгі., муч. Софії, Ірини

  • Св. муч. Трофима, Саватія і Доримедонта

  • Св. вмуч. Євстафія, Михаїла і Феодора, муч. Чер.

  • Віддання Воздвиження. Св. ап. Кодрата, свят. Димитрія, митроп. Ростовського

  • Прор. Іони, св. свящмуч. Фоки

  • Зачаття св. Іоанна Хрестителя

  • Св. рівноап первомуч. Фекли

  • Прп. Євфросинії. прп. Сергія Радонезького

  • † Переставлення св. апостала Іоанна Богослова

  • Св. муч Калістрата

  • Прп. Харитона ісповід., св. Вячеслава Чеського

  • Прп. Кираіка отшельника, Феофана милостивого

  • Св. свмуч. Григорія Вірмен., св. Михаїла, першого митроп. Київського

  • Жовтень
  • † Покров Пресвятої Богородиці; ап. Ананії

  • Свящмуч. Кипріяна, муч. Устинії

  • Св. свящмуч. Діонисія Ареопагіта

  • Св. свящмуч. Ієрофея, єп. Афінського

  • Св. муч. Харитини; свт. Петра, Алексія, Іони, Филипа і Єрмогена Москов, чудотворців

  • † Св. апостола Фоми

  • Св. муч. Сергія і Вакха

  • Прп. Пелагії і Таїсії

  • † Св. а пост. Якова Алфеєва

  • Св. муч. Євлампія і Євлампії, свят. Амфілохія, єп. Волод.-Волинського

  • Св. ап. Филипа, диякона

  • Св. муч. Прова, Тараха і Андроніка

  • Св. муч. Карпа, єп., прп. Веніаміна Печер.

  • Св. муч. Назарія, Гервасія, Протасія

  • Прп. Євфимія Нов., муч. Лукіяна

  • Св. муч. Лонгіна

  • Св. прор. Осії, прпмуч. Андрея Крітського

  • † Св. ап. і євангел. Луки

  • Св. прор. Іоіля, бл. Клеопатри

  • Св. вмуч. Артемія

  • Прп. Іларіона Великого

  • Св. рівноап. Аверкія, єп.; Казан, ікони Б. М.

  • † Св. ап. Якова, патр. Ігнатія

  • Св. муч. Арефи. Ікони Б М. «Всіх скорб, радость»

  • Св. муч Маркіяна, Мартирія

  • Св. муч. Димитрія Солунського

  • Св. муч. Нестора, прп. Нестора, Літоп. печер.

  • Св. муч. Терентія і Неоніли; муч. Параскеви — П’ятниці: преп. Іова Почаївського

  • Св. прпмуч. Анастасії Римлянки

  • Св. муч. Зіновія і Зіновії

  • Св. апост. Стахія і Амплія

  • Листопад
  • Св. Безсрібн. Косми і Даміана

  • Св муч. Акиндина і Пігасія, прп. Маркіана

  • Св. муч. єпіскопа Акепсима, пресвіт. Йосифа

  • Прп. Іоаникія Великого

  • Св. муч. Галактіона і Єпістимії

  • Св. Павла ісповідника, архієп. Конст. прп. Луки Печер., прп. Варлаама Хутинського

  • Св. 33 муч. Мелітінських, преп. Лазаря

  • Собор св. архангела Михаїла

  • Св. муч. Онисифора, прп. Матрони

  • Св. апост. Ераста, Олімпа, Родіона, муч. Ореста

  • Св. муч. Міни і Віктора, прп. Федора Студита

  • † Свят. Іоанна Милостивого, патр. Александр.

  • † Свят. Іоанна Золотоустого

  • † Св. апостола Филипа. Запусти

  • Св. муч. Гурія, Самона і Авіва. Пилипівка

  • † Св. ап. і єванг. Матвія

  • Св. Григорія, єп. і чудотворця

  • Св. муч. Платона і Романа

  • Св пророка Авдія, муч. Варлама

  • Передпразн. Введення. Св. Григорія Декаполіта

  • Введення в храм Пресвятої Богородиці

  • Св. Филимона, Архипа, єп. бл. Ярополка Велик.

  • Св. Амфілохія і Григорія, єпп. Волинських

  • Св. муч. Єкатерини. Августи

  • Віддання свята Введення. Св. свящмуч. Климен-та Римського, Петра Александрійського

  • Прп. Аліпія Стовпника, свят. Інокентія

  • Св. вмуч. Якова Перського; прп. Палладія

  • Св. прпмуч. Стефана Нового, св. муч. Іринарха

  • Св. муч. Парамона, прп. Нектарія Печер,

  • Св. ап. Андрея Первозванного

  • Грудень
  • Св. пророка Наума, Філарета Милостивого

  • Св. пророка Авакума

  • Св. пророка Софонії

  • Св. муч. Варвари, прп. Іоанна Дамаскина

  • † Прп. Сави Освященного

  • Св. Николая Архієп. і Чудотворця

  • Св. Амвросія, єп. Міланського

  • Прп. Потапія, прп. Кирила, муч. Анфіси

  • Зачаття прав. Анни, коли зачала Прсв. Б-цю

  • Св. муч. Міни, свят. Іоасафа Білгородського

  • Прп. Даниїла Стовпника, Никона Печер.

  • Прп. Спиридона, єпіскопа

  • Св. муч. Євстратія, Авксентія, Євгенія, Ореста

  • Св. муч. Фірса, Левкія, Филимона

  • Свящмуч. Єлевферія, свят. Стефана Сурозького

  • Св. пророка Аггея

  • Св. пророка Даниїла, Ананії, Азарії, Мисаїла

  • Св. муч. Севастіана, Зої

  • Св. муч. Вонифатія, прп. Іллі Муромця печер.

  • Передпр. Різдва Христ. Св.-муч. Ігнатія Богон.

  • Св. муч. Юліянії, свят. Петра, митроп. Моск.

  • Св. муч. Анастасії

  • Св. 10 мучеників у Кріті

  • Навечер. Різдва Прпмуч. Євгенії, Клавдії

  • Різдво Господа нашого Ісуса Христа

  • Собор Пресвятої Богородиці

  • Св. апостола, первомуч. архід. Стефана

  • Св. 20 000 мучеників Нікомідійських

  • Св. 14 тисяч дітей, убитих у Вифлеємі

  • Св. муч. Анисії

  • Віддання Різдва. Прп. Меланії Римлянки

  • Побожні пісні з богогласника1

    На Різдво Христове

    1

    Бог предвічний народився;
    Прийшов днесь із небес,
    Щоб спасти люд свій весь
    І утішив вся.

    У Віфліємі народився
    Месія — Христос наш,
    І Бог наш, для всіх нас
    Нам народився!

    Возвістив це Ангел Божий:
    На полі пастирям,
    На сході звіздарям
    І земним царям.

    Діва Сина як родила,
    Звізда ста, де
    Христа Невіста
    Пречиста Положила.

    Триє царі несуть дари
    До Віфлеєм — міста,
    Де Діва Пречиста
    Сина повила.

    Звізда їм ся об’явила
    В дорозі: о Бозі
    При волі, при ослі
    Їм возвістила.

    — Триє царі, де ідете?
    — Ми ідем в Віфлієм.
    Де Спаса познаєм
    І повернемся.

    Іншим путем повернули,
    Погану, безстидну
    Безбожну Іроду
    Не повідали.

    Іосифу Ангел мовит:
    С Отрочам, Матір“ю
    Во Єгипет — страну
    Най ся хоронить.

    «Слава Богу» заспіваймо,
    Честь Сину Божому
    І Богу нашому
    Поклін віддаймо.

    2

    Небо і земля, небо і земля нині торжествуют.
    Ангели людям, ангели людям весело спразднують,
    Христос родився, Бог воплотився.
    Ангели співають, царіє вітають,
    Поклін оддають, пастиріє грають,
    «Чудо, чудо» — повідають.
    Во Віфліємі, во Віфліємі весела новина,
    Чистая Діва, чистая Діва породила Сина!
    Христос родився і т. д.
    Слово Отчеє, Слово Отчеє взяло на Ся тіло:
    В темностях земних, в темностях земних сонце засвітило
    Христос родився і т. д
    Ангели служать, ангели служать своєму Богу,
    І во вертепі, і во вертепі творять його волю.
    Христос родився і т. д.
    Трие царіє, трие царіє, от восток приходять,
    Смирну і ливан, смирну і ливан, і злато приносять
    Христос родився і т. д.
    Царю і Богу, Царю і Богу тоє все дарують,
    Пастирі людям, пастирі людям дивну вість сказують.
    Христос родився і т. д.
    І ми рожденну, і ми рожденну Богу поклін даймо,
    «Слава во вишних», «слава во вишних», Йому заспіваймо.
    Христос родився і і д.

    3

    У Віфліємі нині новина,
    Пречиста Діва родила Сина,
    В ясліх повитий поміж бидляти,
    Спочив на сіні Бог необ’ятний.

    Вже Херувими славу співають,
    Ангельські хори Христа вітають;
    Пастир убогий несе, що може,
    Щоб обдарити Дитятко Боже,

    А ясна зоря світу голосить:
    Месія радость, щастя приносить,
    До Віфлієму спішіть всі нині,
    Бога вітайте в бідній Дитині.

    За світлом зірки десь аж зі Сходу
    Йдуть три владики, княжого роду:
    Золото, дари, кадило, смирну,
    Враз з серцем чистим несуть в офіру.

    Ісусе милий, ми не багаті,
    Золота в дарі не можем дати,
    Но дар цінніший несем від мира:
    Це — віра серця і любов щира.

    Глянь оком щирим, о Божий Сину,
    На нашу землю, нашу родину,
    Зійшли їй з неба дар превеликий,
    Щоб Тя славила во вічні віки.

    Деякі псалми, що висловлюють почування віруючого Прославлення Бога за діла творіння і промислу, особливо ж за добродійства, людині виявлені

    Псалом 102

    Благослови, душе моя, Господа, і вся внутренняя моя, імя святоє Єго. Благослови, душе моя, Господа, і не забивай всіх воздаяній Єго. Очищаюшаго вся беззаконія твоя, ісціляющаго вся недуги твоя. Ізбавляющаго от істлінія живот твой, вінчающаго тя милостію і щедротами. Ісполняющаго во благих желаніє твоє: обновится яко орля юность твоя. Творяй милостині Господь, і судьбу всім обидимим. Сказа путі Своя Мойсеові, синовом Ізраїлевим хотінія Своя. Щедр і милостив Господь, долготерпелив і многомилостив. Не до конца прогнівається, ніже во вік враждуєт. Не по беззаконієм нашим сотворил єсть нам, ніже по гріхом нашим воздал єсть нам. Яко по висоті небесній, от землі, утвердил єсть Господь милость Свою на боящихся Єго. Єлико отстоят востоци от запад, удалил єсть от нас беззаконія наша. Якоже щедрит отец сини, ущедри Господь боящихся Єго. Яко Той позна созданіє наше, помяну яко персть єсми. Человік, яко трава, дніє єго, яко цвіт сельний, тако отцвітет. Яко дух пройде в нем, і не будет, і не познаєт ктому міста своєго. Милость же Господня от віка і до віка на боящихся Єго. І правда Єго на синіх синов, хранящих завіт Єго і помнящих заповіді Єго, творити я. Господь на небесі уготова престол Свой, і царство Єго всіми обладаєт. Благословіте Господа, всі Ангели Єго, сильнії кріпостію, творящії слово Єго, услишати глас словес Єго. Благословіте Господа, вся сили Єго: слуги Єго, творящії волю Єго. Благословіте Господа, вся діла Єго. На всяком місті владичествія Єго благослови, душе моя, Господа. На всяком місті владичествія Єго благослови, душе моя, Господа.

    Прославлення Бога за особливу охорону віруючого

    Псалом 22

    Господь пасет мя, і нічтоже мя лишит. На місті злачні, тамо всели мя, на воді покойні воспита мя. Душу мою обрати, настави мя на стези правди, імене ради Своего. Аще бо і пойду посреді сіні смертния, не убоюся зла, яко Ти со мною еси: жезл Твой і палица Твоя, та мя утішиста. Уготовал єси предо мною трапезу сопротив стужающим мні; умастил еси єлеом главу мою, і чаша Твоя упоявающи мя, яко державна. І милость Твоя поженет мя вся дні живота моєго, і єже вселити ми ся в дом Господень в долготу дній.

    Жаль за гріхи і молитва до Бога про помилування на суді

    Псалом 37

    Господи, да не яростію Твоєю обличиши мене, ніже гнівом Твоїм накажеши мене, Яко стріли Твоя унзоша во мні, і утвердил єси на мні руку Твою. Ність ісціленія в плоті моєй от лица гніва Твоєго, ність мира в костех моїх от лица гріх моїх. Яко беззаконія моя превзидоща главу мою, яко бремя тяжкоє отяготіша на мні. Возсмердиша і согніша рани моя от лица безумія моєго. Пострадах і слякохся5 до конца, весь день сітуя хождах. Яко лядвія6 моя наполнишася поруганій, і ність ісціленія в плоті моєй. Озлоблен бих і смирихся до зіла, риках от воздиханія сердца моєго. Господи, пред Тобою все желаніє моє і воздиханіє моє от Тебе не утаїся. Сердце моє смятеся, остави мя сила моя і світ очію моєю, і той ність со мною. Друзі мої і іскреннії мої прямо мні приближишася і сташа. І ближнії мої отдалече мене сташа, і нуждахуся іщущії душу мою. І іщущії злая мні глаголаху суєтная і льстивим весь день поучахуся. Аз же яко глух не слишах, і яко нім не отверзаяй уст своїх. І бих яко человік не слишай, і не імий во устіх своїх обличенія. Яко на Тя, Господи, уповах. Ти услишиши, Господи, Боже мой. Яко ріх: да не когда порадуютмися врази мої, і всегда подвижатися ногам моїм, на мя велерічеваша.

    Бажання віруючого з’єднатися з Богом і надія на Нього в нещасті

    Псалом 41

    Імже образом желает єлень на істочники водния, сице желает душа моя к Тебі, Боже. Возжада душа моя к Богу кріпкому, живому: когда приїду і явлюся лицу Божію? Биша слези моя мні хліб день і нош, внегда глаголатися мні на всяк день: гді єсть Бог Твой? Сія помянух, і ізліях на мя душу мою: яко пройду в місто селенія дивна, даже до дому Божія, во глас.і радованія і ісповіданія, шума празднуюшаго. Вскую прискорбна єси, душе моя? і вскую смущаєши мя? Уповай на Бога, яко ісповімся Єму, спасеніє лица моєго і Бог мой. Ко мні самому душа моя смятеся: сего ради помянух Тя от землі Іордански і Єрмоніїмски, от гори малия. Бездна бездну призиваєт во гласі хлябій1 Твоїх. вся висоти Твоя і волни Твоя на мні преідоша. В день заповість Господь милость Свою, і нощію піснь Єго от мене молитва Богу живота моєго. Реку Богу: Заступник мой єси, почто мя забил єси? І вскую сітуя хожду, внегда оскорбляет враг? Внегда сокрушатися костем моїм, поношаху ми врази мої, внегда глаголати їм мні на всяк день: гді єсть Бог твой? Вскую прискорбна єси, душе моя, і вскую смущаєши мя? Уповай на Бога, яко ісповімся Єму: спасеніє лица моєго і Бог мой.

    Властивості праведника і наслідника життя вічного

    Псалом 14

    Господи, кто обитаєт в жилищі Твоєм! Іли кто вселится во святую гору Твою? Ходяй непорочен, і ділаяй правду, глаголяй істину в сердці своєм: іже не ульсти язиком своїм і не сотвори іскреннему своєму зла, і поношенія не прият на ближнія своя: уничижен єсть пред ним лукавнуяй, боящияжеся Господа славит: кленийся іскреннему своєму, і не отметаяся: сребра своєго не даде в лихву, і мзди на неповинних не прият. Творяй сія не подвижится во вік.

    Бог прощає гріхи тим, хто смиренно сповідає їх перед ним

    Псалом 31

    Блажени, їхже оставишася беззаконія, і їхже прикришася гріхи. Блажен муж, єму же не вмінит Господь гріха, ніже єсть во устіх єго лесть. Яко умолчах, обетшаша кості моя, от єже звати ми весь день. Яко день і нош отяготі на мні рука Твоя, возвратихся на страсть, єгда унзе ми терн. Беззаконіє моє познах і гріха моєго не покрих, ріх: ісповім на мя беззаконіє моє Господеві: і Ти оставил єси нечестіє сердца моєго. За то помолится к Тебі всяк преподобний, во время благопотребно: обаче в потоці вод многих к нему не приближатся. Ти єси прибіжище моє от скорби обдержащія мя: радосте моя, ізбави мя об обишедших мя. Вразумлю тя, і наставлю тя на путь сей, в оньже пойдеши: утвержу на тя очі Мої. Не будите яко конь і меск, імже ність разума: броздами і уздою челюсті їх востягнеши, не приближающихся к тебі. Многі рани грішному: уповающаго же на Господа милость обидет. Веселітеся о Господі і радуйтеся, праведнії, і хвалітеся, всі правії сердцем.

    Не треба заздрити щастю грішників, а слід дивитися на кінець грішних і праведних

    Псалом 36

    Не ревнуй лукавнующим, ниже завиди творящим беззаконіе. Зане яко трава скоро ізшут, і яко зеліє злака скоро отпадут. Уповай на Господа і твори благостиню: і насели землю, і упасешися в богатстві єя. Насладися Господеві, і даст ти прошенія сердца твоєго. Открий ко Господу путь твой, і уповай на Него, і Той сотворит. І ізведет яко світ правду твою і судьбу твою яко полуднє. Повинися Господеві і умоли Єго: не ревнуй спіющему в путі своєм, человіку творящему законопреступленіє. Престани от гніва і остави ярость: не ревнуй, єже лукавновати. Зане лукавнующії потребятся: терпящії же Господа, тіє наслідят землю. І єще мало, і не будет грішника: і взищеши місто єго і не обрящеши. Кротциї же наслідят землю і насладятся о множестві мира. Назираєт грішний праведнаго і поскрежещет нань зуби своїми: Господь же посмієтся єму, зане прозираєт, яко приїдет день єго. Меч ізвлекоша грішници, напрягоша лук свой, низложити убога і нища, заклати правия сердцем. Меч їх да внидет в сердца їх, і луци їх да сокрушатся. Лучше малоє праведнику, паче богатства грішних многа. Зане мишци грішних сокрушатся: утверждаєт же праведния Господь. Вість Господь путі непорочних, і достояніє їх в вік будет. Не постидятся во время лютоє і во днех глада наситятся, яко грішници погибнут. Врази же Господні, купно прославитися їм і вознестися, ісчезающе яко дим ісчезоша. Заємлет грішний і не возвратит: праведний же щедрит і дает. Яко благословящії Єго наслідят землю, кленущії же Єго потребятся. От Господа стопи человіку ісправляются, і путі єго восхощет зіло. Єгда падет, не разбієтся, яко Господь подкріпляєт руку єго. Юнійший бих, ібо состаріхся, і не видіх праведника оставлена, ніже сімене єго просяща хліби. Весь день милуєт і взаєм даєт праведний, і сімя єго во благословеніє будет. Уклонися от зла і сотвори благо, і вселися в вік віка. Яко Господь любит суд і не оставит преподобних Своїх: во вік сохранятся; беззаконници же ізженутся, і сімя нечестивих потребится. Праведници же наслідят землю і вселятся в вік віка на ней. Уста праведнаго поучатся премудрості, і язик єго возглаголет суд. Закон Бога єго в сердці єго, і не запнутся стопи єго. Смотряєт грішний праведнаго і ішет єже умертвити єго. Господь же не оставит єго в руку єго, ніже осудит єго, єгда судит єму. Потерпи Господа, і сохрани путь Єго, і ознесет тя, єже наслідити землю: внегда потреблятися грішникам, узриши Видіх нечестиваго превозносящася і висящася яко кедри Ліванскія: і мимо ідох, і се не бі, і взисках єго, і не обрітеся місто єго. Храни незлобіє і виждь правоту, яко єсть останок человіку мирну. Беззаконници же потребятся вкупі: останци же нечестивих потребятся. Спасеніє же праведних от Господа, і Защититель їх єсть во время скорби: і поможет їм Господь і ізбавит їх, і їзмет от грішник і спасет їх, яко уповаша на Него.

    Особлива милость Божа до милостивих

    Псалом 40

    Блажен разуміваяй на нища і убога, вдень лют ізбавит єго Господь. Господь да сохранит єго і живит єго, і да ублажит єго на землі і да не предаст єго в руки врагов єго. Господь да поможет єму на одрі болізні єго: все ложе єго обратил єси в болізні єго. Аз ріх: Господи, помилуй мя, ісціли душу мою, яко согріших Ти. Врази мої ріша мні злая: когда умрет, і погибнет імя єго? І вхождаше видіти, всує глаголаше сердце єго: собра беззаконіє себі, ісхождаше вон і глаголаше вкупі. На мя шептаху всі врази мої, на мя помишляху злая мні. Слово законопреступноє возложиша на мя: єда спяй не приложит воскреснути? Ібо человік мира моєго, на негоже уловах, ядий хліби моя, возвеличи на мя запинаніє. Ти же, Господи, помилуй мя і возстави мя, і воздам їм. В сем познах, яко восхотіл мя єси, яко не возрадуєтся враг мой о мні. Мене же за незлобіє приял, і утвердил мя єси пред Тобою в вік. Благословен Господь Бог Ізраїлев от віка і до віка: буди, буди.

    Блаженство тих, що перебувають в храмі Господньому

    Псалом 83

    Коль возлюбленна селенія Твоя, Господи сил! Желаєт і скончаваєтся душа моя во двори Господні: сердце моє і плоть моя возрадовастася о Бозі живі. Ібо птица обріте себі храмину, і горлица гніздо себі, ідіже положит птенци своя: олтарі Твоя, Господи сил, Царю мой і Боже мой. Блажені живущії в дому Твоєм: в віки віков восхвалят Тя. Блажен муж, ємуже єсть заступленіє єго у Тебе: восхожденія в сердці своєм положи, во юдоль2 плачевную, в місто єже положи, ібо благословеніє даст Законополагаяй. Пойду от сили в силу: явится Бог богов в Сіоні. Господи Боже сил, услиши молитву мою, внуши, Боже Іаковль. Защитниче наш, виждь, Боже, і призри на лице Христа Твоєго. Яко лучше день єдин во дворіх Твоїх паче тисящ: ізволих приметатися в дому Бога моєго паче, неже жити ми в селеніїх грішничих. Яко милость і істину любит Господь, Бог благодать і славу даст: Господь не лишит благих ходящих незлобієм. Господи Боже сил, блажен человік, уповаяй на Тя.

    Прославлення милосердя Божого тих, що надіються на нього

    Псалом 90

    Живий в помощи Вишняго, в крові Бога Небеснаго водворится речет Господеві: Заступник мой єси і прибіжише моє, Бог мой, і уповаю на Него. Яко Той ізбавит тя от сіти ловчі і от словесе мятежна; плещма своїма осінит тя, і под крилі Єго надієшися; оружієм обидет тя істина Єго. Не убоїшися от страха нощнаго, от стріли летяшія во дні, от вещи1 во тьмі преходящія, от сряща2 і біса полуденнаго. Падет от страни твоєя тисяща, і тьма одесную тебе, к тебі же не приближится; обаче очима твоїма смотриши, і воздаяніе грішников узриши. Яко Ти, Господи, упованіє моє; Вишняго положил єси прибіжище твоє. Не приідет к тебі зло, і рана не приближится тілеси твоєму: яко Ангелом Своїм заповість о тебі, сохранити тя во всіх путех твоїх. На руках возмут тя, да не когда преткнеши о камень ногу твою; на аспіда і василіска наступити, і попереши льва і змія. Яко на Мя упова, і ізбавлю і покрию і, яко позна імя Моє. Воззовет ко Мні, і услишу єго; с ним єсм в скорбі, ізму єго і прославлю єго; долготою дній ісполню єго, і явлю ему спасеніє Моє.

    Без благословення Божого не можна мати успіху в ділах своїх

    Псалом 126

    Аще не Господь созиждет дом, всує трудишася зиждущії: аще не Господь сохранит град, всує бді стрегій. Всує вам єсть утреневати: востанете по сідінії ядущії хліб болізні, єгда даст возлюбленним Своїм сон. Се, достояніє Господнє синове, мзда плода чревняго. Яко стріли в руці сильнаго, тако синове оттрясених. Блажен, іже ісполнит желаніє своє от них: не постидятся, єгда глаголют врагом своїм во вратіх.

    Утіха віруючого під захистом Божим

    Псалом 26

    Господь просвіщеніє моє і Спаситель мой, кого убоюся? Господь защититель живота моєго, от кого устрашуся? Внегда приближатися на мя злобующим, єже сністи плоті моя, оскорбляющії мя і врази мої, тії ізнемогоша і падоша. Аще ополчится на мя полк, не убоїтся сердце моє: аще возстанет на мя брань, на Него аз уповаю. Єдино просих от Господа, то взищу: єже жити ми в дому Господні вся дні живота моєго, зріти ми красоту Господню і посіщати храм святий Єго. Яко скри мя в селенії Своєм, в день зол моїх покри мя в тайні селенія Своєго, на камень вознесе мя. І нині, се вознесе главу мою на враги моя: обидох і пожрох в селенії Єго жертву хваленія і воскликновенія: пою і воспою Господеві. Услиши, Господи, глас мой, імже воззвах, помилуй мя і услиши мя. Тебі рече сердце моє: Господа взищу, взиска Тебе лице моє, лица Твоєго, Господи, взищу. Не отврати лица Твоєго от мене, і не уклонися гнівом от раба Твоєго: помощник мой буди, не отрини мене, і не остави мене, Боже, Спасителю мой. Яко отец мой і мати моя остависта мя, Господь же восприят мя. Законоположи ми, Господи, в путі Твоєм, і настави мя на стезю правую враг моїх ради. Не предаждь мене в душі стужающих ми: яко восташа на мя свідітеле неправеднії, і солга неправда себі. Вірую видіти благая Господня на земли живих. Потерпи Господа, мужайся, і да кріпится серце твоє, і потерпи Господа.

    Утіха праведника під постійною охороною Божою

    Псалом 120

    Возведох очі мої в гори, отнюдуже пріідет помощ моя. Помощ моя от Господа, сотворшаго небо і землю. Не даждь во смятеніє ноги твоєя, ніже воздремлят Храняй тя: се не воздремлет, ніже уснет Храняй Ізраїля. Господь сохранит тя, Господь покров твой на руку десную твою. Во дні солнце не ожжет тебе, ніже луна ношію Господь сохранит тя от всякаго зла, сохранит душу твою Господь: Господь сохранит вхожденіе твоє і ісхожденіє твоє, отнині і до віка.

    Піклування Боже про віруючого і обрання його для життя вічного

    Псалом 138

    Господи, іскусил мя єси і познал мя єси: Ти познал єси сіданіє моє і востаніє моє. Ти разуміл єси помишленія моя іздалеча: стезю мою і уже моє Ти єси ізслідовал, і вся путі моя провиділ ЄСИ. Яко ність льсті в язиці моєм: се, Господи, Ти познал єси вся послідняя і древняя: Ти создал єси мя, і положил єси на мні руку Твою. Удивися разум Твой от мене, утвердися, не возмогу к нему. Камо пойду от духа Твоєго? і от лица Твоєго камо біжу? Аще взиду на небо, Ти тамо єси: аще сниду во ад, тамо єси. Аще возму крилі мої рано, і вселюся в послідних моря, і тамо бо рука Твоя наставит мя, і удержит мя десница Твоя. І ріх: єда тьма поперет мя? І нощ просвіщеніє в сладості моєй Яко тьма не помрачится от Тебе, і нощ яко день просвітится: яко тьма єя, тако і світ єя. Яко Ти создал єси утроби моя, восприял мя єси із чрева матере моєя: ісповімся Тебі, яко страшно удивился єси: чудна діла Твоя, і душа моя знаєт зіло. Не утаїся кость моя от Тебе, юже сотворил єси в тайні, і состав мой в преісподних землі. Несоділанноє моє видіста очі Твої, і в книзі Твоєй всі напишутся: во днех созиждутся, і ніктоже в них. Мні же зіло честни биша друзі Твої, Боже, зіло утвердишася владичествія їх: ізочту їх, і паче песка умножатся: востах, і еще єсм с Тобою. Аще ізбієши грішники, Боже: мужіє кровей, уклонітеся от мене. Яко ревниви єсте в помишленіїх, приїмут в суєту гради Твоя. Не ненавидящия ли Тя, Господи, возненавидіх, і о вразіх Твоїх істаях? Совершенною ненавистію возненавидіх я во враги биша ми. Іскуси мя, Боже, і увіждь сердце моє: істяжи мя, і разумій стезі моя: і виждь, аще путь беззаконія во мні, і настави мя на путь вічен.